من صفحة ليبيا فقط "المخططه "

بسم الله الرحمن الرحيم والصلاة والسلام علي أشرف الأنبياء والمرسلين ..

يبدوا أن القهر وتجاهل المواطن الليبي ارث مكتسب ينتهجه كل من يمسك منصب في هذه الدولة الليبية ..فهذه وزراة الإتصالات الفاشلة والتي عجزت عن توفير خدمات مناسبة للمواطن الليبي بعد الثورة واتخدت قرار ربحي بالدرجة الأولي غير مدروس وهو توزيع أجهزة الإشتراك مجانا مما أدي إلي انقطاع وتدهور خدمات الإنترنت بعد أن تساوي المشترك القديم والذي دافع دم قلبه في الإشتراك واللي خاطم خطوم ودار جهاز واي ماكس فقط لأنه مجاني تفاجئنا اليوم بأنها تريد إشتراك شهري وقدره 40 دينار ليبي علما بـــأن :-
1- هذه الشركة تتبع وزراة الإتصالات والتي تتبع الحكومة الليبية والتي تتبع المجلس الإنتقالي ..
2- أن السيولة في المصارف متدهورة وأنت ياذوب أطلع معاشك كامل ..
3- أن هذه الحكومة تخلص في البلطجية والصياع والذين كانوا مع النظام السابق تحت اسم " ثوار "
4- الدولة الليبية تبيع يوميـــا أكثر من 600,000 برميل نفط والليبين ماشافوا منه شئ ..
5- وزيرة الصحة اللي مش مهتمة إلا بمظهرها الخارجي والتصوير في الإحتفالات ومخلية فلوس الدولة تمشي للأردن وباقي الدولة لإشباع رغبات الشباب الصايع من شرب ومحرمات وعمليات تجميل ..
6- الدولة الليبية المحترمة كل يوم مدايرة جهاز أمن فاشل وتخلص فيه من خزينة الدولة ..
7- المجالس المحلية وعلي رأسها مجلس طرابلس المحلي الفاشل اللي تتبع الحكومة واللي حتي مشكلة الكناسة مش مدايرين فيها حل تنزلهم ميزانية الله أعلم قدرها قداش ؟
8- الذمم المالية لأعضاء مجلس اللا وطني الإنتقالي واللي مش واضحة للشعب الليبي وقضايا الفساد في هذا المجلس اللي نسمعوا بيها كل يوم وكله طبعا من أموال الشعب الليبي ..
9- السيد المستشار مصطفي عبد الجليل وقصة هروب بشير صالح ومايحيطها من غموض وقصة التبزعيق علي سوريا من أموال الشعب الليبي ..
الهم الأحرف اللي فوق كله واللي يخليك تريش في شعرك وتصيح ؛ هذا كله يطلعك كل يوم مسؤول ويقولك اصبروا ياليبيين الخير قدام الصبر ثم الصبر .. نصبر علي العوج كله لكن الدولة مش قادرة تصبر علي 40 دينار ؛ أيها الشعب الليبي الراقد لو قعدنا علي الحال هذا حيجي معمر جديد " قبل يقولونا السعر مبالغ فيه لما كان يرأس الشركة ابن المقبور فكيف اليوم يطالبون بنفس السعر ؟ ....
فلوس الدولة مارينا منها شئ حتي قرش أزرق لا لكن هيا تبي فلوس " إن لم تستحي فافعل ماشئت

سامحوني على الكلام اللي يغث ولكن حاولت انحطكم في الصورة ونقلت الموضوع حرفيا " "

حسبي الله ونعم الوكيل

انسان كان عنده كل شيء..لأنه يبي أكثر، طار كل شيء و قعد بدون أي شيء

و حسبنا الله و نعم الوكيل

كلتوها يابسة حلوة فيكم ومازل شن رايتوا من خير

يعنى توه الاشتراك رسمى بفلوس ؟