رد علي قصيده : احنا للشهامة يا عرب عنوان ... احنا فدمنا يجري صلاح الدين من طرف أخ شهيد الرصيفة

ياما إنعاني .. وشعوب العرب في عمرها الفاني
من الغرب وضعف العنَاني .. ذقنا الذل و حق المثاني
وراح العصر .. وراح تاريخ قديم أندثر
من دون البشر .. شافت ويل في الدهر الغبر
وفيه حكام باعتها أوطاني .. بيعة خسر حياها مات وضميرها انتحر

الله يلعنك يا حاكم الدوحة .. نستاهل النوحه
شعوب العرب كل واحد أبروحه .. كل واحد عليل تدمي أجروحه
وفيها إيعاني .. والناتو علينا يهد في المباني
وكل حاكم إيريد امشّي إطروحه .. وهو أمريكاني
وما ليش في العرب غير اللساني .. وإنضام الشعب وغابت فروحه
و شافيز عرّاهم تعراي عود الغصاني .. ما شي خافي أمورنا مفضوحة
موش للمعاني .. ومعروف منه علينا الجاني

الله يلعنك يا حاكم وأمير .. ريت هال مصير
اسود سواد ليل العسير .. أنهّنا علي يد صليبي حقير
ومسانده جرذ عميل و اخواني .. كان أخ وصديق والحبيب الدّاني

الله بالخير يا سيد السبيب .. إنريدوا طبيب
إداوي أجروح حارقات القليب .. ويرد الكرامة للوطن السليب
وتغمض أجفاني .. وتفتح علي نصر فاقدينه زماني
ويعلا الأخضر فوق الصليب .. ويندحر الجاني
وتنزاح عن وطننا ذيول الغريب .. ما يعود ثاني .. يرحل رحيل دولة العثماني

ويا حاكمين الدوحة ..
نا خاطري متكدر وكاثر نوحه .. من شين الفعايل
يا حاكمين دبي ..
شعب العرب لا ميت ولا هو حي .. نشرب المالح وناكل المنطوحة
وهو مونته الكفيار والويسكي .. وعلي إذلال شعبه نيته مفتوحة
وعلي أمريكا احنين ضميره حي .. ونحنا علينا نيته مفضوحة
يا حاكمين عُمان ..
شعب العرب صابح مريض جبان .. بين العوالم مندلي منهان
جميع العرب ما عاد فيهم نوفه .. أحرار العرب راحو في قولة كان
ذوايح اتدور عالنجا ملهوفة .. والخاين تعلا فوق تما شان
صايل وجايل كابرات اكتو فه .. باسمه أمريكا دمرت لأوطان
وباسمه يموتوا شعبنا في الورفله .. وباسمه إدمر شعب في الكوفه
نذالة أمريكا واضحة معروفه
يا جامعه عربيه ..
يا أم المصايب عال عرب جمليه ..
يا فاشلا في حل أي قضيه .. قراراتك عقيمة بايدا معروفه
من واشنطن قراراتك إتجي ممضيه .. وتقريها علينا مانك اللي مكسوفة
لا شجب لا تنديد للعبرية .. وسط المحافل وردتك مقطوفة
علي خط الأمريكان ميه الميه .. ونحنا العرب ما عندك علينا روفه
يا جامعه فينا أرضيتي السيه .. بجميع المصايب أوضاعنا محفوفة
ويا حاكمين الدوحة ..
نا خاطري متكدر و كاثر نوحه .. من شين الفعايل

رد ليس في محله لانك لم تفهم القصيدة وادخول علي القصيدة ألي نشرتها وحاتلقوا ردوده وردودي

وعنوان القصيدة : احنا للشهامة يا عرب عنوان ... احنا فدمنا يجري صلاح الدين

من طرف أخ شهيد الرصيفة

صح لسانك خوي الجندي كلمات ف الصميم