ترفع ليش ياوقت الوضيع =وليش اتذل بالعازه ارجال.....

اعجبتني هذه القصيده لما وجدته فيها من وصف دقيق لحال الدنيا
وصف الشاعر كل المتناقضات بكلام سلس وانغام جميله ولكم التعليق

ترفع ليش ياوقت الوضيع =وليش اتذل بالعازه ارجال
املبس ليش تاجك لللكيع =وتطعن ليش في صيت بواهلال
وتستر ليش من عرضه يبيع =وتفضح ليش في قلة الحال
اتحلل ليش فالرزق المنيع =اتباعد ليش في رزق الحلال
تذكر ليش مالذيلي الصنيع =وتنكر ليش للفارس افعال
اتمجد ليش من لبست خليع =وتشتم ليش من طقة اخلال
تقهر ليش فالحمل الوديع =تنادي ليش للقرد بغزال
اتجامل ليش فالوجه البشيع =وليش اتذم لوحه للجمال
اتبكي ليش فالطفل الرضيع =ادلل ليش في ناساً ارذال
امدنقر ليش لنذالك اطيع =امفنص ليش في وجوه عقال
تعزم ليش ع الخير الشبيع =وحاسد ليش فقري ع الخيال
بوجاه ليش بايت فالصقيع =وفقصور ليش امنعم انذال
مجدب ليش في فصل الربيع =وقاصر ليش في قوة العيال
امكثر ليش من نسل التبيع =امشوهي ليش تريسك اقلال
اتصغر ليش من قدر الرفيع =الرزان ليش جبتا لنخال
الاشهب ليش فالقاعه رتيع =امحجر ليش الاربد بوانعال
خايف ليش مرموحه اتضيع =وطايب ليش موسك لجمال
امشوخ ليش الابكم والصريع =الشوخه ليش بقيتلك ابمال
وليش ابقيت تبحث ع الرقيع =وتسفي ليش ع التبر الرمال

للامانه لم اجد اسم الشاعر

جبتي منين ها لشعر الفضيع .... الله يحميك يا أخت الرجال

صح لسان الشاعر الرائع وماقصرتي يابنت الرصيفه على هذا الأنتقاء الجميل

تسلمي يا بنت الرصيفة وبارك الله فيك للشاعر يوسف اشويقي لقيتها باسمه

ترفع ليش ياوقت الوضيع =وليش اتذل بالعازه ارجال
املبس ليش تاجك لللكيع =وتطعن ليش في صيت بواهلال
وتستر ليش من عرضه يبيع =وتفضح ليش في قلة الحال
والله شنو انقواك يديرو ما يديرو هذا تاريخ وما يقدرو يغيروه وكل واحد وتاريخه و بيتيته

ريت الهبل يحسابها تريد ... هك ادوم ونباتوا شتات
ودك خوك يبقالك عضيد ... موش ايجيك هالي غازيات
وراه الحى صيوره مديد ... تحت الحودوآخرها امات
إيبيد اكفنه واكساهن إيبيد ... ويبقن غير عرّى ناخرات
انكالى الصيت له عمراً مديد ... فى لرحام يصلا لغايبات
كى مادرت بأفعالك ايزيد ... ايدير افراع كى شغل النبات
إيجيب البنت وإيجيب الوليد ... وعند الليل جنه كافيات
وانكالى الخوف حاشاه وبعيد ... وانكالى العقل عنده والثبات
وانكالى الزين هو زينه فريد ... وانكالى العزم يصله هو ايبات
وان جيت للرأى هو رايه سديد ... وارضا من بوه وامه خيرات
تريد الحق نلقنه قليد ... وماينصاع للى قايدات
وفيك اجواد ياوطنا مجيد ... فدوك بدم وانفس غاليات
ماهم كيف ركاب القعيد ...اللى ماهد لاجن غايرات
هضول فتاهم يركب فى كريد ... غطيسه كيف نشل الفايرات
ومامن طير يعنق فى هويد ... وهضا صقر سقّر فازعات
ولامن مال لاشوخه انريد ... ثناء لاشكر لاهن سايرات
ولانى عبد نخدم تحت سيد ... ولالى كتف عند البيهوات
شاعر بس ننظم فى قصيد ... الله الله راك تنسو الفايتات
وديمه حذر من فجوة الصيد ... حريص انغفل يلقط مطرفات
احذاى القول يسرد فى سريد ... ونا نختار فى لحسن بتات
وبيت الجود مفروش ونضيد ... التمن فيه كل الطيبات
وبيت الشح صيوره هديد ... عموده جهل يهدم عاليات
فيه البوم يطبقها غريد ... فوق اعروش هجرن خاويات

