الليله ماهي ليلة نوم // اللي ثوري ينهض ويقوم

جا وقتك ياكاتم الصوت // وجا وقتك يارمانه // وروا الخاين السفروت شن هو مصير الخيانه // ورفله وسرت دوم خوت واشراف ليبيا معانا // دقوا طبول الموت للثأر انجلوا المهانه // المعتصم وسيف هم خوت ودوم عاليين المكانه // والصقر بونا مايفوت دمه هدر بالخيانه // جيبوا مراسيل الموت والعيد غيروا ألوانه // معمر ياناس مايموت هكي بلاش من حدانا //
وبإذن الله الثأر قريب والاخضر يرجع لمكانه //
المقاوم الليبي الاخضر يقول// إذا كان حبي لبلدي ودفاعي عنها جرما... فليشهد العالم أنني أكبر المجرمين....
هانت هانت .... بأذن الكريم اترد كي ماكانت .... صبرك على ليام هانت هانت ......
عيد ثورتكـــــم ياجرذان ماهــــــــــو عيـــــــــــدي ...
أنا ثورتـــــــي الـــــفاتح والاخـــــضر فيــــــــــدي ...

لامحتفـــــل ولانــــــي معـــــــــــــاك مشــــــــــــــارك ...
لاتنـــــــــــــتصر ولا الله فيـــــــــــــــك ايبــــــــــــــــــــارك ...

لاثــــــــــــــورة بعد ثورة عيد الفـــــــــــــــــــــاتح ...
الصقر صقر من يومه ,/ كسار اخشومك يارومه
خلهم ايقولوا ازلامه ... و خلهم ايقولوا انصار لنظامه ...
للموت قايدنا انجوا قدامه .... جحافل عظيمه دايرين كتايب ....
مغاليل غلغلنا الغل جمامه .... و لا يوم يا وطني بتبدا سايب .....
نحنا و حوش و طايعين كلامه .....ع الدرب مازلنا و هو غايب ....
حتى القايد مات ... ع النهج مازلنا عرب فزعات .....
قبايل عليه العهد صوانات .... صقوره انهبو ما نطيق هزايب ....
حلف الاطلسي و شيوخ الاذاعات .... في صمودنا شافوا عجيب عجايب ...
لا قصف يرعبنا و لا جبهات .... انديروا علي شان الزعيم لهايب .....
لمزاريع ناس كلمتهم قصيره // عز القول ماايديروا عطاب ...
ليهم صوت كيف صوت الدخيره // ديما فوق لا عند السحاب ....
أجواد أكرام كلمتهم شهيره // أطيور أحرار ماحاجه اتهاب
على عهدنا مازال فيها جوله .... يانكملوا ياناخدوا البطوله ....
هانا جينا ... وهانا جينا ... انردوا على الجردان واللي معادينا .... وقادمون .....
رفعوك التريس تبدى فوق يامطيح ادريس .... رفعوك الرجال تبدى فوق يارمز الابطال ....
دونك مات كم عيل حلال باعوا الروس ...بالسوم الرخيص .....

احكي عالثوره والتثوير // وكيف بدت حره لبلاد // احكي عالناس وعالتغيير // علي طيب وعفه ماعاد // احكي كيف لبسنا القصير // صبغنا لخدود ولهماد // احكي عالرشوه والتزوير // علي كيف تفشي لفساد // احكي عن راتب شن بيدير // غلا المعيشه في ازدياد // احكي ع الي ولي مدير // سحقها سحق اتقول جراد // احكي عالهدم وعالتحفير // طرق غير خسارة وفساد // كلوها ناس قلال ضمير // شهر واهى تبي لعواد // أحكي عن فاهق شين كبير // القدس وعن شيوخه لوغاد // احكي عن غزه واللي ايصير // فبيروت اليوم وبغداد // احكي عن كم ثاير زنقير // أغتالوه بقي بين الحاد // احكي عن عيله في تفجير // قطع لموهم موش افراد // احكي عن قزنة طفل صغير // بكاه ايقطع في لفاد // احكي عن قايد تم اسير // اشنق في يوم العيد نكاد //
زمجر ايها الرعد واسمع من به صمم ...
زمجر يا من بصوتك تعلو الهمم ...
زمجر واهدر من كل خائن دمي ...
زمجر فإنك للمجد آتين واقذف الحمم ...
كل شهيد ايوصى غيره ..... الفاتح للحظه الاخيره ....
إنهض للثورة وللثار ...
انهض كهبوب الإعصار ...
وارجم أعداءك بالنار ....
واهتف بالصوت الهدار ....
الثورة…الثورة نهج الأحرار ....
انهض ياليبي بكل اصرار ....
احنى قائدنا بومنيار ....
اللي مايرضى بكل هالعار ....
على نهجه انت سيار ....
انهض واعلنها ثورة نار ....
اتبع ياليبي نهج المغوار ....
ياجردان ماتفرحوا ... واكيد اينوض جملها // ما من كواين قبلها ناقلها // ماتفرحوا بالسرقه وراجوا نهارلتصير فيه الفرقه // بيناتنا منحس عجاجه يرقى // اولاد القائد ليكم اتجي باكملها // من راس اجدير ليا امساعد شرقا // كبار سنهم قاده وهم في اولها



دعهم يفرحون ويرقصون
لمصيرهم هم جاهلون
ومستقبل أرضهم لا يعلمون
الحرية هم يدعون
لكن لمصالح الغرب هم يخدمون
كانوا لأرضهم مقسمون
بين أوفياء وخائنون
الغرب لثرواتكم ينهبون
وأنتم كالكلاب متفرجون
والله بعد عدة أعوام سوف تدركون
أن القذافي كان خير زعيم في الكون
سوف تندمون وتتندمون
كونه صار صار .. هذا قسم ماعندى خيار
والمكتوب ما منه فرار .. وأمر الله نقبل باقتناع
جرحه شين طبابه احتار .. والتضميد ما هاون أوجاع
وفالمكنون ما طفيت النار .. لعند اليوم من يوم الوداع

