ترهونه هيا ترهونه!!!!!!!

ترهونه هيا ترهونه
اليوم ومن دون الايام زاد يقيني بان النصر اتي لامحاله وقد هلن بشائره,فالصبر فا يام العذاب والاغتراب لن تطول.
واليوم كان حضور كبير لعشق الخاطر والوطن العابقه بالتاريخ والامجاد ترهونه.
فانشدت فيها ماجادت به قريحتي.

ترهونه هيا ترهونه...............ترهونه المرسى والبر.
واللي ينخاها الحنونه..............تفزع دونه بكل جسر.
فزاعه ماتعرف خونه.............ولابصاحبها هي تغدر.
ستين قبيله مضمونه..............كل حر منسل من حر.
شرهابا للضيف وعونه..............كان لفاها ما تقصر.
واللي ينويها ترهونه.............اذيال الخيبه يعود يجر.
كيف اللي يزحف بقرونه......... تعضا كان نوها بشر.
وهاللي مايعرف ترهونه............جاهل تاريخه منكر.
يوم اللي الطليان غزونا............نهار الشرشاره يذكر.
لمريض جا صبا دونه............معاه ستين شيخ معنقر.
وامجاد الحره المصيونه........تصعب ع اللي هو شاعر.
غير عتابي لهما دونه.............كما فارس شيخ وينغر.
امغير فزاعا خليكم دونه.............وادي ورفله الهادر.
ورفله راى دواء لعيونه.........الوطن اللي مافيه بصر.
الوطن اليوم تماضا عونه.........الوطن اللي بينا يفخر.
حاله كي حال القزونا...............بوها مات العم نكر.
بسبت كم خايب واطونا........الخليجي قعد فينا يامر.
بسبت كم خايس ذلونا...... الامريكي تمااللي مسيطر.
بسبت كم خاين باعونا........... الناتو فوق سمانا مر.
التاورغي ربي في عونا.............تمى دايح متهجر.
والحره مسيت مسجونه........في سجون اللي ماتذكر.
خلونا نفزع خلونا.............ورشفانه اصحاب ظفر.
المشاي يجي بمقرونه.........والمزورعي فارس حر.
خلونا نزحف خلونا..........افخار بلادي احنا نسطر.
خلونا نزحف خلونا..........في يوم طويل نهارا زر.
خلونا نزحف خلونا................. الليبيه بينا تفخر.
تمت كبدتها مسحونه............. مقهوره ملي صاير.
الليبيه الزينه المزيونه ............نمسح دمعتها المطر.
خلونا نهدو خلونا................هدت وادي جا طافر.
ساعتا كان يبو يجونا............ دون بلادي دمي مر.

محارب الصحراء.
01.02.2012
ملاحظه للاخوه العرب:
شرهابا= يعني مرحبا بالضيف وبوجه طليق مبتسم.
اللي يزحف بقرونه= المقصود هنا هو نوع من الافاعي القويه جدا ذات القرون يعرف بالاقرع الشجاع وله صوت قوي مرعب.

وسانقوم باضافه ترجمه لاي لفظ يستصعب عليكم!

من طرف فرح الأربعاء 1 فبراير - 20:03

بارك الله فيك اخى محارب الصحراء دائما متميز , وترهونه غنيه عن التعريف وقبائلها قدمت الغالى والرخيص زماان وتوا ,فتحيه الى شرفاء ترهونه والى كل الشرفاء من كل المناطق , والتحرير قادم لامحالا ...

عليت ..... قلت فأبدعت ......ربي يبارك فيك

فرح كتب:بارك الله فيك اخى محارب الصحراء دائما متميز , وترهونه غنيه عن التعريف وقبائلها قدمت الغالى والرخيص زماان وتوا ,فتحيه الى شرفاء ترهونه والى كل الشرفاء من كل المناطق , والتحرير قادم لامحالا ...

رائع كعادتك أخي محارب الصحراء، و بانتظار المزيد منك دوما.

