مقتطفات شعرية رائعة

لاتشتري من حاولوا يخسرونك *** ولاتخسر الي فكر بيوم يشريك
مافيه اجمل من صديق يصونك *** ولا فيه اقسى من قريب يعاديك
انا ورب البيت لو يخذلونك *** مهما حصل لايمكن اني اخليك

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك*** هم بوسط القلب والدمع همال
ولا انت ياكل الغلا افتخر فيك*** وحبك سكن داخل فؤادي ولا زال

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خزنت لــك بالقــلـب عشــرة مــلايين *** ماهو رصيد فلوس لكن مـودة
زكـاة فطـرك تغـني جميع المســاكين *** من الساحل الشرقي الى حد جده
وامشي معك والله على العسر واللين *** والموت والمقسوم محدٍ يرده

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يارفيق الدرب ماصدق نسيت *** خابرك مهما تعذبني حنون
لاذكرت ايامك الحلوة بكيت *** ماتهون ايام ودك ماتهون
راحتي وياك لامنك صغيت *** في ثواني كلها بوح وشجون
ولاقريت ابيات الرساله وانتهيت*** ودي اعرف في حياتك من اكون ؟

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فدوة عيونك لو غدت روح مغليك *** وش عاد لو راحت لعينك عشاير
ابيع مايغلى على الكون واشريك *** واسوق لي جتني اعلومك بشاير
وازعل جميع الناس بالحيل وارضيك *** واصبر ولو دارت على الدواير

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مايصير انساك لا مايصير *** في خفوقي لك محبه واحترام
قبلك الدنيا مثل حلم صغير *** وعقبك الدنيا غرام في غرام
انت مثل النور في عين الضرير*** لالمحتك مابقى حولي ظلام
فيك عمري فيك روحي والمصير ***فيك كل ايام عمري والسلام

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كتبت انا في تالي الليل بيتين *** لعيون من يسوى جميع الخلايق
إلي معاهدني على الزين والشين *** وإلي بشوفة يصبح الفكر رايق
الصاحب إلي منزله داخل العين *** هو الخوي وقت السعه والضوايق

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

يفداك عمري يابعد عمر مغليك *** وتفداك روحي والعيون وسهرها
ابيع كل الناس يازين واشريك *** والناس لأجلك مستعد اخسرها
امر وحنا ياهوى البال نرضيك *** يابسمة ايام العمر ياقمرها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حبٍ يغيب وصاحبه مابعد غاب *** وحبٍ يدوم وصاحبه في غيابه
وحبٍ يذوب خافقٍ مابعد ذاب *** وحبٍ يداوي صاحبه من عذابه
وحبٍ حياته كلها لوم وعتاب *** وحبٍ حقيقي مايضرك عتابه
وحبٍ بلا معنى وحبٍ بلا اسباب *** يبدأ غريب وينتهي في غرابه