ادموعك كبّيهن يا دار .. بعد الاقدار .. ارخصتي في ليلة ونهار{سرت}
اللي داروا فيك التتار .. اجعنها نار .. اتلهلب في جلود الثوار
حياته مغموسة بالعار .. وذل افقار .. اللي ظالمها سرت وجار
بعد جليوا منك الاحرار .. ابديتي غار .. بعد كنتي جنه واعمار
واليوم هانك غابن لنوار .. بلا موكار .. تفرق نجعك بين اشطار
عليها دمعي دار انهار .. بعد ماصار .. بكيت ونا مـــــــاني صبّار
صيوره اتعودي يا دار .. بناس اخيار .. وخوت اجدودي ايردوا الثار
على الله يامولانا كون ... لخميس وجيشه ليهم عون ......

نبكي على حالي من بعدك يابوي // ونبكي علي حالي من بعدك ياخوي // ونبكي على حال اولادي و حال بلادي // اللي جانا ماهو بالشيء العادي // صبارين ايدينا للمولى تنادي // بجاهك ياسيد الاوطان تفرج على كل مؤمن انسان // وترد زهانا كي ماكان // ونبكي علي حالي من بعدك ياغالي اللي شاقي بيا وبكل احوالي // ونبكي علي حال النسوان بعد دارلهن بالثوره شان // ونبكي على حال الخوان اللي عدوا للامريكان وارتميوا فاحضان الطغيان // وسموا ساركوزي النصراني الجيعان // بعد هيبتنا وفخر زمان // نسيتوا احتلال الطليان // وطنا عدى ياخوان // نبوا النخوه من كل الفرسان // اللي على مبداها ماتنهان // و للاسف ياليبيين طلعتوا جرذان // يفرج الله علينا في كل مكان //
حمد وخليفة وساركوزي واوباما/ما ايجوش في عفسة كبير مقامه/ماهم كيفه/ولا عمرهم يسووه بأين صيفه/هو صقر عمره ما نزل عالجيفه/وهم في الوطا روسهم تقول نعامه/وهو بهيبته ونفسه عزيزه كيفه/وهم من انفسهم ضايعة الكرامة/زعيم عالمي القايد غني تعريفه/ وهم للعمالة والسكير زعامه ....

خوارج عالوطن وباعوه احنا نحموه...الوطن اللي قايدنا بوه...خوارج خوارج ماعرفو القدار ان صار حصار على عهدك يابومنيار ماعرفو عنادك جبار قوى ماصار مايهزه الاستعمار..خوارج وباعو الاوطان
رانا اسياد الوطن من ماضينا // صقور في سماها يا طيور الزينا
زمجر أيها الرعد و أسمع من به صمم
زمجر فإنا بصوتك تعلو هاماتنا القمم
زمجر ايها الرعد واقذف الشرر والحمم
فلا تنسو ثأر المعتصم ...
اوصاف القائد دوم شجاعة لايركع
لاهو ركاع ولاخان قضية ولاباع
اوصاف القائد هيبة وعز وماينهز يكفي سبع قواعد لز
ويكفي هو من قائل طز ...ويكفي العالم فيه عجز
ويكفي في الساحة صامد ...ويتميز بلباس الجد
وبشخصية واقدار وعز
هو هذا رمز القادة وماسلم لين استشهد
قالو ربعن جابو أخباره........نبو تاره الصقر اللي ولده جيفاره
ياعبدالله _ رانا معاك بكل دين ومله _ عدي معاك الله
عدي معاك العالي _ الله ينصرك رانك علينا غالي _ وحرر بلادك م العدو لنذالي _ ويفكك الله منهم اخبات المله
شوط كبير ... نبوا نلعبوا ونفجروا تفجير ... بدلها الصفاره .... بنكبروا تكبير ... الجمهور دبابة والسلاح خطير ... المرمى الكيب ومصطفى الحقير .... الحارس الناتو بحمراء رحيله خير ... الملعب فى بنغازي يريد يصير ... سيورها تعادل ونقلبوا التفكير ... مادام السنوسى وسيف الاسلام املاح فى التدبير ... الشوط الاضافى راهو شوط كبير ... نبو نلعبوا ونفجروا تفجير....
مازلت بنت معمر اللي طلته ترزي العدو وادمر ... لانهاب ولانخمد ولا ندمر ....
مازلت بنت اعموره ... شامخ قوي فالصوت قبل الصوره .... اناشد الله ينصر اللي منصوره ...
مازال دمي حر... نقاتل انموت افداك يا معمر ... ابوادي جدودي ومانحب الشر ....
ومازال كر وفر... ومازال هالحرب بتستمر .... ومازال في يوم بننتصر ....

