الى الاخت بنغازية حرة

عابر السبيل كتب:اولا المفروض نحنا نشكروك على تواصلك معانا على الرغم من الضغط الموجود عليك وثانيا والله حتى انى فقدت اصدقاء واجد نقصد هم منظمين لكارثة 17 قهاير وحتى اقربائى و ابنائهم الان ايقاتلو فى قوات الجيش والله حاولت معاهم قبل ماينقطع الاتصال ومع انى نقدر نتصل من المانيا ولكن يكفينى انصدمت فيهم والله مع انى حاقد على الشباب المتمردين لكن والله اوقات انفكر فى امهاتهم وحتى المتجوزين انفكر فى صغارهم لما يتيتمو شنو تنفعهم الثورة -ماعندنا كان الدعاء ان شاء الله ربى يهديهم

بنغازية حرة كتب:لا والله انا بالعكس مش زعلانة من اي حد فيكم ولا اي تعليق يخص المنطقه الشرقيه
اولا تسلم وبارك الله فيك وااااااااااااااااااجد لتعبيرك والله عجبتني منك واجد

ثانيا خليني نحكيلكم بصفة عامة ولك بصفه خاصه
انا من بنغازي واخرا شرقاويه اصلا يعني مش من منطقة اخرا وقريت في قاريونس متخرجه من غادي ونشتغل الحمدلله عارف من لما سمعت ان في يوم 17 حيكون في حركه بتصير في البلاد والله احساسي كان يقول انها مش حتكون ساهله وكنت خايفه بكل لاني منبش الفوضى كلنا مع التغيير كلنا يبي تغيير مش تغيير الحكومه طبعا بالعكس والله ولا تغيير النظام ابدا مش متخيله ان لاقدر الله ايتغير انا نقصد تطور وعارف والله بنغازي في الفترا الاخيرا والله الحمدلله بالعكس في مشاريع وشركات تشتغل ممكن في بطء والله بس كان في شغل كان في مشاريع والحمدلله البلاد قاعده تتجه الاتجاه الصح بس كان البطء هو السبب اللي يخلي المواطنين العاديين مش فاهمين الوضع كل يشي يبوه بسرعه راهو عقليه الليبي شويه صعبه والتفاهم صعب بطبيعتنا المهم الحركه كانت يوم 15 مش يوم 17ولكن تم السيطرة وكانو شباب من البلاد وبما انك عارف البلاد تعرف مقرها وفرحت لان تم السيطرة عليها لكن للأسف طبعا يوم17زادت وداروها شباب صغار قبل وبعدها توقفت المدارس وتوقف العمل واغلقت المحال والمصارف وانقلبت البلاد كيف متعرف وانا في غمرة هذه الاحداث نفسيتي تعبت بكل لان القليل جدا جدا جدا عندهم تفكيري والله انا مكنت مستفيده بس انا غيرتي علي بلادي خلتني كيف المجنونه انا شخصيا خسرت ناس كنت نحبهم وكنت نتعامل معاهم لانهم مع الثورة والله لو نحكيلكم حتى شتايم حصلتهن لما اندافع ع الجيش والله انا تعبت نفسيتي لانك عارف انا داخل بنغازي انا قاعده في قلب الاحداث
يوم قرار مجلس الامن والله كان يوم اسود في حياتي والله ربي يعلم انت شوف اعصابي شنو لما بنغازي كلها كانت تحتفل والله كان خاطري نطلع لولا اني بنت والله جتني حاله بنطلع عليهم وعادي لو متت بنقوللهم بس انتو فرحانيين ليش علي بلادكم والله ربي يعلم بيا في هذاك اليوم والله انا معش عندي حتى صديقات الا 3 تصور؟ لاننا احنا نفس الغيرة علي بلادنا بس نشوفو في وضع النيتو من زاويه انه احتلال وبنغازي خربت انا شخصيا والله والله معمري مشيت للمحكمه ابدا ابدا ولاطلعت للبلاد يادوبك من منطقه الى منطقه بس معنديش نيه في اني نشوف الاعلام في كل مكان نفسيتي تعبت للصفر لاني معش نشوف الا في حاجات اتعبلي في نفسيتي
انا عارفه ان في امهات فقدن اولادهن وزوجات فقدن ازواجهن بس ماهو ليش من البدايه مكانش في منها ؟
والله يوم مدخل الجيش لبنغازي كنت متفائله جدا جدا لكن سرعان متدخل النيتو والله بكيت علي الجنود ويعلم الله لكن من اللي زعل ؟ شويه بكل .. عارف وابل من الشتايم لما كنت ندافع عليهم ايقولولي كانو بيغتصبو محدش يبي يسمعني لما انقوللهم هما جايين عندهم وقت للحاجات هذين والله صعب ايش نحكي ولا ايش يعني تصور انا نقولك لما ندافع والله لو اني مش بنت ممكن ......... وعارف كانت اكثر حاجه منعرفش شن يقصدو بيها كلمه (تحررنا ) من ايش الله اعلم

