مازااااااااااااااااال فيها رجال

أحبتي حبيباتي .. طحالبنا الأعزاء
عليكم من الله ألف سلام ورحمة
هذه القصيدة أتمنى أن تنال رضاكم واستحسانكم.

وإن كنت لم أذكر بعض المناطق فهذا ليس تشكيكاً في وطنيتها وإنما نسياناً .. فالقصيدة

فليعذرني الجميع .. فليبيا كلها غالية عندي.

ولكم القصيدة ..:-

ما زال فيها رجال=الصعب عند أقدامهم يسهال

ماااااااااا تأيّسوا؟!.

@@@=@@@

ما زال في شجعان=ايهدوا على الغازي وع الجرذان.

وما يسلموا في الوطن مهما كان=ونكرانهم يا صاحبي موحال.

أعزاز نفس ليهم في العوالم شان=كبار قدر عندي والبطولة أبطال.

من يوم ما نده ليهم كبير الشان=وقال أزحفوا .. زحفوا علي الانذال.

صبوا قبالة جيش م العدوان=براك الشاطيء وورفلة وسرت الأبطال.

وطرابلس جنزور والصيعان=ضنا أجواد ما فيهمش شي ينقال.

عجيلات .. صبراته مع صرمان=فراسين ما فيهمش حد ذلاّل.

رقدالين وزليتن و جميل هل عرفان=رجّال فعلا من ظهور رجال.

وأهل الجنوب اليوم فيهم بان=عرق الشجاعة وفرسنة خيّال.

هظوم ضنوتك يا ليبيا الشجعان=ما تأيسي ايردوا الكيل أكيال.

@@@=@@@

إن صار وصار=ايردوه كيد الوقت بالمعيار.

وما يسلموا في وطن بو منيار=ولا يهمهم واطي إن قال وقال.

أصحاب مبدأ ياخذوه الثار=اربات جود ما ليهم دمع ينهال.

وما يغركم هالصمت يا كفار=وحق الجلالة القول يبقى أفعال.

وبعون ربي ترتجع هالدار=والكل رانا راضعين قتال.

انجيبوا فخر للصقر بو منيار=وما نركعوا لا نجبنوا موحال.

شنو هامكم في الوطن يا كفار=ودم العذارى ع الوطا شتوال.

شنو هامكم في الوطن يا فجار=قتلتوا النسا وشيوخ والاطفال.

وبعتوا تراب الوطن بالدولار=مصايب ونا ماني لها حمال.

لكن بإذن الواحد الجبار=انعودوا كما عودة أولاد هلال.

انقيموا الحرب ونعلنوه دمار=وناخذوا الحق باليد مش بالمال.

وانجيبوا لكل مفجوع الاعتبار=وما نأيسوا مهما الزمان اطوال.

ونبنوا بلاد الصقر بافتخار=علي طول دربه ماشيين أجيال.

وانقيموا ليالي سهر وانتصار=وترفرف الخضرا فووووق ... فوق العال.

ومانا اللي نرضوا بالاستعمار=ولا انسلموا في شبر يا الأنذال.

هظاك وقت ما انريدوش فيه أعذار=ولا نقبلوا كلمة ولا مرسال.

اردود الكفا واجب على اللي جار=خوّان ما يساووا كعب رجال.

@@@=@@@

وما زاااااااااااااااااال فيها رجال ...؟!.

واسلمتواااااااااااااااااااا يا أحلى وأغلى حبايب.

ولكم من محبّكــــم أغلى وأرقى تحية
مازااااااااااااااااال فيها رجال 3590638331

مازااااااااااااااااال فيها رجال 3590638331

وانقيموا ليالي سهر وإنتصار = وترفرف الخضراء فووووق ... فوق العال

آآآآآآآآآآآآآآآآآآآآآآآآآمين يا رب العالمين ومنوررررررررررررة على هذه القصيدة وتسلمي

تسلمي ,,قصيدة رااااااائعة جدا
Thump up

مشكورة اختي نتنفس من الاخضر وأميرة السلام على مروركن الرائع Very Happy

رااااااااااااائعة بجد
بس ناقصة الرياينة مازااااااااااااااااال فيها رجال 4147132749

احني هنا واللي ما عرف يعرفنا مزاريع ونموتو علي موقفنا.. .......احني مبدانا واضح ومن زيف العلل حاشانه احني اللي نهار الصائبة تلقانة رواسي رياح الدهر ما تجرفن..... احني هنا واللي ما عرف يعرفنا مزاريع ونموتو علي موقفنا احني كيف قات فقولها الرهقانة لا مقرحي لا كاف ما ختلفنا في هدا وراس جدودنا وبانا نفنو وهم تاريخهم ما يفنا...... احني مازلنا صخرة صمود فوجه من يجهلنا احني اللي نهار الصايبة عيلنا يجيها بشدة عزم ويشرفنا واحني قائلين ونفعلو ما قنا عليهن المبادي شي ما يبدلنا
والله اكبر فوق كيد المعتدي

تحيه ليك يابنت الاجواد ياأخت مقرحيه وافتخر قصيدة رائعة تسلمي

صح لسانك يامقرحية على هذه الكلمات المعبرة .

مشكورة يا اختي مقرحية flag2

صح لسانك اختي مقرحية .

مشكورين اخوتى على مروركم الرائع وكلماتكم الجميلة
وطبعا خوى الرياني مافيش حد يقدر ينكر او ينسى خوتنا الرياينة كل قبيلة ومنطقة جاهدت واعطت واحيانا القصائد لاتكفي لشكر الجميع ولكن افعالهم في ساحات الوغى تبرزهم