في سرت شفت فراسين ... يلين الحديد وعزمهم مايلين ... غاروا عليهم اوباش وملاعين ... لقوهم تريس يموتوا واقفين ... جابوا حلف كافر يبيدهم حلف كفار وكلاب وشياطين ... وكل من استشهد اسد سرتاوي يصفق كلاب الغرب فرحانين ... عار نكتب في تاريخهم خوانه لعنت الله عليهم ليوم الدين ..
..قالوله في إذاعاتك تصرخ وين الملايين ...
قاللهم بكرى لقبري يجوني زايرين ...
قالوله اولادك قلتلنا نشدوهم حيين ..
قاللهم فداء الوطن يموتوا الغاليين ..
قالوله بنتك تستقبل فالعزايين ..
قاللهم عويشه ماتنزل دمعه من عين ..
قالوله مرتك ماحضرت يوم التدفيين ..
قاللهم صفيه ساجده للعالي و تعرفني زين ..
قالوله صورتك شلناها من عالدينار ..
قاللهم صورتي محفوره في قلب الاحرار ..
قالوله موتك مؤكد ليش الإصرار ..
قاللهم هذا شعاري الموت ولا العار ..
قالوله عصومه قتلناه و سيف شديناه ..
قاللهم والله ماتهم الحياه ...
قالوله القاده بموتك الكل مبسوطين ...
قاللهم بكرى لقبري يجوني نادمين ...
في بالهم قتلوه مايحسبوا جنات العزيز هدوه ...
وفي بالهم تاج الدهب سلبوه ما يحسبوا على شانا شان علوه ...وفي بالهم كاس
الردا سقيوه ما يحسبو من نهر النعيم سقوه ... وفي بالهم في ابعد مكان رموه ما يحسبو في
قلوب البشر دفنوه .........وفي بالهم ريق الحياة حرموه ما يحسبو جار النبي خلوه ...
شهيد بادن الله ياابن الشهيد واخ الشهداء ......
احني هنا واللي ما عرف يعرفنا مزاريع ونموتو علي موقفنا // احني مبدانا واضح ومن زيف العلل حاشانه // احني اللي نهار الصائبه تلقانه // رواسي رياح الدهر ما تجرفنا // احني هنا واللي ما عرف يعرفنا مزاريع ونموتو علي موقفنا // احني كيف قات فقولها الرهقانه لا مقرحي لا كاف ما ختلفنا // في هدا وراس جدودنا وبانا نفنوا وهم تاريخهم ما يفنا // احني هنا واللي ما عرف يعرفنا مزاريع ونموتو علي موقفنا // احني مازلنا صخرة صمود فوجه من يجهلنا // احني اللي نهار الصايبة عيلنا // يجيها بشدة عزم ويشرفنا // واحني قائلين ونفعلوا ما قنا عليهن المبادي شي ما يبدلنا ...
أشــــــهد يا عــــــالـم عـــالــفرســان اللـــي شــجـعـان تـحـدوا الـنـاتـو و الـطـيـران ... أشــهـد يــا عــالــم ...
أشهد يا عالم عالفارس اللي عمره مازال صغير ... اللي تاريخه مايندس ... امورث من صيت مشاهير ...
اصلاله ليهم قولت حس ... ولا يدوا ميري للغير.... لهد محمد متريس علي الجردان اف يوم كبير ....
رزاهم قتل كم رايس بكى منه الزاوى والغير .... ركب لربعطاش الفارس ايمشط وايدمر تدمير ...
عطاهم حسبت يوم ونص وحقق فيه انجاز كبير .... وجاه اللي ما عنده حس ابصاروخ حرارى تدمير ....
أسـتـشــهد غـالـيـنـا الـفـارس علي الفور ومن غير ندير .... وهدا تاريخ الفارس اللـــي مـــاهـــان .... ا
للــي مــا هـــان ... رفض قولت بيعت لوطان ..اشهد يا عالم ... عالفرسان اللي شجعان تحدو الناتو والطيران ....بنعزيك ياخوي البعيد // في اللي واريت تحت الرمال
ونوصيك خوذ الاكيد // الصبر زين في عموم الاحوال
ثارنا ثار لايمكن يحيد // لين يفوت في المخيط جمال
وهذا عهد والله الشهيد // نذروه ذر في رووس الاطفال
ثار الموت والتفزيع والوعيد // ثار الشيب والنسوان والعيال
ثار الحرق والتهجير والنحيب // ثار القهر والتقييد بالاغلال
ثار معتصم وخميس والعقيد // احميد واحمد اسياد الرجال
يخلص دين وراه ام الفقيد // يبال دين وراه كل الاجيال
ثار سرت وتلال وبن وليد // نبش قبور وهدم بن همال
الله الله ياسيد السبيب // تمت سرت مرتع للانذال
الله الله يابلاد الوديد // الله الله ياوطن الابطال
قاعد علقم // الله والنبي لا تسامحك ياشلقم // كان تنشدوا عالحال قاعد علقم ....
قاعد ضايع // وماني لوطني للمضاحك بايع // ومازال فيها وقت بدل ضايع ....
ويجينا فخر والعار نبدا نردم // إنكان تنشدوا عالحال قاعد علقم
احكي يااوباري عالخيان // اقلال امان // حطماني امعاه الزنتان ....
احكي يااوباري وقولي الحق // علي حالة سيف الاسلام ...
مزاريع اللي امعاه رفق // جريح ايدور في الامان ...
جاب نباه خبير اطرق // عباد اتاجر بالانسان ....
عليهم بسلاحه حلق // وقالوا سلم ياجبان ....
قاللهم ني سيف الحق // ايطول ويقصر هالزمان ....
غير اوقات الدنيا اتهد // تغدر ماتعطي الامان ....
اوقات اللي تبنيه اتهد // اوقات اتعطيه البنيان ....
اوقات الناس اتخون العهد // واتطيح بيه الفرسان .....
مزاريع وماناش لمد // وقاتلنا افوسط الميدان ....
اللي مااستشهد هاو انشد // والاخر لاجيء في البلدان ....
يكتبها التاريخ ايخلد // مزاريع احفاد الشجعان ....
تاريخه بومنيار ايسد // الحاضر والماضي اللي كان ....
الا انتم هيجوج هبد // ان عشتوا وان متوا جردان....
يازعيم القاده .... معاك دوم عشنا في هنا وسعاده .... وكنا علي كل العوالم ساده ....
وكنا باسمك ياغلا نسمه .... واليوم تمت هالحياه مرماده ....
كوارث كبيره يازعيم وجمه ....ومن يومها ماعاد رميت وساده ... لين ياشهيد الحق وافي انتمه .... نثارلك وانرجع هالوطن ونتسمه .... شهيد شامخ فوق القمه .....
يابات التريس لا يسواك شنه لا إدريس الله ... الله يابات التريس // يابات الرجال لاتسواك عمه لاعقال وفيت بعهد من فمك أنقال أنموت شهيد ولا أنهادن أبليس // أرقيت المجد عالي بالابطال اللي ع النار تعفس والرميس // فديت الوطن بروحك والأشبال أولاد العز مافيهم بخيس // سقوه بدم صدقوا فالمقال الاول سيف والثاني خميس // والدكتور عقبهن أفعال تضوي الليل كان هو طليس // وماكبكبش في أيدين الأندال مات شجاع والقايس يقيس // وخصمك حلف مبني ع الضلال داره تيس ويدعم فيه تيس // يابات التريس لايسواك شنه لا إدريس الله .. الله يابات التريس ......
مانجدى ولانحسبه شيب الشعر لانعده // ولانقبله رد السلف لانرده // ولا العمر

