رسالة للوطن ليبيا ياناس...

دالك علينا الدهر يافبراير **باحساب مادرناه في البصاير
يامحسوبة **لناسك اللي مازال في غيبوبة **منين صابهم طاهم مشو فدروبه**هتايا بدو والعقل منهم طاير
ياناسنا شن دالها المنهوبة **ليبيا اللي بيت الكرم للزاير
ليبيا اللي راحت بدت مسلوبة ** راح خيرها وصار الزها للجاير
دمار وخراب وشي فيه أعجوبه**أتقول حلم خانق فالحلوق إيداير
وماتودها لعدوك هالمنكوبة **والدايم الله ياناس في الضماير
يامبهاها**ليبيا اللي راحن أسنين زهاها **أعما سيدها معمر اللي خلاها ** أرياض وزها وأمجاد دور الداير
ليبيا اللي كان العفا فضناها ** ليبيا اللي منبت سناه ثماير
لابد أنه يرجع إيعم هناها** بعد العوج وأيعود ضيك ناير
شدو العزيمة ياعرب نلقاها**حتا لو مشينا للرصاص الفاير
سلبو كل شي من وطنا بتفاها **وبحجة دليلة مواطية الكباير
نبو أتعودله وطن الجهاد نزاها**ورايته بلون أخضارها أتماير
نبو ناسها نبو علمها يقراها **نبو إيفك عنها هالضباب الغاير
وتعود ليبيا من بعد طول جفاها ** يالله بيدك خير كل أمخاير

تحياتي وقولو آمين .. تحياتي