انا عارفه ان نظرة اي واحد ان الشرق هما اللي جابو الغزو والله عندكم حق صح هما اللي طالبو بوجودهم واللي يبكيني اخرا الاعلام امتاعتهم موجوده في كل مكان والله انحب بنغازي بنغازي وطني زعلانه منهم ولا عليهم والله مش عارفه ايش نقوللكم والله مش عارفه كيف ينظرو لقصف النيتو للمدنيين انا نتاسف ومعنديش اجابه لهم والله نستغرب انا كيفكم والله منعرف ايش اللي يصيرللهم توا خلاص معش تستنو انهم ممكن يردو انا يائسه من ناحيتي من اللي نسمع فيه ونشوف فيه

وانا بصراحه جدا جدا جدا نشكرك والله بجد نعتز بيكم جدا وبارك الله فيك واجد واجد واجد

ابوبكر كتب:ياأخوتي أنا عندي أخوالي في بنغازي الوضع في البداية لم يكن مفهوم لأحد بالطبع بسبب التعتيم الأعلامي وأن قناة ليبيا كانت تبث في أغاني للأسف.......يعني لخبطة+ اشاعة سفر القائد لفنزويلا+ قصف طائرات وألآف المدنيين ماتو زي ما قالت الخنزيرة..في الأول ما في حد ينلام لكن الآن الفتنه بانت للكل من لا يتراجع فهو في نظري خائن و مجند و مدفوعله حق كرامته و شرفه.......اللهم لم الشمل وفرق شمل الكافر المغتصب..

ابوبكر كتب:ياأخوتي أنا عندي أخوالي في بنغازي الوضع في البداية لم يكن مفهوم لأحد بالطبع بسبب التعتيم الأعلامي وأن قناة ليبيا كانت تبث في أغاني للأسف.......يعني لخبطة+ اشاعة القائد سافر لفنزويلا + وقصف طائرات وألآف المدنيين ماتو زي ما قالت الخنزيرة..في الأول ما في حد ينلام لكن الآن الامور بانت والفتنه الكل عرفها من لا يتراجع فهو في نظري خائن و مجند و مدفوعله حق كرامته و شرفه.......اللهم لم الشمل وفرق شمل الكافر المغتصب..

بنغازية حرة كتب:بارك الله فيكم تسلموا
والله انا كنت توا توا انتفرج علي خطبه الجمعه من قناه مايسموها بليبيا الحرة مع اني منقدرش انتفرج عليها ولكن نبي نعرف
اولا مازلت نلقا في واااااااجدين مازالو ايصلو عند المحكمة والله ديما انقول يارب ينقصوا وايحسو شوية مازال نفس الهتافات انا بس والله اللي مزعلني واجد نبيهم بس يترحمو علي شهداء القصف نبيهم بس ايقولو بينهم وبين انفسهم ان السبب الحقيقي لوجود الاستعمار من البدايه من من؟

ثانيا انا والله المنفس الوحيد عندي هو انتو معايا من المنتدى لاني لقيتكم

بنغازية حرة كتب:بارك الله فيكم تسلموا
والله انا كنت توا توا انتفرج علي خطبه الجمعه من قناه مايسموها بليبيا الحرة مع اني منقدرش انتفرج عليها ولكن نبي نعرف
اولا مازلت نلقا في واااااااجدين مازالو ايصلو عند المحكمة والله ديما انقول يارب ينقصوا وايحسو شوية مازال نفس الهتافات انا بس والله اللي مزعلني واجد نبيهم بس يترحمو علي شهداء القصف نبيهم بس ايقولو بينهم وبين انفسهم ان السبب الحقيقي لوجود الاستعمار من البدايه من من؟

ثانيا انا والله المنفس الوحيد عندي هو انتو معايا من المنتدى لاني لقيتكم

كلنا عائلة واحدة في المنتدى يا وخيتي بنغازية حرة
والله يحفظك يا رب انت والاحرار الي معك

