من هو الليبي؟

أولا، أعتذر للادارة، لكن ما عرفتش في أي قسم نحط الموضوع.

ثانيا، لاحظتكم يا خوتي و اخواتي في المنتدى أنكم مشحونين من أمس بالأخبار العاجلة و والعة فيكم النار..و نحلف عليكم لو نديرلكم تحليل دم، نلقى السكر راقي و حتى الضغط راقي...حبيت نغيرلكم أجواءكم شوية بتعريف..من هو الليبي.

أنت ليبي عندما تنطبق عليك هذه المواصفات:-

... ^
^
^
^
1-لما تسأله وين فلان يقولك في جيبي .

2-لما يطلع من الحمام ايبخ المية علي وجه اول واحد ايشوفه .

3-لما يكون في السطح لازم يتفرج ع الشارع .

4-اول ما يطلع من الكوشة لازم يأكل خبزه .

5-لما يشوف خوه الصغير ماسكـ شبس (بطاطا) يقوله هات نفتحهلك (يأكل نصها) .

6-لما يكمل الشامبو لازم يعبيه امية .

7-لازم يفتح الثلاجة 15 مرة في اليوم

8-ولما بيستعمل الانصنصير يرص البطمه عشره مرات علي اساس بينزل اسرع

9-ولما يشوف سوق جديد يبات فيه 15 اليوم

10-واول ما تسأله شن الجو يقولك كساد

lol!

و كل عام و انتم طيبين

وحق ربى انتا جبت الوصف صاح ربى يعطيك الصحه

من طرف ???? الجمعة 11 نوفمبر - 20:25

ههههههههههههههههههههههههههه

لكن الليبي اليوم اختلف

الليبي اليوم رجل خشن مجاهد من الدرجة الاولى ويحب يأكل اي جرذ يلاقية بطريقة

عاش الليبيون الشرفاء

عاشوا الليبيون الغيارى على وطنهم

اللهم انصر الليبيون الشرفاء وسدد رميهم

اللهم امين

ههههههههههه يعطيك الصحة...باهى شوفى اهما .كانك على شط البحر ولقيت واحد رادم دلاعه على الشط ....فهذا بألتاكيد الشخص ليبى...اذا كان سمعت حد يقول شن الجو....صقع عليك....فهذا بألتاكيد الشخص ليبى..اذا كان لقيته ماسك مكياطه فى يد والسبسى فى اليدالتانيه....فهذا بألتاكيد الشخص ليبى

اهلا بيك اختي بروكن وكل سنة وانت طيبة ومنورة بجد عالموضوع هو هذا الليبي Thump up

من طرف shmos الجمعة 11 نوفمبر - 20:50

5-6-7 بالرسمي
2 خوي يديرلي فيها ما نحبهاش ..نموت منها اللقطه هيا

من طرف shmos الجمعة 11 نوفمبر - 20:53

بنت طرابلس 1 كتب:ههههههههههه يعطيك الصحة...باهى شوفى اهما .كانك على شط البحر ولقيت واحد رادم دلاعه على الشط ....فهذا بألتاكيد الشخص ليبى...اذا كان سمعت حد يقول شن الجو....صقع عليك....فهذا بألتاكيد الشخص ليبى..اذا كان لقيته ماسك مكياطه فى يد والسبسى فى اليدالتانيه....فهذا بألتاكيد الشخص ليبى

لقطة الدلاعه عندنا بس