اهلى سرت واهلى تورغاء فى بنغازى النازحين يقمون بالسكن فى العمارات معسكر بفضيل ومجلس الانتقالى يمنح اهلى 24 ساعه اخلى المكان ولا يقوم جيش الوطنى والثوار العار بالهجوم عليهم رغم انهم اهلى بالعلائاتهم دخلوها ويرفضون الخروج حتى الموت

بسم الله الرحمن الرحيم

السلام عليكم ورحمة الله وبركاته

جانى اتصال توه من واحد قريب ليه يقولى تعال الحقنا قلت شنو فيه

قالى نحن اهل سرت و اهل تورغاء المتضررين هدينا على العمارات معسكر بوفضيل الى جواء المعسكر ونبو نسكنوا فيه قتلنا الصقع

وقالى الناس مله من بعضه وخلاص فدينا

المهم مشيت غادى

لقيت الجيش الوطنى الكلب جاي بالسيارات 14.5 ومطوق المكان

و قدفائت ار بى جى

وعدت حرب كامله يعنى وبطلعوهم غصبن عنهم وعطوهم مهلة 24 ساعه لو مايطلعوا بيهدوا عليهم

المشكله عرب تورغاء وسرت الى خشوا العمارات خاشين العمارات بالاودهم وصغارهم يعنى و وقاعدين وحالفين مايطلعوا

ودونه الموت

وحاولنا نحن مجموعة الشبا ب نتكلموا مع القوات لدعم جايبنه مجلس العار قلنا ليهم عيب وميجي منه كلام هدا قالوا جان الامر من فوق يخلوا العمارات والا نستخدم القوة

الهم ونحن نتكلموا واحد من سرت نعرفه قال لي واحد من عسكرية مجلس العار تى انتم زمان ايام عمر سنه فاتت هديتوا على العمارات ومعمر فاتكم وخلكم تقعدوا فيه العمارات واحد من الثور الكلاب قالها انتم يا سرت مش بشر ماتستحقوش الحياة لنكم مع معمر ومنه بداء ترشق والضرب

ا كبرت المشكله وصار فيه ضرب ومستشفى الجلاء حاليا مليان بالجرحه من الطرفين يعنى قبل ماتبداء العركه الكبيره بدت بالعركه الصغيره وضرب فى بعضهم انت هكى وانت فيك

بالله ادعوا المشكله تعدى على خير

بالله ياناس ادعوا

وبالصراحه الوضع ماعاد ينسكت عليه ولازم نديروا اعتصامات ضخمه تضامن مع اهل سرت وتورغاء المتضررين

تى بعدين ليش مجلس الكلب مادار حل للناس بيوته انهدت ونسرقت من مصراتيه وغيره من الجردان وليش باهى المجلس ماعوضهم ولا عطهم فلوس ياجروا شقق

لم بدت الازمة امر سيدى القائد الشهيد معمر القدافى جميعا العلائات جايه من بنغازى ونازحة من مصراته وغيره تفضوا ليهم الفنادق فى طرابلس مثل فندق باب البحر وفندق اركسون فضوا ليهم شقاق جاهزة كانت راح تسلم الناس لكن اجلوا التسليم وسكنوا فيه النازحين ولان النازحين عددهم كبير قامت الدوله بدفع اجار الشقق الى ياجروها النازحين على ان لايتعد المبلغ 500 دينار

وبالفعل تم حل المشكله وفى ناس واجد كانت نازحه من مصراته واهل الشرقيه و من راقدالين وجبل نفوسه والزنتان وغيره من العلائات المتضرره وماخلهمش روحهم قاعدين

تو المجلس الكلب مش مكلف نفسه يصرف على تلك العائلات ويامن ليهم بيت ولا حتى يدفع حق اجار الشقق الناس الى نازحه من سرت وتورغاء فى بنغازى

ياهل بنغازى اقل شى ردوا جميل القائد عليكم يوم طلعتوا من بنغازى ونزحتوا الطرابلس القائد فتح ايدينا واستقبلكم ومافيش جميل

وعيب ياهل بنغازى يجيكم الضيف

ويعتبروا عرب سرت وتروغاء ضيوف عندكم وعيب تديروا فيهم هكي

ودنيا راها يابنغازى دورها واليوم ليك وبكره عليك وماتدوم الحد الدنيا وماديم الا وجه ربك

خافوا ربكم فى العائلات الى ترعشوا فيه وتهددو ا فيه

بالله اناس ماعنده فلوس تصرف وماعاد متحمله بعضه

وتى واحد تقعد عنده وعارف ماعندك بيت وعارف ضروفك مع دلك تلقى ينفخ فى وجهك ويكره فى اليوم صبيت عليه وقبلت تسكن عنده

ياناس راعوا ربكم وخافوا

حنو على بعضكم يالليبين الله يرحم امكم حنوا على بعضكم ودنيا مش هكى

واصلن العمارات فاضيه مافيه حد وشبه مهجوره وربى العمارات محروقه ومكسره من القصف صار فى معسكر بفضيل اول الاحداث سنه فاتت

طامعين فيهم وتلزوا فى الناس الى ماعنده وين تمشى ولاحتى شنو تاكل وفلوسه فى المصرف ماتقدر تسحب وتصرف

تى وين مشين بينا بالله هالكلاب مجلس العار

وربى فديت خلاص

مع العلم ان عمارات معسكر بفضيل مهجوره مافيه حد وحالتها متملحه من القصف صار عليه سنه فاتت والضرب صار فيه ومحروقه يعنى خاربها وربك خرابها

من طرف فرح الأحد 15 يناير - 20:28

حسبنا الله ونعم الوكيل ..

مشكوره مشرفه مرورك بس

ياخوان لازم تجتمع جميعا القبائل الكبيره وعلى راسهم ورفله القددافه والفرجانى وتدير حل فى مصيبه حالها على سرت وعلى اهل تورغاء تى وين الناس بتمشى وماعنده شى وين بالله

وربك الشعب الليبى صار جيعان ورقاد الرياح كثرو