نداء الى احرار ترهونة

[b]التاريخ يذگر بالفخر ترهونه وأن نادى منادى الوطن مـــــاتو دونه
يذگر الأمجاد مـــــاضى مشرف سطروه أجداد
خاضوا معارگ نارها وقاد
لاگبگبوا ولاهى لهم الخونه
على ظهر سبق وين صار إعناد البارود يقدح والشعاب سخونه
بهم نفخروا ديمـــــاضنا لجــــواد شالوا أرواحهم في گفهم مرهونه
فراسين لاخافوا عتد لا إعتاد عدو دين ناصب في البلاد سجــــونه
فزعة عربنا حى ع الجهاد ولا يهنئ الغازي بنوم يلفى عيونه الوطا تستعر حمراء الجبل والواد تريس تدقل تراب الوطن مـــــا تهونه
نيران دارت في العدو رعاد فلول جيشهم انهزمت مشت ملعــونه
التاريخ يذگر بالفخر ترهونه وان نادى منادى الوطن مـــــاتو دونه
بجبالها وصخرها ووديانها وسهولها وشجرها صعبت علي المحتل يستعمرها
مرار الهزيمه ضاق خاب ضنونه نهار الشقيقه من أهوال خبرها نهار المسيل أحمر تبرم لونه
نهار الحموقه سيدها مشورها لسوق البلاء مايرد وطنه يصونه
صناديد تگتح من جعب دقرها علي العهد يفنوا ولا يقولوا غزونا
بلاد لوليه والأشراف يامطهرها أرض الكرم واللوز والزيتونه
كما سيل هادر ع الوطا غامرها عصيه أبيه ع العدو ترهونه
إيطاليا بجيوشها وعسكرها راحوا هتايا أشلاءهم مدفونه
التاريخ يذكر بالفخر ترهونه و أن نادى منادى الوطن ماتوا دونه
في الماضي وفي حاضرها شرهابه كريمه فوق دوم قدرها
ترهونه زعيم أفريقيا منورها خدي ثارنا من اللي زمان نفونا
ملايين في العالم خطب ونصرها مسح دمعة المحروم والقزونه
قضايه ومواجع جابها وذكرها النقد والغداء اللي يتاجروا في مخزونه
ونبه على لحروب ومخاطرها
والعالم الثالث ظلم شيل ديونه بنوت ظالمه وصف ظيمها استنكرها صدح بكلام الحق من مكنونه
شعوب الأرض فرحت زاهيه خواطرها وبيكم تزايد عزها ياخونا
التاريخ يذكر بالفخر ترهونه وان نادى منادى الوطن ماتوا دونه

كلمات الشاعر سليمان على البوزيديb]e]

تسلم

وين يا ترهونه وين هالخيانة،وين بيعكم لخوتكم ورفلة..مش تقولوا ديما ترهونة و ورفلة خوت وما يفرقهم كان الموت،وين الاخوة وين

من طرف ???? الخميس 24 نوفمبر - 10:21

اللهم نصرك الذي وعدت

صدقتي يا اختي Flag

باللهى ياخوان خلو الردود بعيدة على اللوم والمعاتبة
يارت اللى عنده كلمة طيبة يقولها
كلنا نعرفو ترهونة ولا احد ينكر جهادها
بس خلونا القترة هذى نخدمو وخلونا من غير حساسيات الوضع معاش يتحمل حساسيات والى عنده حاجة خليها في قلب ...
للاسف الاخوان ما قرت بين السطور.......؟؟؟؟؟

الله يهدي ثيران الناتو ليبيا في حرب اهلية والاستعمار يسرق نفطكم وين عقولكم انسو ماضي وخلو يدكم مع بعض ضد العملاء الذين باعو ليبيا و العدو الاكبر الاستعمار صح اهل مصراتة مجانين ليس عليهم حرج مع احترامي لشرفاء منهم لكن اهل الزنتان انتم عرب خل عنكم الحقد وضعو يدكم في يد سيف الدكتور وطهرو بلدكم في نهاية البقاء والدوام لله لا سلطة تبقى ولاشي ثاني موتو وعيشو وقلوبكم صافية تحت راية الخضراء راية الاسلام وليس تحت راية الصليب ويهود اللهم احقن دماء اهل ليبيا وازل الحقد من قلوبهم و اجمع كلمتهم لمحاربة الاستعمار تحت كلمة لااله الا الله محمدا رسول الله يا امة محمد علية الصلاة والسلام

التاريخ يذكر بالفخر ترهونه وان نادى منادى الوطن ماتوا دونه

حسب متابعتي للوضع الليبي وجدت أن ترهونه من القبائل التي وقفت في وجه الظلم والعدوان وبقت مع القائد وقدمت الشهداء وتظررت كثيرا من هذه الحرب وقد واجة صعوبات كثيرة جدا ولازالت في الهضبة ونواحيها تقدم عمليات جهادية كبيرة رغم الصعوبات وسيطرة العدو ,, ترهونه لها قصة كفاح عظيمة سيكتبها ويخلدها التاريخ بكل تفاصيلها ,, تحية لأحرار وشرفاء ترهونه