يستاهل نهار انعيشه ......

ولا النوم يعرفنى ولا المخده // ولا الغرب يتمرد علينا جيشه .........

ولا مكلبت برقه اتجى منهده // ولا انبيع وطنى كيف ناس الهيشه ......

والله لولا الوقت يابوعيشه ......
جاهد بكل جساره // عليه يشهد التاريخ بلي داره // عليه الثنا و القول موش خساره // شهيد بطل مفتخرين بيه أحفاده // فارس نوا درب الجهاد و اختاره // دون ليبيا ناضل و نال شهاده // و معاه من ضنى وطنه أجواد عصاره // فرسان ليبيا يوم العناد أسياده // أربات عز لخشوم العدو كساره // جوارح أحقوق أبلادهم رداده .....
يا سمح التدبيره .. سمح الصيط وسمح السيره .. سمح الرفقه سمح الجيره .. سمح المنطق والتعبيره .. يا مقوى فالحق زهيره .. لا واطى راسه لا حشّم .. قولن يا مرفوع القامه.. يا ناقش عالكثف اوسامه .. رصاصه ما هيش اوشامه .. مع تسطيره واستقامه .. كيف السهم امنين ايخرّمه .. هابا يا طيري لمخبّل .. يا طيحة صقري لمكبّل .. حاصل بين عدو مسبّل .. زعلان وفكره مسمم ... هابا يا ياسي اللي قاعد .. يا زول اعصومه المتباعد .. يا كسر ذراعي والساعد .. والطباب احتار وسلّم ...
يازعيم القاده // فاهق امغيم ع الانضار سواده // يوم اربعينك
ماينتسى م البال // وغالي علينا بات هانيبال...

والصيت قاعد بينا مازال // حتى والشهاده نال ...

بات اعروبه // وقف ضدهم والموت قال حلال ....

وماباعها للغرب زين اسلوبه //معمر زعيم وموش قولت قال ...

ثاير وقومي وثورثه محبوبه // امعمر زمان الظلم عنا زال ....

يوم ليبيا لاوروبا محسوبه // امعمرزمان الهم عنا شال ...

وللاسف توا خاطيين ادروبه // وجبتوه ليكم ليش لاحتلال ...

اللي قبل منا ارضنا مغصوبه // وكرامة الليبي قبل هان ودال ....
وماهي عليكم يا اجواد اكدوبه // ولوكان فيها ليبيا لرجال ....

هاالشي ياحضار مايرضوبه // وغالي علينا دوم ياعز الرجال....
نحنا خوته و انريدوا ثاره // المعتصم بالله هو جيفاره ...
قتلوه ناس مايسووا وسخ فاضفاره // عليك اعجوبه ....
سفاتيل كاين حاطهم في اجيوبه // قتلوه واخرى قاتلين اعروبه ...
وقاتلين بوه ومشردين اصغاره // شلت شرادم عقولهم معطوبه ...
معاطين حبوب امهلوسه وسكاره // خلو الوطن هلي مخضر ثوبه ...
يبكي شديد العزم ليا شاف دماره ....
((راجل زين ومن الشجعان// اللي أستشهد واللي ماخان // سيد وفارس من الفرسان // اموكل امره للسبحان // خيانة وخونه من الجرذان// وقال بلادي ماتنهان // مكانك في جنة لجنان ))
يامصراتة وتي روحك // والناتو خلاك بروحك ....
ياباتنا افقدناك // وياباتنا ضعنا اليوم بلاك // وياباتنا ديما علي مبداك // وصورتك افقلبي دوم ما انحولها // وياخوي في هالحال ني وياك // اغياب باتنا كبدي اليوم قتلها //
يامـعتصــم سجـلتــــــــــــــــــه // تـاريخ ووسام الشهاده نلته ..
واللي وجب فعله عليك فعلته // مـاحيرك موضــوع فيه خطوره ..
واللي فبالك من تحدي قلتــه // منقول فالشاشات صوت وصوره ..
عـرش العماله تحتهم زلـزلته // ياصقر وربـايت تـريس صـقوره ..

يازعيم القمه // فاهق امخلف موجعه في الامه

اللي شملها اشتت ومن بيلمه // بعدك وكيفك ياقوي الايراده

ومن بيتحداهم اقلال الدمه // عدوانهم بعدك الكان تماده

انتا قبل ليهم كنت حجره صمه // عليها يتحطم كل عادي عاده

ومش من فراغ انته زعيم امسمه // وقومي وقايلها جمال ازياده

وماهمش حاجه احداك كانوا هما // وللاسف توا في ابلادك ساده

وكيف ما حمد فينا امفرغ سمه // ايجي يوم يخلص فيه دين اسياده
على قد ماجرح الزمان وجعنا // لغير من خلقنا مانهار ركعنا ....
على قد ماعكستنا // وجارت علينا بغدرها وجرحتنا .....
ايمين حلفنا تبقى شامخه هامتنا // ماننحنوا لو سيفها يقطعنا ....
وحتى خسرنا المعركه وجولتنا // اشراف ماغدرنا وطنا ولابعنا ....
ولولا الخيانه حرام مااجتاحتنا // لنذال لا فشربت اميه ضعنا ....
ويا نسكنوها بقدرنا وهيبتنا // يانتركوها ومايقولوا انطعنا ......
وصامدين للثار يادنيتنا // ثار باتنا وثار شهدانا وثار بلدنا .....