دبلوماسي سابق كتب:جبتي منين ها لشعر الفضيع .... الله يحميك يا أخت الرجال

ترفع ليش ياوقت الوضيع =وليش اتذل بالعازه ارجال
صدق الشاعر وصحيتي ومتعيني اكثر بهالاشعار الرائعة

صحيتو اختي بنت الرصيفة والاخ الجندى المجهول علي الاختيارات الرائعة .. وفقكم الله ودمتم لهذا المنتدى منارة الشعر الرائع Flag

الحمدلله عجبتكم وشكرا لكلامكم الحلو

دبلوماسي سابق كتب:جبتي منين ها لشعر الفضيع .... الله يحميك يا أخت الرجال

ديما نحوس في منتديات الشعر الشعبي ههههههههههههههه
الحمدلله عجباتك وشكرا لمرورك

unkown soldier كتب:ترفع ليش ياوقت الوضيع =وليش اتذل بالعازه ارجال
املبس ليش تاجك لللكيع =وتطعن ليش في صيت بواهلال
وتستر ليش من عرضه يبيع =وتفضح ليش في قلة الحال
والله شنو انقواك يديرو ما يديرو هذا تاريخ وما يقدرو يغيروه وكل واحد وتاريخه و بيتيته

ريت الهبل يحسابها تريد ... هك ادوم ونباتوا شتات
ودك خوك يبقالك عضيد ... موش ايجيك هالي غازيات
وراه الحى صيوره مديد ... تحت الحودوآخرها امات
إيبيد اكفنه واكساهن إيبيد ... ويبقن غير عرّى ناخرات
انكالى الصيت له عمراً مديد ... فى لرحام يصلا لغايبات
كى مادرت بأفعالك ايزيد ... ايدير افراع كى شغل النبات
إيجيب البنت وإيجيب الوليد ... وعند الليل جنه كافيات
وانكالى الخوف حاشاه وبعيد ... وانكالى العقل عنده والثبات
وانكالى الزين هو زينه فريد ... وانكالى العزم يصله هو ايبات
وان جيت للرأى هو رايه سديد ... وارضا من بوه وامه خيرات
تريد الحق نلقنه قليد ... وماينصاع للى قايدات
وفيك اجواد ياوطنا مجيد ... فدوك بدم وانفس غاليات
ماهم كيف ركاب القعيد ...اللى ماهد لاجن غايرات
هضول فتاهم يركب فى كريد ... غطيسه كيف نشل الفايرات
ومامن طير يعنق فى هويد ... وهضا صقر سقّر فازعات
ولامن مال لاشوخه انريد ... ثناء لاشكر لاهن سايرات
ولانى عبد نخدم تحت سيد ... ولالى كتف عند البيهوات
شاعر بس ننظم فى قصيد ... الله الله راك تنسو الفايتات
وديمه حذر من فجوة الصيد ... حريص انغفل يلقط مطرفات
احذاى القول يسرد فى سريد ... ونا نختار فى لحسن بتات
وبيت الجود مفروش ونضيد ... التمن فيه كل الطيبات
وبيت الشح صيوره هديد ... عموده جهل يهدم عاليات
فيه البوم يطبقها غريد ... فوق اعروش هجرن خاويات

صح لسانك وناقصها خونا المحارب