تعليقات معبرات...

( 6 )
بعد عامين

الى الامام يا 17 قهاير الى الامام. انا مش
عارف ليش الثورة قامت اذا كنا نستطيع ان نسميها ثورة من الاساس. اذا كان
من اجل الحرية كما يدعون هل يستطيع اليوم اي ليبي او اي انسان داخل ليبيا
ان يكون معارض لثورة 17 قهاير او ضد المجلس؟ مظاهرات في طرابلس وبنغازي لم
تستطع ان تسقط مجلس لم يختاره الا ثلة من شعب ليبيا. جيش مسلم ليبي كامل
قتل ودمر تحت قصف النيتو الاف الشباب والمراهقين قتلوا وتعوروا وعندما تسأل
من اجل ماذا؟ لا تجد الجواب سوى تدمير بنية ليبيا وسرقة 150 بليون دولار
في الخارج واغتصاب الحرات ودمار مصراته وتشتيت تاورغاء اي كان الظالم في
النهاية الاثنين بسبب 17 قهاير هتكت اعراض نساء المدينتين, في النهاية كل
يوم قتل ونهب وسرقة وفلاقة , جيش الشفاع يا رسول الله ماقدروا يحطوله راس.
زي ما قلت مالقيت نتائج ل17 قهاير الا عبدالجليل نط من وزير للعدل الى رئيس
دولة والكيب من موظف في قطر امريكي الجنسية الى رئيس وزراء , وعلى
الترهوني من استاذ مفلس في سياتل الى مليونير , والشمام من مذيع الى وزير
ومليونير, وفتحي تربل من محامي الى وزير , والباقي الله اعلم كم مراهق مات
وكم شاب تعور وكم ام ثكلت وكم امراه رملت وكم طفل تيتم من اجل ماذا من اجل
رجوع ليبيا الى الوراء ويستغنى علماء الدين التجاريين زي الغرياني والصلابي
وغيره والنماذج اللي ذكرته بدري, الى الامام يا 17 قهاير الى الامام في
تدمير بلادنا يا الله نزيدوا نكذبوا على انفسنا ونفتوا كما نهوي ومنا نشاء ,
لما الاسلام حرم الخروج على ولي الامر لم يكن هذا من فراغ , ترى امشي يا
غرياني قول للعودة واالا لعريفي انتم العائلة السعودية حاكمتكم اكثر من 100
عام والوليد بن طلال بروحه عنده 23 بليون دولار ويالله ديروا ثورة واطلعوا
على ولي الامر ترى اسمعه شن يقولك يا مضحكة يا طماع يا متسلق يا منافق,
والا انت يا ضلابي يا صل تقدر تقول للقرضاوي هي نحرضوا القطريين يثوروا على
حمد اللي عاق والده ويبذر في فلوسهم على الدول العربية ويتصدق بيهن
عالليبيين الشحاتين, ترى نشوفوا شن يقولولك يا مضحكة يا منافق, الى الامام
يا 17 قهاير , اقسم بالله يا ليبيين لما تعضوا الجيفة من الندم كل منا
المؤيد والمعارض الجرذ والطحلب كل حنندم يوم لاينفع الندم.

( 16 )
Abouzeed

خلا يا عظمي حال عجيب @ كساك العيب بعد صقر يدنوك الكيب
خلا يا عظمي هيه خلاص @ انهد الساس اللي بانيه شيديد الباس
اغيبتي بين نصيب انجاس @ وحر لهيب امقدر و الشي مكاتيب
اللي توجع يسقولك كاس @ بلا ترويب مخضها بوشنة والصليب
خلا يا عظمى جاك الهم @بديتي غم حياة قبلي يكثح عالجم
ابلينا بيثيران اغشم @بلا ترتيب اللي هذا شاقي بطليب
اليوم انبعتي بيع غنم @ افسوق عطيب البايع ذيب الشاري ذيب
خلا ياعظمى كنتي فوق@ امزان ابروق ابديتي ما تسوي عالوق
بعد دالك كمن هيدوق @ عناك ايجيب زها ماقبلناش قريب
اغبرتي و الطابق مفلوق @ حياة تغصيب اللي ناقصها سيد سبيبِ

تعليقات معبرات...

تعليقات معبرات...

رد: تعليقات معبرات...