حالة ليبيا بعد العورة...طرابلس تعطي فكرة...

التاريخ : 2011-12-08

سكان طرابلس يطلبون من الثوار إلقاء أسلحتهم والخروج من المدينة

حالة ليبيا بعد العورة...طرابلس تعطي فكرة... 18485_1_1323298710

شرع
سكان العاصمة منذ أمس في إقفال معظم الشوارع الرئيسية وفرضوا إجراءات
مشددة على دخول السيارات التي تحمل الأسلحة اضطرت الحكومة والمجلس
الانتقالي إلى الاتفاق على منح مهلة أخيرة للثوار القادمين من خارجها إلى
مغارتها قبل يوم 20 من شهر ديسمبر الجاري.

وبدأت
مظاهر التظاهر منذ ظهر الأربعاء في معظم شوارع العاصمة التي شهدت حالة من
الازدحام وطوابير طويلة من السيارات التي أصبح تحركها محدودا بعد إقفال عدد
من شوارعها ومن بينها الشوارع الرئيسية الكبرى.

وأعلن
نائب رئيس اللجنة الأمنية العليا، عبدالرزاق العرادي، أنه تقرر حل كتائب
الثوار والتشكيلات المسلحة وعدم حمل السلاح إلا بتصاريح صادرة عن وزارتي
الدفاع والداخلية.

وأشار
العرادي إلى أن هذا القرار اتخذ خلال الاجتماع الذي عقد بين رئيس المجلس
الوطني الانتقالي الليبي مصطفى عبدالجليل ووزير الدفاع اسامة الجويلي ومجلس
طرابلس المحلي،مؤكدا أن القرار سينفذ قبل نهاية شهر ديسمبر الجاري.

وأبلغ
أحد القيادات بالمجلس المحلي للعاصمة يونايتد برس انترناشونال أن الدعوة
التي وجهت لسكان طرابلس بمختلف الطرق ومن بينها رسائل نصية على هواتفهم
المحمولة ستؤكد رفضهم لتواجد المسلحين من خارجها.

وقال
القيادي الذي فضل عدم ذكر اسمه " قمنا أمس بإقفال الطرقات، وهذه رسالة
إنذار أولية واليوم سنخرج في مظاهرات كبرى وفي حال عدم الاستجابة فإن سكان
طرابلس سيعتصمون في مدينتهم إلى حين خروج جميع المسلحين من الثوار".

وكان
شارعا الجمهورية والزاوية، وهما من أكبر شوارع العاصمة أقفلا منذ أمس أمام
حركة المرور احتجاجا على قيام مجموعة من الثوار بانتهاك حرمة المستشفى
المركزي والاعتداء على مديره وعدد من الأطباء بحجة وفاة أحد الثوار في غرفة
العمليات.

تعليقات القراء

( 1 )
ابن القرية

ارجعوا بالتي هي احسن كفاكم افلام الكاو بوي اتركوا العاصمة لاهلها يستنشقون هواء الحرية المدينة سنزرعها بالورود وليس بالبارود
( 2 )
نغم

القرار اللي داروه هدا قرار خاطئ توا اتشوفو شني حتكون النتيجة,, الثوار مش حيطلعوا من العاصمة "بسهولة"
( 3 )
الحاج

هذا هو الصح ردوا صور معمر اللي حولوهم وعلقوا العلم
الاخضر وكلموا عيشه تروح تحكمكم والا سلموا روحكم
للجماعه وبايعوا الشيخ
حمد (حفظه الله) ....
‏{غابت عليك الدباره }
( 4 )
شريف الشريف

قمة الفوضة و الانحطاط يا من تدعون انكم
ثوار هذه مهزلة و فوضة و الحل الوحيد على الاخوة بالوزارة الاستعانة بالحلف
الاطلسى الذى خلع الطاغية يخلع هؤلاء الشرزمة من المتسلقين الذين يدعون
بالثوار
الناتو هو الحل مع هؤلاء المنافقين يا مالاه ايام الطاغية .
( 5 )
مستغرب

