أزهي يا عظمى *** وليك أفخار زعيمك صار *** شهيد وقبلة للأحرار

أزهي يا عظمى

وليك أفخار زعيمك صار *** شهيد وقبلة للأحرار

أزهي يا عظمى

أزهي يا عظمى بالقائد عدوك صد *** جيوش ناتو وخاين مرتد
لكن في التالي استشهد
اسماه اندار كتبهن في التاريخ اسطار
قليل جيشه وما باش يرد
خذاه قرار يموت ولا يرضى بالعار
وهو وراث من جد لجد
وربى أصغار فراسين يطيحوا في النار

أزهي يا عظمى

أزهي يا عظمى عشر سنين
ولو زدتي عشرة لا باس
أسمك في العالم ليه رنين
ومعروفة لكل الناس
أولادك شجعان فراسين
أولادك ما يهابوش نحاس
أولادك جمله صبارين
وبالصدر يلاقوا الرصاص
الشاهد ليهم رقم 2
مع القائد مرفوع الرأس
وهو عمره قريب السبعين
كبير لكن مليان حماس
يقاوم في الناتو اللعين
اللي جايب م الجيش أكداس
عرب غذارة وغربيين
أملقطهم من كل أجناس
أعموره ما رفتله عين
يحارب موش داير متراس
عيونه كانش بندقتين
أمغير وحدة فيهن قناص
لمولاه رفعهن ليدين يموت ولا يحوزوه أنجاس
استشهد يا عظمى زين الزينين
وهكي صار خبر واكد جابوه أكبار

أزهي يا عظمى

وليك أفخار زعيمك صار .*** شهيد وقبلة للأحرار
أزهي يا عظمى

أزهي يا عظمى بالصنديد
أفتخري بانيك معمر
أنت كنتي سافي وهويد
أنت كنت سبخة وغثر
وبنيانك مسقوف جريد
وفوقه طين وتبن بحر
وفيه اللي ف حلاق حديد
وغيره في خيمة صاقر
أولادك للطليان عبيد
أنتي لينا وهو امسيطر
فتح فيك حوانيت نبيذ
وكم ملهى ليلي انشهر
قواعدهم كل يوم تزيد
أحداها ما تقدرش تمر
أمريكاني في ترابك سيد
وباقي الليبيين غجر
وكان شعبك ما شئ يجيد
وكنا كيف البوم قطر
الطلياني ماليها ليد
فلوس وشعبك متكدر
بعتلك ربي صقر وحيد
ترابك يا عظمى حرّر
وفيك بدا بني وتشييد
مبانيك اتسر الناظر
بنالك مصنع صب حديد
فلايك في الخامات تكر
وكم مرسى ميناه جديد
بضائع تنزل ويصدر
ونهرك يا عظمى الفريد
أعجوبة في عيون الزاير
ولو انعدد مازال انزيد
بكل فخر
بناك معمر زنقه ودار
معمر قائدنا الشهيد
مع الأبرار رفيق مع عمر المختار
أحنا الفاتح عنا ما نحيد
كبار صغار تعاهدنا ايتم المشوار
إيجي يوم وما هوش بعيد
خفي وجهار بكيلين انردوه الثأر

أزهي يا عظمى

وليك أفخار زعيمك صار *** شهيد وقبلة للأحرار

أزهي يا عظمى


شعر (( السالم ))
من صفحة أخبار المقاومة الليبية 24/24 (( الإستخبارات الليبية ))

للأمانة شكله ممنوع النقل لكن بصراحة عجبني هلبه هلبه هلبه وكتبتهولكم
وتحية للشاعر اللي قال هالقصيدة الرائعة بصراحة ويسلم فمه

بارك الله بط يا اختي على هذه الكلمات الرائعة

أزهي يا عظمى

وليك أفخار زعيمك صار *** شهيد وقبلة للأحرار

شكرا اختي نتنفس من الاخضر في اختياراتك وارجو ذكر اسم الشاعر بالكامل

أزهي يا عظمى

وليك أفخار زعيمك صار *** شهيد وقبلة للأحرار

أزهي يا عظمى

ولو انعدد مازال انزيد
بكل فخر
بناك معمر زنقه ودار
معمر قائدنا الشهيد
مع الأبرار رفيق مع عمر المختار
أحنا الفاتح عنا ما نحيد
كبار صغار تعاهدنا ايتم المشوار
إيجي يوم وما هوش بعيد
خفي وجهار بكيلين انردوه الثأر

أزهي يا عظمى

وليك أفخار زعيمك صار *** شهيد وقبلة للأحرار

أزهي يا عظمى