بنغازية حرة كتب:بارك الله فيكم تسلموا
والله انا كنت توا توا انتفرج علي خطبه الجمعه من قناه مايسموها بليبيا الحرة مع اني منقدرش انتفرج عليها ولكن نبي نعرف
اولا مازلت نلقا في واااااااجدين مازالو ايصلو عند المحكمة والله ديما انقول يارب ينقصوا وايحسو شوية مازال نفس الهتافات انا بس والله اللي مزعلني واجد نبيهم بس يترحمو علي شهداء القصف نبيهم بس ايقولو بينهم وبين انفسهم ان السبب الحقيقي لوجود الاستعمار من البدايه من من؟

ثانيا انا والله المنفس الوحيد عندي هو انتو معايا من المنتدى لاني لقيتكم

بنغازية حرة كتب:

عابر السبيل كتب:اولا المفروض نحنا نشكروك على تواصلك معانا على الرغم من الضغط الموجود عليك وثانيا والله حتى انى فقدت اصدقاء واجد نقصد هم منظمين لكارثة 17 قهاير وحتى اقربائى و ابنائهم الان ايقاتلو فى قوات الجيش والله حاولت معاهم قبل ماينقطع الاتصال ومع انى نقدر نتصل من المانيا ولكن يكفينى انصدمت فيهم والله مع انى حاقد على الشباب المتمردين لكن والله اوقات انفكر فى امهاتهم وحتى المتجوزين انفكر فى صغارهم لما يتيتمو شنو تنفعهم الثورة -ماعندنا كان الدعاء ان شاء الله ربى يهديهم

بارك الله فيك وانا اكيد ان شاء الله نتواصل معاكم رغم وجودي وسط .......... مش حنقول وسط شنو والله حتى انا ندعيلهم
مشكور واااااااااااااجد

بنغازية حرة كتب:بارك الله فيكم جميعا والله كلكم اهلي وخوتي وناسي وانا مستحيل ننساكم ان شاء الله لاني بصراحه حبيتكم جمعيا

والله انا عارفه ان في ناس في بنغازي كويسه انا بس زعلانه لانهم السبب في اللي صار هذا كله ولو اني انقول انها مؤامرة بس هذه المؤامره لقت من يساندها للاسف وللاسف باعو واللي منستغرباش يعني ان ااغلب المسؤلين انضموا بالسرعه هذي انا بصراحه مستغربه لكن قلت منستغرباش لان معندهمش وطنيه الغريب والله كل اللي تسمعو بيهم راهم عايشين احسن عيشه في بنغازي في فيلات واحسن سيارات يعني من اللي خلاهم هكي ؟ وفوق هذا كله انضموا وفي من الناس اعتبرو الشي هذا بطوله وووو ... ونسوا انهم كيف عايشيين

بنغازي اخسارة والله انتأسف عليها
بس حتى الشيوخ ساعدو فالفتنه هذي لأن اي حد بتناقش معاه قعد ايقول الشيخ قال ؟ وين كانو الشيوخ هذيما من 40 سنه كيف كانو ساكتين باهي لو في ظلم كيف ساكتين مش الساكت عن الحق شيطان اخرس وهو شيخ وعارف ان لازم يدافع عن كلمه الحق حتى لو قتل عادي لو انه فعلا ايدافع عن كلمه الحق ولا توا طلع الظلم ؟
ليش الشيوخ بدل ماتقمعز تدعي فالجوامع ليش ميحكو عن السرقه اللي كاثره في بنغازي والله السرقه كاثره بكل مافيش مبنى حكومي الا وسرقوه وفي شركات اجنبيه سرقوهن وحرقوهن ايام الاحداث ولا هذي مش حرام ليش محكو الشيوخ عن القتل كيف اللي مضايق من حد يقتص منه بروحه من اعطاه الحق التصفيه اللي قاعده اتصي فالمنطقه الشرقيه وين الشيوخ منها
الحبوب والسكير اللي كاثرة ؟ وينهم

بنغازي فيها ناس كويسه بس دائما السيئه تعم والمشكله انها عمت بشكل كبير
وحسبي الله ونعم الوكيل في قناه الجزيرة والله حسبي الله ونعم الوكيل فيها لانها ساهمت في عقول اهل الشرق بنسبه 90%
والله متخشش مكان عام الا وتلاقيهم فاتحين هالقناه والناس تسمع

بارك الله في كل حد فيكم والله