صادقين ما درنا خطا يقرضنا ،،، ولا للعــدو بعنا ارقاب بعضنا

صادقين ما درنا خطا يقرضنا ،،،
ولا للعــدو بعنا ارقاب بعضنا ،،،
صادقين كيف العادة ،،،
ومازال راسنا فى العلو فى معتادة ،،،
واحنا فى قبايل ليبيا الريادة ،،،
والراى راينا كيف ما نبوه فرضنا ،،،
انشد البنتاغون وين تماده ،،،
عليه الخرايط كلها خلوضنا ،،،
وانشد اقلال الخير والمرمادة ،،،
خايفين منا خوف كان نقضنا ،،،
وكم صف واكل كف موش أنداده ،،،
امجرب امعاه ايام سودة خضنا ،،،
هذي ليبيا واحنا اسياد السادة ،،،
انباعت عطونا سوم غير رفضنا ،،،
كذّاب من هانت عليه ابلاده ،،،
واحنا ضناها ما ايرق غرضنا ،،،

كل التحيه للشاعر الورفلي على كلماته الرائعه

جميل يابنت الاعزاز

بوسليم المقاومة كتب:جميل يابنت الاعزاز

الله يبارك فيك يا ولد الاجواد

هذي ليبيا واحنا اسياد السادة ،،،
انباعت عطونا سوم غير رفضنا ،،،
ورفلة قول وفعل

من طرف steadfast السبت 4 فبراير - 4:50

شعرالمقاومة الشريفه يشحذ الهمم ويرفع المعنويات من اجل الوطن وكرامته وصون العرض والشاعر يصوغ تجربته الشعرية من واقع قضايا شعبه وهمومه وأحلامه، لا بدَّ أن يكون واعياً لطبيعة كل مرحلة ومتطلباتها ، والأهداف النبيله التي يسعى الفعل لتحقيقها كي يتحقق الانسجام التام بين دور الكلمة والبندقية.

ابدعت وبارك الله فيك ايها الحرة المقاومة ** استمرى ومزيدا من الابداع
Flag