بالزاوية كلية الطب ..بنات القائد اشرف من الشرف...وبالتحدي نهدو الخاين

اليوم في كليةالطب الزاوية ...مجموعة من بنات مقعمزين مع بعضهم وطبعا هما نعناعات ....وفي من الجهة الاخري مجموعة يابسة يعني معارضيين....وحدث نقاش بين المجموعة المؤيدة للقائد وشوية شوية تهجمت عليهم المجموعة المعارضة بالكلام لكن بنات القائد اشرف من الشرف وبراحة بال ردت عليها وخلتها مسخرة قدام العالم...وكان كلام البنت المعارضة شتم للقائد *حشاه طبعا*..والبنت المؤيدة بردت علي الخاطر وقتلها انا مش خايفة منك وقتلها انا بنت فلان ....؟؟ والمعارضة قتلها معقولة تبيعي الشهداء يا جعانة .. المؤيدة قتلها انا جعانة بس ما درتش العار وجبت الناتو...قتلها ومعمر الله يرحمه . ..المعارضة قتلها كيف تقولي الله يرحمه..قتلها شن تبيني نرحم علي الناتو.قتلها ايه رحمي علي الناتو لي ساعدنا...هههههه .والمؤيدة قالت لللمعارضة مهما كان(( اذكرو محاسن موتاكم ))وهادي طبعا اية قرانية...المعارضة ضحكت علي الاية وكانها من المؤيدين..وطبعا المعارضة تهجمت علي المؤيدة وبدت تشد فيها من يدها بس المؤيدة كانت ترد عليها بكل راحة ومن غير خوف...والمعارضة قالت المؤيدة انها جيفة وجعانة وجردافية ...بس هيا ردت عليها وقتلها في جيم خلينهالكم انتم...طبعا تقصد جردان...والمعارضة .فار دمها لما فهمتها... بس عجبني التحدي والاصرار لي كان بعيون النعناعة ...والخونه والعملاء من اسمو نفسهم بالمعارضين ...قالت طموحنا بفرنسا وبريطانيا وهما لي بيعلونا فوق....والفضل يرجع ليهم....لا والهم الاكبر ان البنات معلقين العلم هدا تبع الاستغوال...ومعه علم خطر...قصدي قطر...والحقائب والوشحات اه وخلاص...بس باهي لي صارت الثورة باش لبستهم شناطي ووشحات و...غير ميقولوش القدافي كان حارمنا كله باهي......طولت عليكم بس هدا لي صاير...وتاكدو اننا بنات القائد وفي كل مكان منطلعوش الا واحنا واخدين حقة في دار دار من كل بيت في كل زنقة ....تعيش يابابا خشمك فوق... والمصدر اختي في قلب الحدث

هههههههههه طحلوبات علي مبدانا .....ضد المستعمر واعونه

اللهم انصر الشرفاء الاحرار والحرائر

اللهم امين

الحر لا يخون ولا يبيع

اللهم انصر الشرفاء الاحرار والحرائر

طحلوبية وراسي علي .... نفرح وين ايقولوهالي

النعناعات في كل مكان

منورين والله

الله يحفظهن مؤيدات معمر

الله يحييى اصلهن ياريت كل الليبيات زيهن ... الله يبارك فى اهلهن ... هكى الحرائر والا بلاش

مشاء الله عليكن اخوات الرجال بس قولى لوخيتك وصاحباتها انهم يردوا بالهم من الذئاب البشرية راهوا هل الثيران ممكن يديروا اى حاجة باش يفطسوا الخشم ديما اقروا ايات الحفظ والله خير حافظ وتمسكوا بدينكم دمتم وطول الله عمركم بنات بلادى الحرات اللى ما يرضوا بالذل

الشاى الاحمر موش حلو بالنعناع . . لكن الشاى الاخضر يهبل بالنعناع

رحمتك ياااااااااارب

اللهم انصر الشرفاء الاحرار والحرائر

اللهم امين