شهر اكتوبر يوم عشرين ،،، وعام احداش بعد الالفين
خبر لفالي بكى العين ،،، يقول استشهد بو السيفين

استشهد قتلوه بطيارة ,,, القائد قصفوه الملاعين
الناتو بعد الموكب ما روه ،،، دز صواريخه سيلين
في ارض أجداده وامه وبوه ،،، قائدنا وفى بالدين
يرمي بسلاحه لاقوه ،،، وماهابش ماباش يلين
التمو ليهود وحازوه ،،، وهو صامد عالي الجبين
استشهد ماباش يذلوه ،،، فمصراتة يحطوه سجين

استشهد مات ،،، وهو قايلها في ما فات
استشهادي حد الغايات ،،، وفيدي بندقتي غبا وين
وجرّع للغازي ويلات ،،، وقاوم حلف الصليبيين
ثمن شهور وطيارات ،،، تقصف في الشعب المسكين
وجيش مرابط في الجبهات ،،، نظامي ومتطوعين
ضد كلاب الامارات ،،، وامريكان وقطريين
هم بكروز وغواصات ،،، وطيارة بلا طيارين
ورافال وتوماهوكات ،،، وقوة تحطم جيش الصين
وحنا بكلاشن وغدارات ،،، صمدنا لولا الخوانين
الصقر الحر استشهد مات ،،، وباقي في قلوب الملايين

ياضـمـيـر الـعـالـم //
غـلاك عـنـد نـاسـك بـيـه ربـي عـالـم // الله يرحمك .....
بـالافــعــــال اعـــلـــيــــــــــــــــــــــــــــــــــــت ....
وبــالــود مــا بــيـن الــشــعـــوب ســعــيــــــت .....
فـي شـــــانـــــاّ لايـــطــــالــــيـــــا عــــديــــت .....
جــبـت لـحـقـوق وجــيــت غـــانـــم ســـالــــم .....
ايــد الــــســـــلام لــــنـــــاســـهــــا مــــديــــت .....
ولاخــرى شــــديـــده فــوق راس الــظــالـــم ......
الالــــقــــاب عــــمــــرك يــــوم مـــا حــبـــيــت ......
لا مــــلـك لانــــك بـــالــريـــــاســه حـــــالــــم ......
بـــفــــكـــرك وعـــدلـك والــــكــرم تـــمـــيـــت ......
بــالـصـــيــت اشــهـر مـن كــثــيــر مــعــالـــم .....
ماسيبنا لاخر نفس دونك بعد تطلبنا // من أول بيان معاك ماسيبنا ....
مانجدى ولانحسبه شيب الشعر لانعده // ولانقبله رد السلف لانرده // ولا العمر يستاهل نهار انعيشه ......
ولا النوم يعرفنى ولا المخده // ولا الغرب يتمرد علينا جيشه .........
ولا مكلبت برقه اتجى منهده // ولا انبيع وطنى كيف ناس الهيشه ......
والله لولا الوقت يابوعيشه ......
إحنــا هلـك يا عيشـة أجـواد عفايـف .. وباتـك علــي ضبـح الرصـاص إمرايـف ..
ومــا واطينــا .. أولاد أصـل مـازال المكـارم فيــــــــــنا ..
صيـور مـن خـذاه الغـدر يخلـص دينـه .. وصيـور كـل خايـن يــا شريفـة جايـف ..
قائدنا خلانا ساده // مانغيبوش على ميعاده ...
نهـوا خاطـري مابـاش ينسـى عمـورة .... لانسيـت ولاننسـي زعيـم الثـورة ....
أمعاك أقدارنا // وفداك عمرنا وخاطرنا وأفكارنا // أمغير تسلم يارفيق أفكارنا......
ياباتي ماملي العقل احملها ... ولها الوقت شايل ع الكثوف ثقلها ...
ياباتي يافزاعي ... ياصيت بين اوطان يامرباعي .... ياسند ظهري ياطبيب اوجاعي .... حتى الموجعة منك علي مهونها .... فساعة ضيق النفس تبقى ذراعي ... وفساعة الغصرة منهو اللي بيفهمها ... ياباتي ماملي العقل احملها ... الا غيبتك صعبه علي ومانقدرها ...
الحي الله في سيد السبيب .... اللي ماباع وطنه للصليب ..... في سيد العرب ....اللي ماباع وطنه لاهرب .... الحي الله ....

مازلت مقرحى وصامد مع اللي مايولي// لين رايتي الخضره لفوق انعلى // مازلت رانى وافى ومازلت رافع رايت القذافى // لين ننعدم مانبيع دمى صافى // وعاطى لخوتى عهد كيف انولى // مازلت مقرحى وصامد مع اللي ماايولى //
واكل وشارب يانهار الفرقه // من قلة الخير وكثرة البشمرقه // بعد غيبة اللي ناره ترقى // سيد السبيب خلى القلوب كلها محترقه ....