خلونا نزحف خلونا................. الليبيه بينا تفخر.
تمت كبدتها مسحونه............. مقهوره ملي صاير.
الليبيه الزينه المزيونه ............نمسح دمعتها المطر.
خلونا نهدو خلونا................هدت وادي جا طافر.
ساعتا كان يبو يجونا............ دون بلادي دمي مر.

أبدعت يا محارب الصحراء وتسلم تسلم تسلم كلمات رائعة بجد وتحياتي ليك
يا رب تمسحوا دمعتنا من القهرة وسحن الكبد يا رب عاجل غير أجل

نتنفس من الأخضر كتب:خلونا نزحف خلونا................. الليبيه بينا تفخر.
تمت كبدتها مسحونه............. مقهوره ملي صاير.
الليبيه الزينه المزيونه ............نمسح دمعتها المطر.
خلونا نهدو خلونا................هدت وادي جا طافر.
ساعتا كان يبو يجونا............ دون بلادي دمي مر.

أبدعت يا محارب الصحراء وتسلم تسلم تسلم كلمات رائعة بجد وتحياتي ليك
يا رب تمسحوا دمعتنا من القهرة وسحن الكبد وكلنا فخر بيكم يا رب عاجل غير أجل

دبلوماسي سابق كتب:عليت ..... قلت فأبدعت ......ربي يبارك فيك

ستين قبيله مضمونه..............كل حر منسل من حر.
شرهابا للضيف وعونه..............كان لفاها ما تقصر.
واللي ينويها ترهونه.............اذيال الخيبه يعود يجر.
كيف اللي يزحف بقرونه......... تعضا كان نوها بشر.
وهاللي مايعرف ترهونه............جاهل تاريخه منكر.
يوم اللي الطليان غزونا............نهار الشرشاره يذكر

تسلم,,الف شكر ليك علي هالكلمات الرائعة
وانشاء الله ربي ينصرنا

صح لسانك محارب الصحراء

وكل الشكر لك على هذا المتصفح العامر .

صحيت محارب الصحراء شكلك ترهوني ههههههههههههههههههههه، ابدعت ويستاهلوا اهلنا في ترهونه كل التقدير والاحترام منا ، بارك الله فيك اخي محارب الصحراء..

من طرف green girl الخميس 2 فبراير - 3:05

ابدعت ابدعت ابدعت ففي بعض الاحيان يصمت الكلام ليعبر الصمت ====================================== flag2

سرت التي تتوسط ليبيا الحبيبه وخير الامور اوسطها flag2

ترهونه هيا ترهونه...............ترهونه المرسى والبر.
تحية لشرفاء ترهونة الابطال
شكرا أخي محارب الصحراء على الابيات الرائعة

من طرف Zico الخميس 2 فبراير - 13:08

green girl كتب:ابدعت ابدعت ابدعت ففي بعض الاحيان يصمت الكلام ليعبر الصمت ====================================== سرت التي تتوسط ليبيا الحبيبه وخير الامور اوسطها

منور أخي قلت فأحسنت القول وكذلك الردود كلها ما شاء الله تبع بكلمات عطرة ومعليش خوك زيكو اليوم كلماته شحيحية شوية مصدع لكن بجد وزن كلام وقافية بوركت

صح لسانك اخوي محارب الصحراء على هذه الكلمات التي لامست كبد الحقيقة .

خلونا نهدو خلونا................هدت وادي جا طافر.
ساعتا كان يبو يجونا............ دون بلادي دمي مر.

من طرف ???? الخميس 2 فبراير - 16:08

صحيت محارب الصحراء شكلك ترهوني ههههههههههههههههههههه، ابدعت ويستاهلوا اهلنا في ترهونه كل التقدير والاحترام منا ، بارك الله فيك اخي محارب الصحراء..

ترهونة يا ترهونة ازحفي على بو شنة واطلعي( إقلعي ) عيونه