بنسبة للمعيشة في طرابلس/ ومعناة دوي الدخل المحدود المنعدم في الوقت الحالي

اولا شيشة المياه امتع اللي كانت بخمسين قرش حاليا بي دينار وربع واتع الربع بخمسين قرش وطاسة الصغيرة اللى كانت بربع بخمسين قرش
حكة البيبسي بدينار اللى كانت بخمسين قرش الشيشة الكبيرة بكل اللى كانت بدينار ونص حاليا بي2دينار ونص وللعلم المصنع شغال بكامل طاقته ويوزع لليبيا بلكامل لعند اليوم الشاحنات الكبيرة اتكر منه
طبق البيض من 7الدينار الي 7ونص على حسب المحل ومش تحت من 7دينار الا ربع
تن الايطالي والاسباني الدرجة الاولة اللى كان 2دينار الا ربع ودينار ونص و2دينار .حاليا اقل درجة بي2دينار ونص لعند 3ونص ا

الشكلاطه العادية جدا التونسية اللى يكفرو احدفو بيها بي خمسين قرش اللى كانت الوحدة بربع والخمسة بدينار طبعا من غير الشكلاطات الايطالية والسويسريه زياده من الدينار اللي الدينار ونص...
جبنة الشرائح الدرجة المليحة 4دينار ونص كانت بي 2دينار ونص فيه امتع اى كلام من الدينار و75 الي 2الدينار وربع
كيس السكر الكبير من 75 دينار الي 80 شية الزيت من 2دينارونص الي 3دينار حكة الطماطم من الدينار لدينار ونص على حسب النوع

الغـــــــــــــــاز ناقص بس موجود في المحلات العادية قصدي على الطرق العامة في الاحياء بي 5دينار وخود ولا خلي ناقص

البنزين ابدت ترجع من اجديد ازمة البنزين يا شيلات امصركت يا شيل مفتوح وزحمة طابور اطول من يوم الجمعة

وياناري عاللي عايش كان على معاش الضمان وخلاص ربي ايكون في عونهم

هـــــــــــده هيا انجازات 17 اقهاير حتى في السلع المحلية الاسعار خيالية تعتبر للمواطن اليبي زي المياه و المشروبات
/-:

لاحول ولاقوة الا بالله
حتى ايام الحصار وايام القصف ماوصل الغلاء للدرجه هذه
المواطن الليبي كان مرفه ومن ارخص دول العالم ليبيا
ويكفي السلع التموينيه اللي مدعومه واسعارها تناسب المواطن حتى وقت قصف حلف الشياطين العز كان موجود بوجود الشهيد وتوا ان شالله تخلى وتنبت فيها نخله
ان شالله من هالحال وغادي لجردان وللاحرار ربي يلطف بحالكم ويشوف فيكم

الله عليك ياليبيا كيف كنتي وكيف اصبحتي ولا حول ولا قوة الا بالله العلي العظيم ====================================== سرت التي تتوسط ليبيا الحبيبه وخير الامور اوسطها

لا والمصيبه الحيوانات ياخدو المسعدات من برا اسلمو فيها للجردان وابيعو فيها
مثل الدجاج المجمد في كل مكان تلقى تلاجة اتبيع وغيره من مواد غدائية
املحووو هما وغاتتهم بس علاش يحسبو فيها عالشعب والله العظيم ما تتوزع الا بين الجردان وعئلاتهم احني مش طالبين منهم حاجة غر اسعدو الجئين بس مثل تورغاء ربي ايكون في عونهم

لاحول ولاقوة الا بالله

شكرا عالدخول خوتي الاحرار
وهــــــــــــــــــــدا واقع طرابلس عاصمة ليبيا لا ضيئ لا ميه فقر وهم وغم وسطو
اقسم بالله اجهة ....المهم داخل المدينة .وقفني فرخ اصغير وقفني شبه بلقوة اوقفلي في نص الطريق لين انخلعت اوقفتله سئلته خيرك شن فيه قالي اربعة انفارفتحو اعليا اماس خنبو مني موبايلي وفلوس ركبته قدمت انشوف فيهم القيتهم عادي وكانهم مش امديرين حاجة وماشيين وجو مليح
قولتله وخي المهم انت بخير الباقي انشاء الله معد اجي واضح انهم امتع حبوب من اشكلاتهم وجوهم المصيبه الاكبر كانهم مش امديرين حاجة والماس مفتوحات وماشيين بين الحياش
تبعدت شوية القيت ناس قولتلهم فيه وفيه قالولي فروخ هادو ما ادورهمش وكانه الموقف بي استمرار اصير وهما لا مبلاء ..صكرت الروشن في وجهم وديرت اوله وطلعت...
تواء هدا مش شيئ يقهر
/-: