نداء لكل غيور على الوطن الام ليبيا ( لاطحالب لاجراذن الليبي يرجع زي ماكان) انتفاضة الوطن نسميها

السلام عليكم

في هذه الساعات العصيبه وهذا الايام المظلمه وهذه الشهور الحزينه يوما بعد يوم يزداد الجرح والالم الذ نعانيه لم نكن نعرف الحقد يوما ولم نكن نعرف البغضاء كنا اسره واحده كنا يدا واحدة واليوم تفرقنا لاننا نسينا وحدتنا وانتماءنا للوطن الكل اخطاء ولكن الخطاء الاكبر هم الخونه المجلس فقط وهوا من باع البلاد بأبخس الاثمان وهوا من اشعل نار الفتنه وهوا من جلب الخزي والعار هم من كانت مصالحهم الشخصيه قبل مصلحة الوطن كنا نريد ثوره تجعل ليبيا تقفز الي الامام ولكننا الان وبعد رؤية الحقيقه رأينا فوره سببت انفجار يا طرابلس يا احياء طرابلس تاجوراء وسوق الجمعه وبوسليم والهضبه والدريبي وقدح وكشلاف وغوط الشعال وجنزور هيا الاشاره قرقارش حي الاندلس قرجي الابطال اولاد البلاد ميزران وعمر المختار ورجال الحاره الاحرار طرابلس تبيكم اليوم طرابلس هيا ليكم مش للغربان انتفضوا لان اهلنا في بن وليد يقتلون يدبحون لا الا لشيئا واحد انتمائهم لليبيا يا بنغازي نوضي وامسحي العار اللي اعليك يا سبها انتي في القلب والعقل يبيك يا مصراته فيك رجال مايرضوا بالعار وزيدوا حاولو يا شباب معاكم 12الف جندي مقاتل ويا زنتان الليبين عارفين سيف في امان ويا زاوية الابطال نوضي لان فيك رجال ويا صبراته وياصرمان انتم تريسها ف الميدان ويا عجيلات ويازوارة ويا جميل ورقدالين احضنوا بعضكم ولاعمرها تفرقنا الاقليات وكونوا يد واحدة زي زمان لم طلعنا الطليان ويا ترهونه راني لايم بني وليد تبيك في وقت الشدايد ويا غريان ويا الاصابعه الشجعان انتم ليبين ابطال ويا عربان عارفينكم اسياد الميدان ورشفانه فيها رجال فرسان ابطال في الميدان ويا رياينه وياقواليش وياككله ويا مشاشيه انتم صقور الجبل مش كلام ويا قلعه ويفرن والرجبان وجادو راكم احرار من زمان ونحوا علم العار ويا نالوت ويا صيعان ويا حوامد وام الجرسان وزان انتم اصحاب الارض والميدان ويا ليبيا نوضي من كل مكان لان الليبين رجال مايرضوا بالعار وتولي ليبيا زي زمان امن وامان واستقرار ومحبه وخير يعود اعلينا ونفرحوا بالانتصار ونبنوا ليبيا باولادها الشجعان وهيا من اليوم نبوها ثوره جديده نديروها ثوره بيضاء نعلوها غص زيتون نرفعوها من اجل المحبه والسلام نقولوها نحبك يا ليبيا

يااااااااااااااااااااااارب نصرك الذي وعدت
نحبك ياليبيا من دون خونة وعملاء

كنا نريد ثوره تجعل ليبيا تقفز الي الامام ولكننا الان وبعد رؤية الحقيقه رأينا فوره

من كان يريدها أصلاً انفرضت فرض علينا بالسيف بالضغط بالإكراه إجباري على الشعب الليبي ومعاها ناتو زيادة ايفشخ فينا 8 شهور ايزن فوق روسنا خلي من الصواريخ اللي يصفروا فوقنا ما نحكيلكش وهيا قهرة مش ثورة والثورة أرفع وأسمى بكثير وتبي ناس تفهم معناها عندها عقل ولب من هالقهرة متاعهم قهرة 17 ترليون قهاير الله يقهرهم زي ما قهرونا في قائدنا

