تعليق على سرقة اموال العلاج /اعجبنى

فى تعليق على مظاهره بالاسكندريه للمرضى من الجرذان اعجبنى وعى هذا المواطن
-----------------------------------------------

بخصوص المنحة ياريت المسؤليين يشتغلوا بضمير وبكل مصداقية حرام عليهم ..انا
والحمد لله لاعندى مريض ولا جريح ولكن نسمع ونشوف من مصادر موثوق فيها انه
لو يعدلوا ويعطوا المستحقين فعلاً وتشكل لجان على المستشفيات والمرضى
ويتحققوا منهم فعلا .. لان المزورين خربوا على الذى فعلاً يستحق المنحة
..بالله عليكم الواحد ياخذ المنحة وهو لا يستحقها ويجيب اخواته وضنى عمه
عشان ياخذوا وهم عايشين فى نفس الشقة ويقول يلى الرزق واجد الفلوس واجدات
..مش حرام هذا كله .. وين الضمير وين الصدق وين ليبيا القانون ليبيا
الدستور يلى نحلم بيها كلنا … صدق الله عندما قال ((لا يغير ما بقوم حتى
يغيروا ما بأنفسهم))) والله حرام يلى يديروا فيه منها كلها سواء من
المسؤلين يلى دايرين ارواحهم ما يندروا على شئ وهم على دراية وعلم بكل
كبيرة وصغيرة ويشوفوا فى التزوير والكذب وهم يشجعوا فيه بالموافقة على صرف
منح لمرضى بالمستشفيات والله اعلم انها لم تصل لا لنصهم ولا ربعهم ,, او من
المرضى وما هم بمرضى حتى يلى يعالج ويكمل علاجه ما يقول الحمدلله عالصحة
والعافية وانه عالج على حساب المجتمع ؟؟لكن يستنى ويقول لك خلينا بالك
نحصلوا تفتوفة مش حرام ياناس يلى قاعد يصير؟؟؟؟؟؟؟؟؟؟؟؟