اخيرا عادت مصر الي الصف العربي

قررت مصر فتح معبر رفح بين مصر وفلسطين بشكل دائم ما سبب الهلع
في اروقة حكومة كيان العدو الاسرائيلي .
والسؤال هنا ماخطورة فتح معبر رفح علي الكيان الصهيوني ؟

مثل خطورة فتح بوابة السلوم ل:
للمجرمين السابقين
واصحاب السوابق
وواخذي التسهيلات من المصارف
والامناء السابقين سارقي اموال الشعب الليبي
واصحاب التنظيمات الاسلامية المتطرفة
ومن لهم احقاد على الثورة
والمترفين والتجار مصصاين دماء الليبيين
وعملاء اوباما وساكوزي وكاميرون
ليستغلوا
ضد ليبيا الحبيبة

ان شاء الله بس يستقر الوضع في ليبيا وكل الفوضة تنتهي ومعاد فيه وحدة عربي
واذخل من كل مكان ولاتاشيرة ولاحاجة والمصري والجزائري والتونسي يدخل
كيف مايبي خلاص هذا التسيب بينتهي وخليهم هم ببواباتهم كانهم يبوها مفتوحة
لكن ليبيا لن ترجع كيف قبل لذرجة انا نيجيريا صرحت في مامضي انها فقدت
اربع الاف سجين مسجل خطر وتقول انهم بليبيا .
لكن اصبر اشويا تو تنبني ليبيا من جديد علي القانون وحماية الحقوق وانخلوا
مصر وتونس هما اللي ايجوا ايعلجو ويقرو عندنا
انا غذا لناظره قريب

ليبيا اعطتكم الحرية وسميتوها فوضى .
وخلينا غير نطهروا بنغازي من 2000 سجين أخرجهم ثوار الناتو من الكويفية وبعدها نفضوا للنيجيرين.
ثم أن هولاء العمال الافارقه هم الذين يسميهم اعلام موزة وأشباه الثوار
مرتزقه القذافي ويعذبونهم ويقتلونهم.
وليبيا فيها القانون والحريات من 1969 وين راقد انت .
وبالله خلينا نبدوا ب قطر والامارات ثم نفضوا للباقي
على الاقل تونس ومصر مادفعوش فلوس ثمن القنابل اللي تسقط علينا .
ووالله لولاهم ماوجدوا عملاء الصليبين حتى مكان يباتوا فيه.

من طرف الناصح الخميس 26 مايو - 13:12

ياليبيا 1 لماذا تريد إقناعنا بطريقة غير مباشرة أن ليبيا لت تعود ليبيا وأن الفساد فيها وأن، والله إسمع
لن يغير الله ما بقوم حتى يغيروا ما بأنفسهم.
تخلي التبن مغطي شعيرة ياراجل، بالله من الذي يجلب فيهم النيجيريين؟
المهم هذا منتدى وليس مربوعة.
بالله نريد الأخبار عن ليبيا ونحن ننتظر أي خبر وإنت فاتح لي موضوع على مصر.
وبالله نبي إنقولك حاجة إلى أين وصلت قطر والامارت؟ هل عادت إلى الصف العربي؟.
ياراجل والله درهتلي كبدي بهذه المواضيع.
بالله يامراقيبن نحن نترقب في أحوال ليبيا فقط، وحسب رأي أن أي موضوع ليس له علاقة بليبيا حاليا يتم إلغاءه.
والله لم نعد نرى إلا مواضيع منها، كيف إيصير ؟ تحدي . دوة زايدة.
والله ملينا منها هالمواضيع الفاسدة.
تديروا لنا حل مع هالشكال الباهية.

ياناصح انت ماشفت غير موضوعي اللي يتكلم علي مصر
شوف باقي المواضيع وشوفها علي شن اتكلم . وكلامي ياناصح
محوره القضية الفلسطينية قضية الامة العربية
وانا غلطان .
وخليهم الخليج تو ايردهم الصد ويردو والا انسيت الشيخ زايد بن
سلطان لما وقف ضخ النفظ وقال النفط العربي ليس اغلي من الدم العربي
وكان من اسباب الانتصار
اقراء التاريخ جيدا واستسقي العبرمنه
ذلك اجدي

من قال لك ان الشيخ زايد وقف النفط.
ثم أن معمر القذافي هو من قاد معركة النفط وبداها بالتأميم
واولها شركة الخليج العربي للنفط
التي يستخدمها الان عملاء الناتو لسرقة نفط ليبيا
وعيت زايد خليهم يحرورا جزرهم المحتلة وبعدها انتفاهموا

من طرف libyangreen الخميس 26 مايو - 13:35

الدى اوقف النفط هو الملك فيصل رحمه الله -فقط للعلم بعدين هده مش قضيتنا

من طرف Libyan Patriot الخميس 26 مايو - 14:11

يأ أخــواني ماتمشوا بعيد عن الموضوع .. القضية هيا ليست في فتح معبر رفح انما كم سيدوم هذا الفتح
أحنا نعرف وللاسف ان بعض الانظمة العربية هيا اسيرة الضغوط والاملاءات الغربية واحنا كلنا عارفين ان معبر رفح في ظل نظام مبارك يفتح ليوم بعدين ايسكروه نتيجة للضغوط الامريكية .. اذا التحدي اللتي تواجهه حكومات
مصر مابعد مبارك هي استقلالية وجرأة قراراتها وعدم رضوخها للضغوط والاملاءات الغربية من اجل اسرائيل
وهنا فقط يمكننا ان نعترف ونقر ان مصر عادت الى الصف العربي