لوله البراني والنيتو ماخشيتو ولا فجيش معمر طقيتو
سجل ياتاريخ اختامه // يوم إعدامه لادنقر لادار أعمامه
سجل ياتاريخ إخلاصه // يوم خلاصه لادنقر لاواطا راسه
سجل ياتاريخ وعلم // وقول الّهلي مو متعلم
وعلى معمر مازااال ايفلم // ومات وفي وطنه ماسلم
سجل ياتاريخ وداوم // علي مات وهو يقاوم
لاباااع في أرضه لا ساوم // سجل ياتاريخ ..
.سيف الله غالب شدوه // موش شجاعه مالزنتان // حتى من صبعه سرقوه // موش غريبه عالجرذان // لكن سيطه ماطالوه // ولد معمر عنده شأن //سيف راجل حتى شدوه // تحداهم وخش الميدان // ويا سلم ماخلف بوه // سعد وإحميدة وهانيبال
.كبش العيد عطي إشاره // للطياره تقصف بوشنه وثواره....
رجانا في الرب الغفار ايحيد كربات المظلوم // اللي فازع بيجيب الثار و حاطوا بيه طيور البوم // كلاب الناتو جنين العار و في ايديهم تمى مقيوم // الفارس ضنوة بومنيار اللي تم اعتقاله اليوم // بجاهك يامنجي الاخيار تنجي "سيف" كبير القوم // بعد ظلمات يشع نهار ايحيد كربات المظلوم .....

كبش العيد دار الرنه // قال العيد على بوشنه...
ضربنــا دونـــــك بالرصـــاص الحامـــى .. ومـــــــازال نضربـــــــــــــــــــــــــــــــــــــــــو .. وحبــك فالقلـب مانهونــه يا زعيــم وطنــا الغالــي...
على الخمسة ناقة و جمل و على العشرة عمر المختار // و خلك من الدينار الحر عليه يرفرف بومنيار
الفاتح هو العنوان // الفاتح فى كل مكان // الفاتح فكر معمر // الفاتح كتاب خضر // الفاتح فارس ورجال // الفاتح جماهيرية // الفاتح سلطه شعبية ...هدا هو فاتحنا
مشتاقين ياسيد السبيب // ما نحساب عن شعبك تغيب ...
ياسيد الرجال // ما نحساب تتركنا محال // كنا انظن تنهار الجبال // وتغيب الشمس وانت ماتغيب....
وكنا نظن تتركنا محال // وفوق ابلادنا يتعلى الصليب // شربنا معاك كاسات الزلال // وهمنا فيك يااغلى حبيب ....
اليوم الوطن ما عنه سؤال // بعد الاسد يحكم فيه ذيب // وثقوا فيه من كبر الهبال // وابن البلد في وطنه غريب // ماكناش صال وفيه جال // وشد العزم للامر العصيب....
مشتاقين ياسيدي السبيب ......

شهاده ياوطن الفرسان اللي كاين ماضيك شهير.// اليوم امعبى بالجردان كلاب وماليهمش ضمير // الله الله ايام زمان ايام فيك ناس مغاوير // اليوم بقى حالك ثعبان خراب وتكسير وتدمير // الروح انت دونك تنهان رجال معاك كريم المولي ماينساك // شهاده ياوطن عشقناك ..... وتو يجوك هلك ياليبيا
أنهيك ياعظمي بسيف وباته الروح خالده والجسم في مصراته ... وفسيف وسيده وفلمعتصم قبضة ايديه حديده ... فريد عاش عصره بو افكار فريده شهيد دون وطنه فخر يوم مماته... وهكي التريس الواكده العنيده وهكي الولد لنقر يتم حياته ... يموت خير من دلانه وتمرميده يقعد فقلب الحاقدين شماته ......بنعزيك ياسرت في سيف وباته ...

رأيت أسودا على شاكلة البشر.. فتسألت من هؤلاء؟؟ فأجابني احدهم قائلا.. نحن الشعب االليبي المقدام فتسألت من قائدكم؟؟ فاجابني ..قائدنا أسد ليس كمثله أحد فهو حبيب شعبه وفارس همام ......هو رمز المحبة والسلام فكيف لا وهو رجل وللرجال هيبة وواجبنا نحوه الإحترام فتسألت هل لكم من أعداء؟؟ فأجابني ضاحكا فقال:كلاب تنبح فهل الأسود تخشى الكلاب؟ فنحن احفاد عمر المختار التي لاتخشى كلاب برنارد...
تسلم ورفله وعربها // واللي يقربها // يقعد مرمي فوق حطبها
مازلت ناهو نا // ماانخون قائدنا ولا نعيش بلاه // صامد ورافع راسي للعلاه // الله ومعمر مستحيل ننساه // ثرابك ياعظمى بالدم رواه // تريسك واولادك مايهابوا عداه // ومازلت نا هو نا //
مرت ابوشنه اتلعب في بنتها // بيك جبر وبيك جبر بابا جرد وزاد اكبر ...نادا عالناتو واكفر داير روحه تاير حر ...بيك جبر وبيك جبر ....بابا خائن وجه الشر ...بابا يضحك حى عالقر ....خائف من سيده معمر
يا زعيــــــم القـــــادة // عقـــــلك كمــــا صــــدام نفــــس عنــــاده //
قــــال من يتـــــرك بــــلاده .... عهـــدن عليــــا انـــولها الشهـــــاده.....
اليوم أربعينك يا زعيم بلادي *** فاهق امخلف كيف وسع الوادي
ورشفانه وحوش ايهدوا مايولوش // ياقاتل يامقتول للزاويه طول .
أيعقل أن تموت هي السيوفُ....؟
وهل تقوى على السيف الحتوفُ؟
عبدالله فارس من قيرة ¤¤ يامولايا كون نصيره
صدق من سماك اعويشه // بلا ثارك ماتهنى عيشه // احنى واولاده ومعانا جيشه // متحدين على كلمتنا .... معمر بونا وهو قائدنا ......
ايزيدك عز // ياللي كلامك يسمعه الجرد ينوض ايفز // ايزيدك عز
الله غالب ياوادي أتلال / ظناك أرجال يهدو جبال / إلا من خونة عيت أشكال ...
مازال صورتك فى القلب محفوره .. يابطل ياشهيد الوطن ياعموره ..
مازلت رمز بلادى .. مازلت قائد دوم للمبادئ ..
انت زعيم ماخيبت الظن .. واليوم يفخر بيك هالوطن ..
ماتركت ابلادك .. وافخر بنفسك وبشهداء اولادك..
مات شهيد بلاده .. ولاهرب ولا سيب اتراب اجداده ..
وفى سرت سطره .. تاريخ امجاده .. الله واكبر

