منشور إلى كل ليبي .. ( للتعميم )

منشـور إلى كل ليبي.....
إلى كل ليبي...
إلى كل ليبي حر شريف . يموت كل يوم ألف مرة .
ويينفطر قلبة كمدا وقهرا من ظلم وعدوان جاوز المدى .
إلى كل ليبي تنتفض كل جوراحة ألما وهو يرى الليبيين يقتلون كل يوم بدم بارد .
إلى كل ليبي تزيد جراحة كل يوم وهو يرى ليبيا تقسم ,
والأنجاس يطئون ترابها الطاهركل يوم
ويقولون للمختار ( ولثلاثة أرباع المليون شهيد ) لقد عدنا ..
إلى كل ليبي يدرك حجم المؤامرة ويعرف أن مايجري حاليا ( ومايدبر )أكبر بكثير مما نعرفه ؟؟
إلى كل ليبي يرفض أن يكون ( أمعة ) .
ويرفض أن يكون جزء من تصفية حسابات لأفاقين وشذاذ الافـاق.
إلى كل ليبي . تهمه ليبيا الحبيبة قبل كل شئ . ويقول لها : والله أنك أحب بقاع الدنيا لدي...
ويصرخ كفى قتلا ودمارا وتحطيما لبلادنا وانجازاتنا ومقدراتنا .
فقطرة دم ليبية أغلى منكم جميعا يكفارالناتو واتباعة.
أن المشكلة ليبيه .
والحل يجب أن يكون ليبيا
ولا حل غير الحل الليبي. ومن الليبيين أنفسهم . دون غيرهم.
لن يأتيكم من ثوار الخزي الناتو . فهم المشكلة . وهم من صنعها وسبب فيها ..ومن يريد استمرارها
لن يكون عربيا . لانهم عمرهم ماحلوا قضية ولن يحلوا حتى يلج الجمل من سم الخياط .
وهم من يدفع ثمن قتلكم فتبت يداهـــم .
ولن يكون افريقيا . لانهم صمتوا . كصمت القبور... فبعدا لهم ..
ولن يكون أمميا . لأنهم عباد مصالح وعباد الدولار اللمصخ (حاشاكم) . فسحقا لهم ولمولاهم . والف سحق .
والحل لن يأتي من السمـــــاء ؟ لن يأتي .
الحل :
زحف ليبي مليوني . حفايا ولابسين وشياب وشباب وعقال ومكاليب
وبسيارات ودرجات وشاحنات ودبابات وحافلات وكاروات
وعكاريات وراجمات وخيول وأبل وناقلات جنود .
وكلاشنات ورشاشات وامواس وحتى اموس خضرة وزقيات ..
زحف يبدأ من رأس أجدير مرورا بزوارة وزلطن وصبراتة ومنها الى اجدابيا .
وزحف يبدأ من طرابلس ومنها الى اجدابيا
وزحف يبدا من وترهونة والخمس وزليتن مرورا بمصراتة ومنها الى اجدابيا
وزحف أخر يبدأ من غدامس مرورا بالجبل وبني وليد ومنها الى سرت ومنها الى اجدابيا .
وزحف يبدا من غات ووادي الشاطي مرورا بسبها ثم الجفرة ومنها الى اجدابيا
وزحف يبدا من الجفرة وزويلة ومرادة ومنها الى اجدابيا
وزحف يبدأ من سرت والى اهراوة والى بن جواد وراس لانوف ومنها الى البريقة ثم اجدابيا
وزحف أخر يبدا من الكفرة وتازربو ثم الى الواحات ومنها الى اجدابيا
وزحف شرقي يبدا من طبرق الى اجدابيا
وزحف من سلوق والابيار ومناطق جنوب بنغازي ومن الى بنغازي
ويتم التجمع والوصول الى اجدابيا يوم الخميس ( 14-07-2011) ليلا لاخــر فوج بشري .
وتكون صلاة ( الصبح ) ليوم الجمعة المليونية في اجدابيا
وبعد ذلك مباشرة ينطلق هذا الزحف المليوني الي بنغازي .
لتكون صلاة الجمعة المليونية التي يشهدها التاريخ لتحرير بنغازي.
ولتنقلها كل قنوات العالم ( اللي قاعد مشمت فينا ويضحك علينا وطامع فينا )
ونعلن تحرير بنغازي وعودتها الى ليبيا
. وتجتمع كل قبائل ليبيا في بنغازي .
ويعلن سيف الاسلام معمرالقذافي من بنغازي ميلاد الجماهيرية الثانية ..
والله لايقدر ناتو ولا حاملات الطائرات ولا العالم كلة
أن يقصفكم أو يضربكم أو يوقفكم لأنكم مليون موش الف او مائة الف .
والله مايقدر خاين يوقف في طريقكم بل على العكس ستكون الاسكندرية هى هدفه الوحيد .
ولايقدر أيوقف ضدكم واحد لانكم مليون وهم بضعة الاف .
ولأنكم الحق . والعزة والكرامة والوحدة . والنصر .
ولأن الله معاكم وهو مولاكم وهو ناصركم . وغيركم معاة الناتو وربه الناتو ...
ولو تجرء الناتو ( ولن يتجرء) وقصفكم فهنيأ لكم الشهادة .
هذا حل وحيد . وواحد .
أن عملتم به قطعتكم الطريق على كل مايدبر لليبيبا ولكم
واوقفتم الناتو وعدوانة وظلمة .
وقضيتم على كل عبد للناتو وخائن ومرتد .
وأن لم تعملوا به .. فأبشروا بكل شر مستطير يفتح عليكم كل يوم من باب ....
اللهم بلغت اللهم فأشهد
ونلتقي في أجدابيا ....
وزعوها وانشروها لكل من تعلمون لنخدم ليبيا جميعا ...

