التاريخ ما ينسا ثني الشجعاني وكل من رضي للوطن هالفاشيه ايجيه يوم وايطوله الزمان الفاني .

ابفعلك الشين اليوم يا براني . اشمت اللي لو طار ما يسواني . الخونه كيه لا دين لا مله و لا انسانيه اخساره ايكون وحيد ما فيه زيه لو دارها غيرا ومن عدواني شنو دارلك سيد السبيب خطيه و الا داسلك علي طرف يا اناني . كالا حسن قصته منسيه جيب عذر يتبتلي انك حقاني و الناس قايله كل من امربي حيه اتولي عليه و تقتله فثواني و انت ابفعلك يا خبيث النيه دمرت من كاين صلاح الثاني و نلقنها النار فيك شويه يا مرتزق يا ضال يا جباني كتيبه بكاملها اتكون رديه اتلوح ملابسها علي المباني . ايام لاستعراض يا فاشيه في شهر 9 تنقزو من الثاني الفاتح بعد يرسم و ضاوي ضيأ اتجو اتكبكبو علي الراس و انت حاني و اليوم درتها الخونه و طبعك هيا التاريخ ما يرحم و ما ينساني . و امعايا تريس جسر ومن بيتيه ايموتو علي المبداء وما تخطاني . بوبكر بن يونس نظيف النيه ايقاني امعايا في احمول زماني ومنصور فارس وما اهناكش زيه ما يعرف الخونه و حق يفداني و المعتصم نادر امثاله شويه ما ايخاف لا ايدنقر مع العدواني ايخش علي سامر النار الحيه الموت والحياه عنده من الرحماني الهنشير ما خالف اعهودا بيا امعايا افجنبي و ما رضي ايخطاني و بن دورده فارس عليه عبيه علي القو متمرس و ساسه باني و عبدالله السنوسي موش صاحب كيه امعايا لاخر يوم في الميداني و سعيد بن راشد ايموت عليا لكن مشي بكري و حق رزاني و كل من ربط روحه و مصيره بيا التاريخ ما ينسا ثني الشجعاني وكل من رضي للوطن هالفاشيه ايجيه يوم وايطوله الزمان الفاني .

صح لسانك يا اختي