طرابلس مدينة و مش معسكر للمليشيات المسلحة
و ليبيا تبنى بالعقول مش بالسلاح
( 6 )
امازيغيه حره

هدو الموجودين في الشوارع ماهم توار
,التوار الحقيقين انهوها التوره ورجعو لبيوتهم ومنخرطين في اعمالهم.هدو ناس
مكسده ومضيعين وقتهم في شوارع
( 7 )
لوما

طرابلس لليبيين كلهم دون تفريق وشعارنا من
الول يوم طرابلـــــــــــــــــــــس
عاصمتـــــــــــــــــــــــــــــا فيجب المحافظه عليه بكل ما اتانا الله
من قوه ولامكان بيننا للمخربين الضوضائيون ويا وزير الداخليه الله يرحم
ولديك اضرب بيد من حديد حتى لوكلف ذالك مايكلف فنحنو لها
( 8 )
ليبي حر

سلاح -مظاهر مسلحة-مشكلة على شأن
سيارة-قتل_وبعدين واول ماضرب ليبيا بصورايخ تماهوك والكارثة مدى الصورايخ
ودقة معروفة,واحنا قعدين كلاشن واربعتاطش ونص ودوران فى الشوارع ومش عارف
شني ثاني ويحسابو ارواحهم وصلوا ياودي فكرو فى ليبيا وبناءئها وسلاح
العلم افضل من هذا كلها والى متى وهل الجهل ارضعنها فى الحليب ؟
( 9 )
طرابلسية حرة

ياحاج اتحشم على شيبتك او سد من الفتن
وزنتان او غيرهم يطلعو من طرابلس خلونا انعيشو احيتنا اتحركو ياتوار طرابلس
او طلعو المسلحين من العاصمة و عاشت ليبيا حرة
( 10 )
صلاح سوق الجمعه

طرابلس ترحب بكم وليست غنيمة لكم ,طرابلس
حرة والناكر يطلع بره,معا من اجل بناء الجيش الوطني, الشعب يريد جيش واحد
,عودة الشرطة انتصار للثورة ,نعم للدولة المدنية ولا للميلشيات المسلحة ,لا
مكان للسلاح والفتنة في مجتمع مدني متحضر,هده مطالب سكان طرابلس وشعورهم
تجاه مدينتهم التي تنتهك من قبل مجرمين مسلحين يعتدون ويروعون الاطفال
والشيوخ والنساء اللي فهمش من بعد مضاهرات الاهالي والسكان الحقيقين يعني
هو من ازلام النضام الاجرامي ويبى يدير فوضى وينفد اوامر سيده الكلب اللي
مات الله لاترحمه والى جهنم وبئس المصير التورة تمت ولان مرحلة بناء الدولة
اللي عنده عمل يروحله واللي اهله فاقدينه ليهم فترة يروحو يشوفهم اللي
حيقعد بعد المهلة سواء المسلحين من طرابلس او من خارج طرابلس يبدا في كلام
تاني احنا نبو دولة القانون وسيادة الشرطة والجيش الوطني بس والباقي كله
يروحو يشوف عمله واللي ما عنده تديرله الدولة عمل وتكافئه على مجهوده ولكن
طايحين فيها خنبه وسيارات من غير طارقات ويومك وتانيك قتلين واحد احنا
سادنا الشهداء اللي ضحوا لاجل ليبيا والمفقودين والجرحى ربي يشيفهم وهم
بمتابة الشهداء الاحياء في الارض اسمعوا لكلام ودورو على خدم ونبو الليبين
يعيشوا بكرامة وعزة وفخر ونبو دولة العدل والقانون والمحاسبة قبل المصالحة
اللي دار حاجة غلط من التوار او من اي كان يتحاسب لا احد فوق القانون كلنا
تحته .
وانشر يا ولد العول والا نقول.
( 11 )
عربي حر