وهذان مقالان سابقان للتذكير :
الحل ..مرة أخرى .
كل طلعة شمس تكبر المؤامرة وتزيد.
كل يوم يطلع خاين جديد , وعميل طامع في شئ ما .
كل يوم تنضم دولة الى جوقة العملاء وتشتريها قطرائيل بفلوسها او تبرم معها امريكا او الغرب صفقة مقابل أن تتخلى عن ليبيا .
كل يوم يدنس أرض المختار كافر أخر ليعلن ويعلن ..... ونحن نندد وندين؟؟؟
وكل يوم أزداد قناعة أن : أذا تركت ألامور تسير بنفسها حتما ستسير إلى الأسواء
كل يوم أتاكد أن الحل هو : طوفان بشري قوامه مليون مواطن ليبي يبدأ من راس اجدير وغدامس وغات ومرزق والكفرة وطبرق ويمر بكل مدن ليبيا ولا يتوقف الا في بنغازي . لصلاة جمعة مليونية . تنقلها كل قنوات العالم دون أستثناء؟؟؟
ماعــداه . لـــــن ينـفـــع .
ووالله وقولوا ماقالها جمال البرعصي .

وهذا مقال سابق للتذكير:
ليبيا يا حبيبتي ... طال السفر
يا أبناء ليبيا الشامخة العزيزة الأبيه . التي ملكت كل قلوبنا وجوارحنا. وفداها الأرواح والمهج
إن الموآمره كل يوم تزداد وتكبر
فهل صدقتم إن الغرب الكافر تراجع أو إن الخلاف دب بين أعضائه . كلا وألف كلا .
اليوم كل مخابرات وجواسيس العالم موجودون في ليبيا إبتداء بالصين وإنتهاء بالأمريكان ومرورا بما يخطر على بالك من دول ,
وحتى مخابرات دويلة قطرائيل (ومركزها عملياتها في بنغازي). ؟؟؟ بل إن المخابرات الغربية في بنغازي قبل الأحداث بأشهر وكل العالم يعرف ذلك ؟
ثم ياساده ,هل تصدقون إن الغرب يتخذ قراراته وسياساته بناء على معلومات العملاء والخونة ؟ كلا.
إن الغرب لايصدق إلا تقارير مخابراته الذين هم في أغلبهم مراسلين وصحفيين ومنظمات إنسانيه ؟؟؟؟؟
ولتعلملوا إن ثوار( العار) الذين باعوا ليبيا قبل أن يبيعوا نفطها لفرنسا لم يعد لهم من الأمر شئ .الناتو هو مولاهم ومالك أمرهم.
بدليل إنه لم يضرب الجيش الليبي عندما طرد ثوار الخزي (العازه) من اجدابيا ثم تدخَل وقصف أبناء ليبيا البواسل على مشارف
اجدابيا ليوصل رسالة لأذنابه ( خريجي الحبوس ) إنكم بدوني لاتساوون شيئا ولو تركتكم بضع ساعات.ساعتها ستكون بوابة السلوم هي ملاذكم الوحيد..
وهم الأن لايفعلون شيئا إلا محاولات سرقة المال الليبي بأي طريقه. وأصبحوا ككرزاي أفغانستان أو جلبي العراق وغيرهم في التاريخ كثر.
ثم إن هناك نقطة أخرى مهمة, إن فاتورة الحرب والدمار اليومية مدفوعة (4 ) مرات. الأولى من حكام قطرائيل والإمارات الملاعين والثانية من أموال الشعب
الليبي المجمده في الخارج ,والثالثة من إعادة إلاعمار لما دمروه ,والرابعة في خسائر الاقتصاد الليبي التي تصل إلى مئات الملايين في كل يوم كنتيجة
لعدم تصديرالنفط إلى الخارج الذي عوضته المملكة (العربية) السعودية ؟.
كذلك دورعرب الذلة والردة في المؤامرة لم ولن يتوقف بل يزداد كل يوم ضرواة وعلى كل الاصعده .
وبالتأكيد علمتم بالزيارة التي قام بها قبل أيام حاكم قطرائيل إلى بلد المليون شهيد التي لقنته درسا في العروبه لن ينساه . لكن دول العرب التي ليس لها بترول
