يا سيف قول انبعنا

قالت سرت :

يا سيف قول انبعنا شهادة معمر في الصميم وجعنا
و إللي ينشدك يا سيف قو...ل انبعنا ...
يا براني .. خنت العهود وبعتها بلعاني أنت وبوشنه وغوقة و باني
بعتوا طرابلس و حنا معها انبعنا بعتوا طرابلس للشرق و الزنتاني
خـــــــــــــزي ع الوقت هلي معاك جمعنا ..

معمر قال :

أنتم إللي بعتوني و أنتم إللي للموت دنيتوني جيتكم لسرت و كلكم فتوني
معتصم وحمزة و التريس جمعنا .. هدينا برتل الموت ما شدوني
أهم شي ما راية الذل رفعنا .. طريق السلامة كانكم تبوني راكم معاي
لين ماودعنا ..

سرت قالت :

مش بيدينا تريس سرت راحوا ما تلوم علينا من شرقها لغربها لفينا
علي عداك صبينا النار ولعنا و لا يوم خونا فيه لا ذلينا .. معاك
صافيين و وطنا جامعنا .. و جانا النيتو ما رفعنا ايدينا الموت واحدة
هذا الشعار رفعنا .. قصفنا و دمرنا وما ولينا طيار فوقنا لا ما عواه
سمعنا .. ومصراتة الجربة العافنة اللعينة لولا النيتو حبلها قطعنا
و البريقة ثمان شهور وهي لينا وفي ليلة .. زيادة باعها وانبعنا
خسرنا تريس في جرتك ضحينا وكله علي شانك المر بلعنا
هذا القدر يا قايد وبيه ارضينا كثرن مواجعنا و طاحت بينا
وتجي في النهاية تغيب وتودعنا !! ..

ما توجعك يا قايد في جرتك راحوا تريس شدايد ما في حد في الدنيا
عليك يزايد .. أنت متت راسك فوق ما توجعنا .. عطي حقها لبلاد زاد
بزايد روي وطنا بدمه إللي له معني .. روي سرت بالدم الشريف
الرايد و دمه عليها دين لو يسمعنا !! ..

يا سيف قول انبعنا شهادة معمر في الصميم وجعنا
و إللي ينشدك يا سيف قول انبعنا

منقول