اهداء الى هبد ال جيفه

اهداء الى هبد ال جيفه

انت وغيرك وكل من خلق من خلق ساير سيرك
انطولوك ونطولوا تراب وزيرك
وشبه الجزيرة نقلبوا منضرها
وعلى كل جيهة مكتفين حميرك
وتضهر حقيقة خافية تصورها
وتهرب ويبقى جاهلين مصيرك
وان طالت الدنيا تقول يا مقصرها
وتندم سرايف مومنا فتدبيرك
وكل من راهن على جولتك يخسرها
هذي ليبيا يا نذل ما تقدرها
عليك صاعبة خشت امواج بحرها

انقول ما كم ند
وما كم من اللي في العدد ينعد
ولا قبل لاقيتو العدو ورد
وبعتوا العراق الشامخة وفخرها
مشي سيدها فوسط اللحود رقد
اللي بساعده جيوش الاوغاد دحرها
ولا قبل سلم كيفكم لا مد
يدين صافحت نسوان ما عبرها

لا بوروب ولا بحلف ناتو دايرين جروب
احنى نار عالمرتد لين يتوب
ويندم على اللي دارها وفكرها
يروح لقومه منهزم مغلوب
ويروي وقايع خيبته ويشهرها
ويقول ليبيا تمطر تقول شبوب
وفيها هوايش ليل يا موعرها
وعلى قصورها ماعاد نشد دروب
ولا في سوايا نجبده محضرها
هذي ليبيا يا نذل ما تقدرها
وعليك صاعبة خشت أمواج بحرها


فيه خيانة
وفيه ذيل بكري للعدو واعوانه
ولولاه ماتجوب السمي ذبانه
ولا ميته وسط البحر تعبرها
عديم شرف من باع التراب وهانه
ودخل جيوش المعتدي كركرها
وعليه تنكتب تقعد فطول زمانه
ولا يرحمه التاريخ له يذكرها
فعل فعلته وتبت عليه إذانه
بعد ليبيا وطن الاحرار نكرها
هذي ليبيا يا نذل ما تقدرها
وعليك صاعبه خشت أمواج بحرها



هذي لامجاد
وهذي لاصل والتاريخ والجهاد
هذي ليبيا وهلها تريس اشداد
من الوقت لول جايبين خبرها
حشاهم من اللي للعدو شوشاد
وعاطي خرايط ليبيا ناشرها
يجيه يوم عنه يقطعوا لمداد
وماعاد يعرف وجهته ويخبرها
كتايب إلهن ترتيب واستعداد
وقياده حكيمة ربنا ينصرها
هذي ليبيا يا نذل ما تقدرها
عليك صاعبة خشت أمواج بحرها

لعنة الله عليه وعلى كل الخوارج والصهاينة الذين هو منهم

بارك الله فيك ............رائع

الله يهد حكمك ويشتت شملك ويجعلك عبرة لمن خلفك يا هبد الجيفة

صح لسانك اخي سالم قصيدة عصماء رائعه في حق احقر نوع في الاوغاد

الله يسلمكم صقر وطيبه شكرا على المرور الطيب

صح لسانك يا اخي سالم وانشالله ربي ايسلمك لاهلك ويبشرنا بنصر من عنده قريبا