شتاوات وغناوي علم على الشهيد البطل والكل إيشارك

أول شئ بنكتب شعر عاجبني وبعدين الشتاوات

سلام تحية , من وسط قلبي ليك موش شوية , (( يا عمورة )) , يا نور ضاوي في الوطا جملية , ضيك تمادى وصل في الحجازي , وخطم على الأردن وفي تركيه , وفي إيران شكع في جبل الأهوازي , وفات حتى القارة الهندية , تقول مد نافع كيف علم الرازي , وحتى العلم حداك ما يجي شيه لو خيروني ما خطاك انوازي , يا عمورة

وتوا الشتاوات

اللي ما يبكي تخنق فيه *** العبرة من فرقة غاليه

(( هدية مني إلى كل من يحب الشهيد البطل ))

غلاكم نازل فيه قرار *** إيجدد عقده بإستمرار
يا عموره

كلام إمصدق موش طروح ***العين إتحبك كيف الروح
يا عموره

صاحب صوب كبير الهمه *** كيف معمر وسط القمة
يزيدك علو وشموخ يا شهيدنا

في أقسام بعد ينونك *** ترضى بيهن غصباً عنك
حسبي الله ونعم الوكيل

إتصدق نا لا شئ بلاك *** غبت وغاب العقل معاك
عقولنا كلها غابت من بعدك

الخاطر عنده ما من نوع *** إبكا بدموع وغير دموع
عليك يا شهدينا

نشكي مالدنيا ضرتني *** مكسور الخاطر خلتني
مكسورين من غيرك

نوضن عالغياب إتباكن *** والنوم إجعنه ما جاكن
وين بي إيجي النوم بعدك

نا والعين عليك حلفنا *** إنحبك لين الدنيا تفنى
وعد مني لسيدي القائد

عيني على الأحباب اتزازي *دوم إتراجي* في ميعاد وجلسة وهدرازي
فقدنا ميعادك وجلستك وهدرزتك وطلتك علينا

غلاكم ما عنده تحديد *مداه بعيد* إمعانا كل في يوم إيزيد
فعلاً غلاك مداه بعيد

ونختمها بغناوة

إيموتوا اللي حيين وإيعيشوا المدفونين ويبيد عظم تاسع جيل ولا غلاك يا عموره جا دونه غلاه .


وواصل واصل واصل *** ما نبوش الفاصل

واللي عنده حاجة إيشاركنا بيها

يا كبار القدر وحق من خلق فيكم أوصاف الصقر ما يوم تتنسوا

تسلمى رااائع جدااا وفقك الله

عجبني شعرك
رووووووعه
ماشالله قلبك صافي مثل العسل الغالي

و انا معك يوم قلت :
تصدق نا لا شئ بلاك *** غبت وغاب العقل معاك
عقولنا كلها غابت من بعدك

ما هي سبيل لغيرك ياللي نقي كيف الحليب ضميرك الروح غالية ما هي سبيل لغيرك
يا أغلى من الروح

انا في قلوب الملايين كتب:عجبني شعرك
رووووووعه
ماشالله قلبك صافي مثل العسل الغالي

و انا معك يوم قلت :
تصدق نا لا شئ بلاك *** غبت وغاب العقل معاك
عقولنا كلها غابت من بعدك

تسلمي يا بنت زايد وهذا مش شعري لكن عاجبني وحبيت نكتبه في المنتدى ونعبر بيه في ما بي خاطري

ليسار عزت واليمين ثقيلة وغايب اللي في حاجتي نشكيله, واليمين اتزازي ومش قادرة تفهم أغياب أعزازي , ومن يوم غابوا طالبة عكازي , ومش قادرة توقف إلا بالحيلة
من شعر علي الكيلاني
والله ما عاد قادرين نوقفوا بالحق

ما ني عارف ! إتشيله مساحة سرت ولا جارف ! مصقوفه غلاك كبير يا عموره ! ما ني عارف .

والله غلاك يا عموره مصقوف هالكون كله وشوية فيك

ان شاء الله اجينا جيل جديد ... ايخلص دينك يالعقيد
الخاطر يالولاف ادمر ... كيف العظمى بعد معمر
الرايه الخضراء نبوها ... حتى كان استشهد بوها
نهو خاطري ماباش ينسى اعمورة ... لانسيت ولاننسى جميل التورة
نبكي والدمعة حراقة ...على موت معمر ورفراقه
نبكي والدمعة مخفية ... على معمر واولاد صفية

عادي يا خوي " نتنفس من الاخضر "

بجد مشكورة يانتنفس من الاخضر والله انتي مفرفشة المنتدى.
وحلووووووووووووو الشتاوااات

بنت طرابلس 1 كتب:تسلمى رااائع جدااا وفقك الله

الله يسلمك يا بنت طرابلس والله يوفق الجميع إن شاء الله
المهم واصل واصل واصل *** ما نبوش الفاصل

ليبية حرة بقائدها كتب:بجد مشكورة يانتنفس من الاخضر والله انتي مفرفشة المنتدى.
وحلووووووووووووو الشتاوااات

أنتي أحلى والشكر لله يا ليبيا حرة بقائدها والله هذا اللي في خاطري ومازااااااااااال
وواصل واصل واصل *** ما نبوش الفاصل ويا ريت الكل ايشارك

انا في قلوب الملايين كتب: عادي يا خوي " نتنفس من الاخضر "

عادي وأنا أختك يا بنت زايد ركزي شوية هههههههههه

خاسر يا بو شنة معانا *** كيف البرازيل وغانا

ليسار تمسح والدموع قواطر وليمينه من كثر الخبيط إنشلت من عند الصباح ديما علينا خاطر راه غيبتك ما عزم فينا خلت , ليسار عزت واليمين ثقيلة وغايب اللي في حاجتي نشكيله

 نشكى من الدنيا كسرتنى نين هرتنى نبكى بالدمعه خلتنى ..نشكى والشكوا دالتنى او قهرتنى مرايف وزاد حنينى ..نشكى

الدنيا كيف بلاك اتكون *** ترا فهمني يالحنون
يابونا الله يرحمك

صمتي خير من كثر الكلام وإن قلت ما عندي جديد, واللي صار صاير من أيام عشقك دم يسري في الوريد (( يا عموره )) , جنسك بشر في وصفك ملاك نوعك ذهب في قوة حديد , ما ننساك ولا غيرك عقيد لين القبر يبقالي مديد (( يا عموره ))

هذا القائد سيد القادة *** ما سلم في حق ابلاده

يا نظيف السيرة ياللي مثيل النفط في التسعيرة غلاك كل يوم يزيد يا نظيف السيرة (( يا عموره ))

نبكي عليه لين انموت عموره نا اللي في عازته

االجرذ اللي ما يبي باتي***مايلزمني طول حياتي

عمورة يانور زماني ......بوشنة طايح خلاني

الله يرحم هالسرتاوية ....جابت بومنيااار هدية