سترضخ في النهاية لمساومات مشيخات الخليج ,وتتخلى عن ليبيا بل وتقف ضدها .بل وصل بهم الأمر إلى حركات دافور الانفصالية ليطلبوا منها
الذهاب إلى ليبيا وووو. وماتخفي الأيام أعظم وأمرَ .
أما أصدقاء الامس فمصالحهم مع الغرب أكبر من أن يخسروها من أجل ليبيا . والسياسه (لمن يعرف السياسه) لعبه قذرة تحركها المصالح وأول مبادئها
لاعدوَ دائم ولا صديق دائم بل مصالح مشتركه .
إن الناتو وعرب الردة و(أشباه) ثوار الخزي العارينفذون مخططا كبيرا وأهدافه محدده وواضحة صيغت في واشنطن ولندن وباريس. والأن ينفذ على أرض ليبيا .
ولن يقلب الطاولة على المستعمر وأذنابه . ولن يوقف هذا المخطط الشيطاني . ولن يحمي ليبيا إلا شيء واحد .
وحل واحد . قاله إحد المتحدثين في ملتقى القبائل الليبية وهو الاستاذ جمال البرعصي :
الحل هو أن يخرج مليون ليبي ومع كل واحد منهم الكلاشن كوف ولن يتوقف هذا الزحف المليوني إلا أمام محكمة بنغازي .
ليهدوها على ثوار الخزي الناتو ( إن وجدوهم ). والله ماعداه ستطول المؤامرة وستكبر النار وتحرق كل ليبيا ( لاسمح الله) .
وبما أن الموت واحده . وخالق الرأس قاطعه. والحي يموت بيومه . والحياة بعزة أو موت كريم .
فلتخرج مسيرة مليونية من غرب ووسط وجنوب ليبيا وتلتقي في اجدابيا وتنطلق في نفس اليوم إلى بنغازي
بسيارات وحافلات ودراجات ومدرعات ودبابات ولاتتوقف ولو استشهد ألف أو عشرة ألاف
أو مائه ألف وتحررت ليبيا . فداها ....
فقد قدمنا من قبل مليون الا ربع شهيد حتى تحررنا من إيطاليا الفاشيه , والتاريخ يشهد ....
صدقوني الكلام والمؤاتمرات والغناء ووووو لن تجدي . ولن توقف المؤامرة .
ولن يفل الحديد إلا الحديد.
وما أخذ بالقوه والله لن ترده غير القوه .
ماعدا ذلك . السميع العليم فقط يعلم أين ستنتهي هذه المهزله.
فيا ثوار الخزي وأبطال ورجال وشباب ليبيا هبوا في يوم واحد.وسننتصر بإذن الله وننهي كل شئ في يوم واحد
وكل بيت في ليبيا يبقى فيه رجل واحد يهتم بحاجات ألاطفال والنساء والكبار .
وليخرج البقيه في يوم واحد ولنعلن الزحف المقدس إلى بنغازي يبدأ بعد صلاة يوم جمعة في كل مدن ليبيا وينتهي بصلاه جمعة مليونية
في بنغازي المختار.
وليذهب الناتو وثواره ودافعي فواتيره الى الجحيم.......
والمجد والخلود لشهداء ليبيا من أجل ليبيا .
بوبكر الزوي
رابط للتذكير

https://www.youtube.com/watch?v=ypSEuvwZ8IM

شكرا لك..

ولكن في البداية اعتقد ان يكون الزحف الى مصراته لانها الاقرب ثم الى المناطق الاخرى

يالله ويالله , النصر من عندك يارب. اللهم اجعلها جمعة لتحرير كل تراب ليبيا من هاؤلاء الخونة وحليفهم الناتو اللعين .

استرشادا بحديث القائد يوم أمس
استعدوا يا أحرار ليبياللزحف المقدس
يوم الجمعة القادم
فقد طفح الكيل
وبلغ السيل الزبي

ياشباب ان شالله يكون النصر قبل واقرب من انهم ايخططو
لاني سمعتهم امس في قناتهم من قطر انهم يبو يديروا حاجه في طرابلس يوم 24 -6-2011
والله انا امس معرفتش ايش يقصدو بهذا التاريخ ياريت اتشوفوا شن يقصدو بيه وتطمسوهم