والله في القلب ياعصومة

دون ياتاريخ بلادي فيك امجادي في رقم اثنين وبوهادي
دون واكتب شلي صار وكم نهار وكم فارس فات التعدادي
صد اعادي ولاذل رضاه ومرمادي دون ياتاريخ بلادي
دون مامن جيل وراك اشرحله ماصاير في بلادي
فسر طول في ممشاك احكيله من جاى وغادي
وراك تنسى ملي خلاك وراك تنسى من كان قيادي
وماملي في الحق رخاك فيسع سلمها مالبادي
اكتب ياتاريخ امعاك وسلمها لي ناس ابادي
توا تبرم وتجي يالاك اجيال وتنشد عالماضي
دون يا تاريخ بلادي فيك امجادي في رقم اثنين وبوهادي
..........................................................
عاشقة معتصم القدافي
لنقنك عصام..ولنقنك ضي يضوي ف الظلام..عليك لو أندق الطبل ما نلتام..وأبكيت لين ماحَنْ الليل أنجومه..
يا غزال الوادي..غير الغزال شرَاد وأنت هادي..و يا طول ما دفعت عن بوهادي..أنت وضنا عمك طيور الحومة... اللي وين تناديهم أيجوا جرَادي..امنين العدَو كثف عليك أهجومه..و اللي ف البريقة طايحين نظادي..هاذيم هم أرجالك عادَين اللومة...
والله ما ننساكم..دوم خاطري جابد علي مدعاكم..أحني وطنا ظلَم بعد فرقاكم..باتك قمر وأنتم الليل أنجومه...
والله ما تاكلهم..يا تراب لو تعرف عوايد هلهم..ضنا فاطمة لأشراف من منزلهم..أولاد العقيد اللي أشداد أعزومه.. اللي راس لمقينص منازل هلهم..ضرابة
الغزال اللي أرقاق أسهومه..اللي يفرحوا بالضيف كان وصلهم..أيجي لي بيتهم خير من فنادق روما..اللي عالظهاري مالهم وإيبلهم..وعاشوا أفندية من غير حكومة...
ماتنتسي يلي اسماك عصومة
:
منقول من منتديات معمر القذافي

اختيار رائع
الله يبارك فيك

بل في قلوب الملايين

صحيتوا على مروركم اخوتي وخواتي
جاهد بكل جسارة...عليه يشهد التاريخ بلي داره...عليه الثنا و القول موش خسارة...شهيد بطل مفتخرين بيه أحفاده، فارس نوا درب الجهاد و اختاره...دون ليبيا ناضل و نال شهاده و معاه من ضنا وطنه أجواد عصاره...فرسان ليبيا يوم العناد أسياده،أربات عز لخشوم العدو كساره...جوارح أحقوق أبلادهم رداده.

اختيار رائع
الله يبارك فيك

ليبية حرة بقائدها كتب:اختيار رائع
الله يبارك فيك

ويبارك فيك اختي

دون واكتب شلي صار وكم نهار وكم فارس فات التعدادي
صد اعادي ولاذل رضاه ومرمادي دون ياتاريخ بلادي
دون مامن جيل وراك اشرحله ماصاير في بلادي


صدقتي اختي المقرحية ... وكتبتي فعبرتي واجزتي ما حصل..

مغاوير ليبيا الحرة كتب:دون واكتب شلي صار وكم نهار وكم فارس فات التعدادي
صد اعادي ولاذل رضاه ومرمادي دون ياتاريخ بلادي
دون مامن جيل وراك اشرحله ماصاير في بلادي


صدقتي اختي المقرحية ... وكتبتي فعبرتي واجزتي ما حصل..

هذا اقل شي في حق الشهيد ان نمجده تاريخه البطولي