هذا لسان حال الجرذان وبعض من حقيقتهم

لحقوا راهو بيخنبوا الانقلاب...
وواحد يعتصم ... وواحد يسبسب ... وواحد أمسكر الحدود ... وواحد أمسكر
المطار ... وواحد أمسكر الطريق ... وواحد يهرب في الإثار ... وواحد راسه
وراس القبور ... وواحد متسلق تقول بوبريص ألحقو ياولاد بيخنبو التورة واحد
يكذب ... وواحد ينهب ... وواحد يشتم ... وواحد يخرف... وواحد يدني في
النويرة لقديرته ... وواحد بداء يحط ف...ي خطوط حمر ... وواحد يدير في روحه
ثائر وهو جرذ ... وواحد كان مااخداش حقيبة بيقلب الحكومة ... وواحد يبي
ليبيا... . فيدرالية باش يحصل ما يلهط ... وواحد يقبض ملايين ويهرب عبدالله
السنوسي ... وواحد مايبيش ايسلم سيف للحكومة المركزية ... وواحد يا يشد
المجلس العسكري يا نهاركم أحرف ... وواحد يتاجر بالدين وكان تتكلم يطلعوك
فتان وكافر ... وواحد جماعته طايحين خنبة ويقولك لا هادو مش لينا ... وواحد
قاتل عبدالفتاح وإللى معاه ومايبيش يسلم روحه ... وواحد ما يبيش اللغة
العربية بس اللغة الرسمية في الدستور ... وواحد يشتم فى قطر ولاخر يدافع
عليها تقول توكل فيه وتشرب ... وواحد يضربها سكرة ويشدلك بوابة وحيه على
عمكم حيه حد يقرب ... وواحد يشبح في قبيلته ويصلي عالنبي تقول ربي ما خلقهم
إلا هما ... وواحد على خاطر حقائب حكومة مؤقتة يطلع المجلس الإنتقالي خونة
... وواحد يشبح في رويحته ومدينته وبس يقولك لولاي راهو ليبيا تقسمت ...
وواحد يبيها إسلامية !! عاد الله قتدهار !! تقول باقي الليبيين مش مسلمين
... وواحد يفتح قناة تلفزيونية ولا إذاعية ويلمع إللي يبيه و يمسح بي إللي
يبيه ... وواحد يخوف في الليبيين ويقوللهم البترول بيكمل وديرو حل لروحكم
من توة ... وواحد شادها على المصارف باش يصرف ألفين دولار ويطلع للسوق
يبيعها بمكسب ... وواحد ما يعجباش شكلك يشريها معاك ويجيك بسيارة 14.5
وعينك ما تشوف الا النور ... وواحد مداير جمعية خيرية ويلقط فالفليسات بسم
عوائل الشهداء والجرحى ويدس في جيبه ... حالة وخلاص .. ان شاءالله ربي يهدي
النفوس


منقول من موقع قريب من الجرذان