المجد والخلود لكل الابطال في كل بقعة من الارض الليبية

المجد والخلود لكل الابطال في كل بقعة من الارض الليبية

الله اكبر
طرابلس مزال فيها هلها الاحرار اللي ما يرضو بلعار~ تاجوراء وضواحيها سوق الجمعة الهضبة بوسليم صلاح الدين القصر والنواحي الاربعة يلا يا خوتنا الفزعة يا حياة وقفت عــز وخلونا ننسو اللى فات ونوقفو وقفة رجل واحد
ليبيا تناديكم ليبيا تصرخ من ظلم الظالمين ليبيا يكفي الدم اللى سال بسبب لعبة من لعبات الغرب لغرض الاستعمار وعندكم العرض من قوات ايطاالية وغيرهم من قوات
يلاا يا احرار ليبيا تستغيت ليبيا تتمزق ليبيا تصـــــــرخ وتناديكم
احني هلها يا احرار احني اللى ح انحرروها من دنس الاستعمار الفــــــــــــزعة يا احرار
نحنا هلها اين كان الكيب ومن معه!!!!!!!! حكومة مستوردة ولم نرا منهم اى شيئ مملوس حتى الان
اين كان بوشنه واللي معاه~~اليس هم في سبب المشاكل التي كانت تعاني منها ليبيا الم يكونو في مناصب داخل الدولة الم يسرقو اموال انشقو لينضمو لثوار !!!
يكفي شن صار من قتل وتخريب ودمــــار يا خوتي الاحرار
وفي الوقت الحالي المعادلة اصحبت 1~1 يعني اللى مات من المعرضين مات من المؤيدين واللي صار للمعرضين صار حتى للمؤيدين وبزايد وكلنا انظلمنا لينا الله
ياريت اتخلونا انتموها واحد واحد ونوقفو يد وقفت رجل واحد
وننسو احقادنا ونسترجعو شرفنا وكرامتنا~وكلنا اخسرنا احبابنا واصحابنا والاكبر في الموضوع ضاعــــــــــــت ابلادنا بين ال خونة المسيسين من الخارح وعندكم العرض بي اعلان ولاية برقة واعلان طرابلس الكبري من ويومين هم لا يريدون الخير لليبيا اقسم بالله العظيم يريدون تشتيتنه والمستفيد الاكبر من هدا هم اصحاب المناصب واسيادهم الغرب~يوميا نسمع في تصريحات تقول ان مليارات صرفت لمصارف ليبيا ومن تما يخرجو ويقولو لم يصل لنا الا القليل!!! وكدلك يوميا نسمع استقالات طبعا استقالات بعد ملئ الجيوب بلملايين هم المستفدين من هدا الوضع الدي لا يرضي الله ولا عبده
اما انت وانا المواطن عادي لم لن نتحصل حتى على اقل حققونا~ وعندك العرض العلاج في ليبيا قررو ان يكون بلمال وليس مجاني وكدلك بعد فترة سيكون التعليم بلمال وليس مجاني هل هده هيا ثورة الحرية الدين يتشدقون بها هل هده هيا ليبيا الحرة!!!
هل راضي على الوضع الحالي
قتل سطو ونهب وكلها تمشي ضد مجهول لانه مافيش قانون المخدرات اصبحت تباع في الشوارع قدام ربي وخلقه بدون خوف او احترام حتى للناس الماره هل هده هيا ثورة الحق الدين خرجتم لنتصرتها ياخوتي الاحرار!!!!!
اين الامن اين الامان في شوارعنا اين راحة البال اين الاموال اين واين
هل هدا الحال يرضيك الان اصبحت الشوارع من الساعة التامنة لا تجد ولا مخلوق غير الصيع وضياع وهدا عن واقع مملوس داخل طرابلس
الفـــــــــــــــزعة يا احرار يا احفاد المختار~ عمر المختار اللى لم يرضى ولم يضع ايده في ايدين الاستعمار وقرر القتال حتى اخر المشوار حتى ان اصبح رمز للجاهد ضد الاستعمار
تحيـــاتي خوكم ولد طـــرابلس~وليبي زيني زيك حالي من حالك~والسلام عليكم ورحمة الله
وربي يهدي الجميع ويصلح الحال

يا خوتي، بجديات وصلت لقناعة ان فيه أجندة تبي ادمر الشعب الليبي، لأن فعلا الليبيين مش في دمهم الحقد و لا القتل. و الله حتى اللي يتعاركو مع بعض، لما يهاجم عليهم الغريب يشدو في يدين بعض.