وكيف يغيّبُ الموتُ الثريا
أيحدث..؟ إنه أمرٌ مَخُوفُ..!!

أبا منيار يا جبل السجايا
تمهلْ أيها الشهم العطوف
فإن الأرض بعدك لم تسعنا
وقرص الشمس غيبه الكسوف

أبا منيار تبكيك المآقي
ويبكي السيف والدين الحنيف

ويبكي الشعر بُعْدَكَ والقوافي
وتبكيك المآذن والرفوف؟
عمرتَ الأرضَ فكرا مستنيرا
ودوحا منه دانيةً قطوفُ

وكنتَ إذا أصاب القوم قرح
وعاث بأرضهم سفل سخيف

غدوت تبوئ الأخيار مجدا
فلا جبن لديك ولا عزوف..!!

وقدتَ الخيلَ عادية سراعا
ببيت المجد شامخة تطوفُ
***
رضعتَ العز في "سرت" التحدي
وخضت الهول والدنيا حتوفُ

وما جبنت خيول أنت فيها
وما ثلمتْ رماحك والسيوفُ..

إمام المؤمنين أبو المعالي
وعين العرب دامعة ذروف-
إلى أين الرحيل.. وهل إلينا
تعود اذا تغيرت الظروف...

صحيح ليبيا بعد العقيد حزينه... وكلمه غيابك ياعزيز رزينه... جبتو النيتو خنتو الزعيم اليوم بيه رخيتو.. صورايخ جبتو والجراد رميتو ... احنا امعاه ولي بيه توه بينا.. ومازال ياجرذان غر شن ريتو... احنا انصاره تو تعرفو ماضينا... صحيح ليبيا بعد الزعيم حزينه... بس جايها القايد وما دايمتلكم ديمة.... منتصرون بادن الله

باذن الله اتجيه رصاصه ........تفصله جسمه من رأسه
لكل خاين خان وطننا وقائدنا وشرفنا وعزنا ... لكل جردان الناتو

(( من الفجر الاول للشراره الاولى // واحنى يجينا القدر مانمشوله // من يوم مانادانا ماغاب علينا // سلطه وثروه والسلاح اعطانا // العصر عصرنا واحنى سياد الدوله ))

وربي يصونك نحن ضناك وكيف ضيء عيونك من كل حدب وصوب نفزع دونك حالفين يابونا الحنون براسك ودومك عز وفخر ياقايدنا .......

انحوس وين مايسرح بعيد خيالي//ويجبد الوطن اللي علينا غـالي//بين امروج تهوج بالعطور الفايحة وتروج//وحذا جبال كاسيها نظاف اثلـوج//تخلط جمــال اسويسري وايطالي//
انا والرفـاقة في طرب ممــزوج//بشوق لمـقاعد بوغثيث اطـوالي//اللي صورته مابت نهار اتــروج//ولاحولت من بالـــهم لابالي//حتى وين قابلنا لغاوي عــوج//وقمة حضارة فــي مجوف خالي//وحق من امصور في سماه ابـروج//علي ليبيا ماريـت يعـلا عـالي....
إحنا شعب مشهورين من مبدانا ......كرم وأخلاق وفرسنة وأمانة

إحنا شعب عنده همّه ......... نجلّو علي القلب الحزين الغمّه

إحنا شعب من ماضي قديم إسّمّه .... ومشهور في التاريخ ليه مكانه

تراب ليـــــــــــــــــبيا كلّه رواه بدمّه ........ تقول سيل يدفّق مع وديانه
معمر يابوقليب خضر // على شانك صبت المطر
قــالوا ✌ سلــمــية ..............طـــلعــت ☪✈سلفية
قــالوا ✌ حرية ................طلعت ☪✈حربية
قــــالوا ✌ مطالب ................طلعت ☪✈مخالب
قـــالوا ✌ إصلاح ...............طلعوا ☪✈بالسلاح
قـــالوا ✌ تعمير ..................طلعت ☪ ✈تدمير
قـــالوا ✌ تظاهر ..................طلعت ☪✈ تآمر
قـــالوا ✌ حقوق ................طلعت ☪✈ عقوق
قـــالوا ✌ تطوير .................طلعت ☪✈ تكسير
فبأي لغة يريدون أن نخاطبهم وبأي قواميس نفهمهم..................
هادى ورفلة ياقائد موش وسايد مشهورين صحاب عوايد هادي ورفلة ماهى مجهولة والى مايعرفهاينشد والغير يقولوله ينشد حتى العالم كله شرق وغرب وعرض وطوله والى قال كلام يعله فى الميعاد احنى نصبوله زعمك عقله شن قايله ولا هما شن داروله لكن هدا شاعر فى شعره يتسله شعره سحر بطل مفعوله راهى ماتحملش الدله داكرها الاسمر فى قوله راه تعضك راهى صوله راهو عضتها مومله فى هوامك كبار صلوله وعن قايدها ماتخلا يجيهم فى العز ويمشوله 52محله فى عرس القائد صبوله... والحين نراجوا منك قولة يلا ...
نحنا ناس على مبدانا يا مولانا كون معانا // نحنا صحاب القلب الحي من الدنيا مانبو شئ // نحنا صغار كبار انموتو على شانك يابومنيار // نحنا صحاب العهد الوافي ما تهون علينه يا قدافي // نحنا صحاب ضمير وضاوي ما نخونوك يا سرتاوي....
حلمت البارح شفت زويله // قايدنا ومانبوا غيره // بوعمه وعباه طويله // زها دايم ماهو في حيره // بشاير وجهه بانت فيه // ادعي للمولى الله يخليه // منصورين بعون الله
فما غدر الزمان عليك مستغرباً ... لطالما كنت سيد الاســــيادٌ

