هي بالسلامة يابلاد تهني ..

هي بالسلامة يابلاد تهني ..

هي بالسلامة يابلاد تهني ** تو تعمري كان خرابك مني

تو تعمرى واتولى ** دولة وتبدى تربطى واتحلى
وتو تنعمى بلامان لين اتملى ** وتو كل شاقى ننظرا متهنى

تو تعمرى بجديدك ** وتو ينذمل جرحك اللى افوريدك
انخاف تندمى يوم الندم ما ايفيدك **على تندبى ولدموع ما ايردنى

توة اتولى جنة ** وكل شى فيك ايظل عندا بنة
وتو با ابلادى ايعمرك بو شنة ** وايدير فيك جميع ما اتمنى
وتو لرصدة لمجمدات ايجنة ** والخير واجد فى الطريق استنى

خلاص ارتاحى ** نى طحت لوكان الهنى فى اطياحى
طريق السلامة يابلاد سماحى ** كانا صدق ظنك وخيب ظنى

تو اتمصى ** ريقك ومن جرحك معاد اتنسى
وبالخير توة تصبحى واتمسى ** تقول قرش تبدى يا ابلاد اترنى
وتو نشبحك لعند وين اترسى ** غير راك لى عهدى القديم اتحنى
وصيتى الكم والحر ما بنوصى ** ونى عارفة ما ايخيب فيكم ظنى
لوكان حتى ما اسمعتوا حسى ** الجهاد عنا ما اهناك تونى
منقوووول

تو تعمر بعد ماراح معمرها
!!!!!!!

احسنتي اختي بنت طرابلس رائع جداً واسمحي لي باضافة هذه الخاطره لاني لاجيد الشعر
....
هي بالسلامه افرحي وتهنئ... انا تاركك كان خرابك مني
انا تاركك اوتارك تراب اجدادي... اوماصان رفقتي حتى خيار اصحابي
انا تاركك وحالف مانخونك.... حتى في قبري لازلت نصونك
ياليبيا تحررتي... بتدمير سرت وتشريد اهلهااحتفلتي
فرحتي وفرح بيك الناتو ... نسأل على الاحرار حيين ولاماتو
نسأل على مسلاتة... زعم صاينيين الود او ماخاناته
نسأل على فرسانا في ترهونة... زعم صاينيين العهد والا فى خونة

من طرف ???? الإثنين 16 يناير - 13:06

ان شاءالله تعود وبفكر معمر نعمرها

خلاص ارتاحى ** نى طحت لوكان الهنى فى اطياحى
طريق السلامة يابلاد سماحى ** كانا صدق ظنك وخيب ظنى

ايام زهاها ليبيا ياقايد عدن معاك
وين بتعمر بعد ماراح معمرها الله يرحمك ياسيد السبيب
مشكورة اختى بنت طرابلس منورة على هذا الشعر الرائع وربي يحفظك