اللي صاير انهم دوخو المغرر بيهم. جابولهم الافغان و المصريين متاعين القاعدة و قتلولهم قلوبهم بحبوب الهلوسة و الا بالترهيب. يجي الافغاني يشد السلاح على راس الليبي و يقوله اذبح و اسلخ و قطع و اقتل و عذب...الانسان قلبه يموت و يصبح الشي عنده عادي، و نحنا شفنا اعترافاتهم في القنوات الليبية...هالبشر تقول منومين مغناطيسيا.

فيه هلبه شباب بمجرد ما يتورطو يحسو أنهم معاش يقدرو يرجعو. هالافغان و أفراد القاعدة يقعدو يسممولهم في افكارهم..مثلا يقولولهم: انتم اغتصبتو و قتلتو، الليبيين معاش يسامحوكم، معاش عندكم حد يحتويكم إلا القاعدة أو أمريكيا أو قطر أو أي جيهة أخرى. يخش الليبي في حالة احباط و يأس، و يقول في نفسه: انا زي قتلت روح وحدة زي قتلت 100 روح...يبدا تدريجيا ينظم للفكر القاعدي اللي يفصل الفرد عن الجماعة و الأهل و الوطن.

هذا شي، و الصواريخ اللي جربوها فينا شي اخر.
و الماكلة متاع المساعدات الدولية المشبوهة شي اخر.
و الادوية الغريبة و المضروبة اللي يجيبو فيها شي اخر.

برايي..لوحو بوشنة و جماعته و انصاره...الليبيين كلهم ضحايا. نحتاجو شجاعة اجدادنا بش نحتوو الكل. صدقوني فيه هلبه شدو السلاح لأنهم يئسو من رحمة ربي بعد ما تورطو غصبا عنهم في شي هم ما يبوه. نحنا ليبيين، نتخالفو هلبه في آراءنا، لكن عمرنا ما نشدو سلاح على بعض (إلا بعض الزعران) و برايي، أننا نحضنو شخص قتل 20 نفر، أحسن من أننا نطردوه بش تحضنه القاعدة و يقتل 200.

و أخيرا، باستثناء يهود مزراطة، لا أعتقد أبدا أن بقية الليبيين المتورطين شدو السلاح في وجه الجيش و هم بكامل قواهم العقلية...و ربي يهدينا و يهديهم

اختي brokenpen82 الحمدلله ع سلامتك ونورتي المنتدي والله اشتقنا لنقاشك المميز ====================================== سرت التي تتوسط ليبيا الحبيبه وخير الامور اوسطها

green girl كتب:اختي brokenpen82 الحمدلله ع سلامتك ونورتي المنتدي والله اشتقنا لنقاشك المميز ====================================== سرت التي تتوسط ليبيا الحبيبه وخير الامور اوسطها

الله يسلمك اختي green girl و يقبل حمدك

و الله انا اللي اشتقت للمنتدى و كل أعضاءه و مشرفينه..و لنا صولات و جولا بإذن الله

صحة كلامك يا خوي لكن في ظل الحق واخد كل ذي حق حقه لكن هذه الفورة راهي قهرة من الاخير الشعب كله انضر حتى من الجردااااااان بس لانهم مايبوش يطلعوا حسرانيين بدوا يكابروا مع فتاوي شيخهم الكذاب وكلام النار من بوشنة امتع العاااااااار لو يصفوا قلوبهم ويشوفوا حالهم كيف كانوا و يرجعوا لعقولهم ويفكروا في ليبيا قبل كل شي اهني تصفى القلوب ......