أتيت براية الـــــــعز خضراءَ فاتحاً .... محطمَ قيود الـــــــذُل تهتفُ

ربيت اشبالاً من صلبك فاخـــراً ... سيفاً و خميسُ ومعتــــــصمُ

تربو على الشجاعة دائمــــــاً ... ليس غريبا فالاَب معمـــــــــــرُ
احكي ياسبها ع الثوار // اللي بالعار// ايحايو ف ثورة الاحرار //احكي عن خوتي والجيران//وعالجردان اللي جونا من كل مكان//مخانب من حزب الشيطان //مع الكفار تلاقو فجار بفجار//اينوضو من ساعة الاذان//مع الافجار//ايشيلو فالقدرة من النار//تخصصهم قلة لحسان وبيع الجار//وتخويف اولاده ف الدار//وتهتيك اعراض النسوان//ودق الطار على فعل الشينة جسار //
مسيرتنا مسيرة أشبال .... بإذن الله ترد الحال... وترفع رأس المختار....... مسيرتنا مسيرة غيرية.....ع الدين وأمين القومية... وفزاعة لسرتاويه......مسيرتنا مسيرة فرسان....... ع الخوان تهد جبال ودنس علم الجردان...... مسيرتنا تجيب انتصار مع الأحرار......علي غوقه وشمام العار........ الله أكبر .....
القائد رحل شامخ ورافع راسه // نال الشهاده بين اهله وناسه // القائد رحل هاذين حد ايامه // طلب الشهاده ونالها بكرامه // يارب في جنة الخلد مقامه // واللون الاخضر والحرير الباسه // القائد رحل ماعاد شيء يرده // شرد الخاين والعدو تحده // ونال الشهاده كيف بوه وجده // انفزع عليه وانديرله عراسه //
ياقائدنا // فديت الوطن بااغلى احبابك .. رويت بدمك حبات الرمال ..عشت ومتت والعادى يهابك .. مسجل مجد يقروه الاجيال .. تركته الفخر دكرى لى رفاقك .. وتركته وسام عزة هانيبال .. بنعزيك يا سيف بمصابك يا صنديد يا خى الابطال ....
زعيم ومبروكات عليك ،، أرواح أتجيك ثمينة ترخص بين إيديك ،،

أحنا ضد ألي بيعاديك علي سباك أنبيعوهن لارواح افداك ،،

أحنا ألي بينا راهو بيك ،، أحنا يالاك أحنا كيف أفراشك وأغطاك ،،

أنتا ملي بيزيد عليك ،، أنتا لولاك أحنا مانسوو شي بلاك أنتا لينا ربي عاطيك ،،

شهير نباك الوطن أبدي عامر بسماك ،، صنعتا تاريخك بيديك أيدوم هناكّ ،،

المولى بأسراره يرعــــــــــــــــــــــــــــــــــــــــــــــــــــــــــــــــــــــــــــاكّ ،،

ياصقر عالى زيد فوق تعلى نلت الشهاده قدام شعبك كله // الناتو قضاك بخونه نلت الشهاده وحسره فى عيونه // شعبك يبيع وانت الدافع دونه جابو الكفر من كل دين ومله // يا صقر عالى زيد فوق تعلى نلت الشهاده قدام شعبك كله //

بالشوية علينا يا ليبيا التحدي

بارك الله فيك

نتنفس من الأخضر كتب:بالشوية علينا يا ليبيا التحدي

بارك الله فيك

هههههههههههههههههههههههههه الله ايسلمك اوخيتى كالعادة من الناس النشيطة ربى يحفظك

والله ما شاء عليك . . بالله من امتى وانت تكتبى فيهم

صبرك على لايام هانت هانت ** تعلى الخضراء تعود زي ماكانت **تعود ونعلوها** وعل شانها حنا ارواحنا نهونوها** ونقطع جذور الخائبة اللى خانت** نقطع عروق الردة **وباب الخيانه نفزعوا ونسده** جاهزين ياخوتي عددوعدة** الكدوة سندكم دوم زي ماكانت** حنا دوم ورشفانه ** سيف حق للواجب اليا نادانا** لانبيع لانعرف افيوم خيانه** في جهادها لاسلمت لا دانت** نلبس خيشه ** نبع الحرير ونتفهوها العيشة** ومانرقدوا عالثاريابوعيشة ** كماعهدها وفت عهودك صانت

مشكورة علي الابداع اختي ليبيا التحدى واخي ولد ورشفانه ، نريد المزيد من الاشعار وياريت ترسل عبر الهاتف النقال كنوع من انواع المقاومة ..

انهض ياليبي بكل اصرار ....
احنى قائدنا بومنيار ....
اللي مايرضى بكل هالعار ....
على نهجه انت سيار ....
انهض واعلنها ثورة نار ....
اتبع ياليبي نهج المغوار

بارك الله فيكم على المرور

قالوله موتك مؤكد ليش الإصرار ..
قاللهم هذا شعاري الموت ولا العار ..
قالوله عصومه قتلناه و سيف شديناه ..
قاللهم والله ماتهم الحياه ...




سلمت اختى