كمل ضياع ليبيا اليوم !!!!!!!!!

كيف حالكم يا احرار وليكم وحشة كبيرة كل اعضاء المنتدى بعد هذا الانقطاع الخارج عن ارادتي " ضرف صحي طارئ "
والله كنت مريضة وزدت مرضة اليوم من موقفين زادوني حسرة على بلادي وكيف ولة في جراير هل جردان الله لا تربحهم لا دنيا ولا اخرة وحسبي الله ونعم الوكيل فيهم * اتصورو اليوم في شارع امحمد المقريف جيهة فندق الكبير من خلف مع حوالي الساعة 3.30 بنية خاطمة على حالها توقف عليها سيارة فيها ظوظ جردان ويطلبو منها تركب امعهم شتمتهم لفو وولالها ينزل واحد يبي يضربها من شكله ومن سرافته مع احترامي سكران معمي مش قادر يركز على الارض الى واقف عليها ومداير هضاك السلاح في خصره ويكوش بيه اتعاركة امعاه ولا واحد جي حز عليها هربة قعدة تمشي بين السيارات في شارع البلدية هزلة ياناس والله مأسة لا أمن ولا آمان حتى في عز النهار حسبي الله ونعم الوكيل
* حوالي الساعة 4 ابنية صغيرة حوالى 8 سنوات ضاربتها سيارة في طريق الشط بعد الغزالة والناس تتفرج اكثر حاجة داروها حولوها من الطريق حطوها على الرصيف وكانها طرف كرطوني ويتفرجو عليه وين الرحمة والنخوة يا ليبين خلاص!!!!!
اسفة على المثل بس الواحد من الهم " الواحد يركب فوق القنفود ويقول تري " انكرر اسفي على المثل