انا سعيد جدا بهذا التحرك الجد رائع من
شباب طرابلس الاحرار ولكن ارجوا منكم ان لا تلقوا بلومكم على ثوار المناطق
الاخرى فقط لان حتى ثوار طرابلس لهم دور كبير في هذه الفوضى الموجودةفي
العاصمة فهم ليسوا ملائكة. على سبيل المثال ثوار سوق الجمعة عندما عملوا
فوضى في بني وليد ماالذي دفعهم الى الذهاب الى بني وليد.ارجوا منكم ان
تبداؤ بأنفسكم اولا بأن تلقوا أسلحتكم وخصوصا الاسلحة الثقيلة عندها يكون
لكم الحق في اجبارهم على الخروج.واجوا عدم التحيز لطرابلس في المظاهرات
فجميع المناطق تشكوا من السلاح ويجب ان نتظاهر لاجل ليبيا بالكامل لا لأجل
العاصمة فقط.والله المستعان.
.

من طرف Zico الخميس 8 ديسمبر - 16:33

مازل مازال شيني ريتوا توا طلعوا مليشيات وتوا طلعوا مش عارف شيني تي هما قاعدين معششين لتوا كنت البرا وقاعدين قالوللكم منغرسون هنا ولن نغادر توا حلوها بسنونكم مش خوتنا وطبلتوا ورقصتوا وخنتوا مش خوتكم الثوار وولاد بلادكم تي باللهي أنت ما قدرتوا ترجعوا كمشة معيز ملقطين من كل تركينة بتقدروا تحموا بلاد وتطلعوا مستعمر ؟ مستحيلة تقدروا تطلعوهم وراح يندفع دم كثير وهذا اللي كانوا التريس الواعية يقولولكم عليه حسبتوها تهديدة وقلتوا سيف وبوه يهددوا توا تلقوا وورونا يا !!!!!!!!!!!!!!!!!!! كيف بتطلعوهم

Zico كتب:مازل مازال شيني ريتوا توا طلعوا مليشيات وتوا طلعوا مش عارف شيني تي هما قاعدين معششين لتوا كنت البرا وقاعدين قالوللكم منغرسون هنا ولن نغادر توا حلوها بسنونكم مش خوتنا وطبلتوا ورقصتوا وخنتوا مش خوتكم الثوار وولاد بلادكم تي باللهي أنت ما قدرتوا ترجعوا كمشة معيز ملقطين من كل تركينة بتقدروا تحموا بلاد وتطلعوا مستعمر ؟ مستحيلة تقدروا تطلعوهم وراح يندفع دم كثير وهذا اللي كانوا التريس الواعية يقولولكم عليه حسبتوها تهديدة وقلتوا سيف وبوه يهددوا توا تلقوا وورونا يا !!!!!!!!!!!!!!!!!!! كيف بتطلعوهم

والكلام الثاني يقولوا طرابلس (( حرروها أولادها )) (( من مني مازال مش عارفة قصة التحرير ههههههههه شكله فيها الطليان واليهود باش نتحرروا منهم )) تي ما دام فيها أولاد علاش كنتم تستنوا فيهم باش ايخشوا إلى طرابلس وتوا مش عاجبينكم وطلعوا مش عارف شني وطرابلس للكل وكانت تحضن في الجميع أيامات القائد الله يرحمه وما في فرق بين حد وحد لكن أنتم اللي جبتوا الفتنة ولا توا قاعدين تفتنوا بيناتكم وهاذم الثيران خوتكم زي ما قلتوا علاش توا ما تبوهمش معاكم يا والله حالة وخلاص وهذا ما كسبت أيديكم تي من البداية ما نوقف مع حد ضد الدولة ولا نوقف مع حد يعتدي على الدولة لأنهم حيكونوا ديما ضد الدولة ومعاد يقدر حد ايردهم وليك الله يا ليبيا وحسبي الله ونعم الوكيل