خوتي داروا خوت جدد

رد على اثنين من شعراء الزنتان بمهرجان الحرية في الثمور الماضي وتكلموا على فرنسة ورجلة الزنتان ولو الزنتان ما كانوش فرسان ما كانوش خوتنا لكن لما يصفوا بني وليد و ورفلة بأشياء ما هيش ليها والكلام صادر من شعراء كبار في السن ويعرفوا التاريخ كويس

ورد عليهم هذا الشاعر من ورفلة والشعر هذا يمثل وجهة نظر الشاعر فقط وهو المسؤول عليه ولا يمثل وجهة نظر ورفلة كلها هذا ما قاله الشاعر للأمانة

خوتي داروا خوت جدد
الحال انكد ساركوزي والشيخ حمد

خوتي داروا خوت اليوم ومجهولين بغير رسوم
ضنا زايد وفروخ الروم وصهيوني أباً عن جد
وباعوا اللي في يوم الشوم معاهم وقفوا يد بيد
تريبنه ما حال يدوم ولا شيء على أصله يقعد
أبدينا مع الزنتان خصوم علينا في الناتو يجرد
وشتمونا قدام القوم الشعر اللي قاله شاهد
وما خلوا فينا معصوم ولا استثنوا في ورفلة حد
وحتى اللي من أول يوم معاهم في الميدان جرد
كبيرة كان هناك خشوم عليكم يا زنتان ترد

وخوتي داروا خوت جدد

خوتي داروا خوت أخرين
بهم قالوا نهدوا عالصين

وقالوا نحنا مجتمعين معمر ما عادش يقعد
ونشدوا عن ورفلة وين معانا ما بتش اتميعد
نسوا فيهم شيء التسعين حرم فيهم ما حد جرد
معانا ونحن مظلومين علينا القوات اتحشد
تحاصرنا فوق العامين وخونا في العسلي راقد
رخونا كل الليبين من الغرب لوين مساعد
وزادوا قالوا خوانين أنت غير انده يا قائد
نبيدوا ورفلة في الحين أحرم منهم ما يقعد حد
ولكن مازلنا حيين ومازلنا في اللوم نعد
ومازلنا نردوا في الدين ولو كاين من عاشر جد
ويكفي عزة سوف الجين وقف صبى للناتو ضد
رصف قاسي عمره ما يلين عليه كل العالم شاهد
أما قولك لينا بالشين علينا يا زنتان الجد
كبيرة ما حملتها عين عليها ما بالكية نرد
إلا راني قاصد تبيين إلكم والي عنا ناشد
أشراف نظاف وليبيين علينا ما حد يزايد
انردوا في حق المسكين وخيمتنا ديما مقصد
وكلمتنا ما تصير أثنين كما السيف اللي رأسه حد
ومازلنا ليوم الدين أسمانا على الوديان يبد
ومازال بقعد البازين ومازال البيت امجد
وحتى لو جارن لسنين وعوني في الأيام رقد
إسماي يرعش في الحيين التاريخ عليا شاهد
وحقي بنرده حقين بيدي ما بنفزّع حد
من اللي هما معروفين ورا صوت الرافال خمد

وخوتي داروا خوت جدد

قتله خوتي داروا خوت غرابه
مجهولين بغير قرابة
وعدوا للدوحة وهابه
عليهم منّ الشيخ حمد

عليهم وثّق دار حسابه حربة في الوطن الممتد
لي داسوا اليهود ترابه في برقة وفي وازن منحد
وخلوه الوطن على حسابه يفرّق ويساوي ويمد
خسارة خوي سمح أنقابه اللي كاين قبلي يجرد
اللي كاين معروف شرابه اللي صيته ما نكره حد
مشي دار الرومان أصحابه مع الناتو فينا يهدد
وزاد شنانه في رد جوابه بقوت خلاص الصف أنهد
موضحهن في الشعر أسبابه أنا ما طعنا الشيخ حمد
ولا رضينا لي هالعصابة ولا فرطنا في ورث الجد
وقفنا للناتو بصلابة علينا بالرافال جرد
ولا خلى حيط ولا رشادة قصف قتّل ما خلى حد
ومكنّ فينا الحق كلابه هلي معروفين لمد
كمشه سكارة خنابة فيهم ما هو غابي حد
وخوتي في الدوحة تصابي وتبايع في الشيخ حمد
وقالوا عالناتو وحرابه طيور من الله الواحد
كفر باللي نزّل في كتابه إن كان والهم منكم حد
كيف جزاهم عند حسابه خرج من مله محمد

وخوتي داروا خوت جدد
الحال انكد ساركوزي والشيخ حمد

خوتي دارو خوت إصغار بهم قالوا نهدوا ع النار
وقالوا متخذين قرار ضروري من الحكم انجدد
ونشدوا عن عزوة دينار لفي فيسع جي منهم رد
الصف اللي يقوده برنار احني بالفطرة نجوله ضد
وقلناها للناس أجهار وقلناها للي ناشد
القصة ماهي بومنيار سوى يرحل ولا يقعد
ولا قصة مال ودولار ولا فزعة في خوت الجد
القصة وطن ودين وعار على حلف الناتو جارد
نصارى ويهود وكفار معاهم هلي سماه حمد
الخنزير النذل السكار اللي داره في بوه يسد
إلكم منه عبرة وعبار إن كان ليكم بالخير امتد

وخوتي دارو خوت جدد
الحال انكد ساركوزي والشيخ حمد

للأمانة منقوووووووووول وأسم الشاعر مش موجود

كلام خوي الكلّام خطير ..... عليه ماعندي كيف نرد
والله الزنتان كان فيهم عقل يجيبهم هالكلام اللي تقول سيوف ، وكان ما فيهم مافيهم

كلام كالسهام النارية

نخشى أن يكونوا كما قال فيهم القرآن الكريم بسم الله الرحمن الرحيم(أم على قلوب أقفالها)

محارب الصحراء كتب:قائل هذي القصيده ليس من المؤيدين ولكن يتضح انه انسان وطني وغيور.
سلمتي على هذه القصيده الهجائيه القويه المعاني.

حسيت بالشئ هذا لكن الكلمات عجبتني بصراحة ولومه على خوت الجد اللي داروا خوت جدد

شكرا اختي على هذا الاختيار

خوتي داروا خوت اليوم ومجهولين بغير رسوم
ضنا زايد وفروخ الروم وصهيوني أباً عن جد
وباعوا اللي في يوم الشوم معاهم وقفوا يد بيد
تريبنه ما حال يدوم ولا شيء على أصله يقعد




بارك الله فيك اختي




اخت الشهيد المعتصم بالله