شاهد ما شفش حاجة :

نقاش حضاري مع جرذ مثقف من المنطقة الشرقية :
المكالمة الأولى :

- كيف الحال : شن الجو
اي جو توة فى الجزيرة كاتبين قاصفين بالطيران مناطق في طرابلس.
- لا تو متصل بواحد صاحبى قال ما فيها شي وكان يحكي مع ناس فى الشارع ويأكدوا ما في شي .
لالا الخبر أكيد لأن الخطوط مراقبة خايفين ويكذبوا عليك ، ياراجل توا كاتبينها فى العربية والجزيرة .
- بما أن قالوها فى الجزيرة معناها كلام حق واللي رد عليا امبدري معناها مش صاحبي عفريته ..
شن أتهزا عليا أنت نلقانك تاعب وخليك في جرة القذافي تو ينفعك
و أنتهت المكالمة بالتسكيرة فى الوجه

المكالمة الثانية :

سمعت قاللوك سيف تعارك مع خوته وقتلوه وكان في خبر على أنه بيخطب فى القنفوذة وما طلعش .
- من قالها لك .
توا فى الجزيرة قالوها .
بعد دقائق ....
- اهو سيف طلع كيف صار مش قلت قتلوه؟؟؟
لا ما هو الضربة جت في رجله عشان هكي مش باين رجليه .
- بالله عليك هذا منظر واحد مصاب، وهو يخطب كلام الراجل ما فيه شي أصحيح.
شنو انت أعلم من الجزيرة ، ربي يهديك وخلاص مش عارف كيف ا تقول ساحرك معمر .
أنتهت المكالمة بالتصكيرة فالوجه

المكالمة الثالثة :
- ألو
سمعت أخر خبر ياراجل القذافي هرب فنزويلا و شال الفتيل من القنبلة النووية بتنفجر بعد ساعة ...
- فتيلة شنو ؟؟؟؟
كنك أنت ما تفهمش قنبلة نووية شد فتيلتها فى العزيزية بتمسح ليبيا كلها .
- تي قول كلامك عقال شن تخرط أنت ، أنت مهلوس الباين
لالا ما ني مهلوس أنت اللي متخلف وجاهل وخسارة الشهادة اللي شايلها ..

وانتهت المكالمة بالتصكيرة فالوجه

-------------- وللحديث بقية--------------

والله أنا حائر من هذا الشخص الجرذ!!
كيف يكون متعلم ويحمل شهادة ويصدق الكلام الغير منطقي هذا
أعتقد أنه كان هناك تقصير من الناحية التعليمية لمعظم الجيل الجديد في ليبيا في عهد الجماهيرية!!

كالحمار الذي يحمل اسفاره حاشاكم الله

السهم الناري كتب:كالحمار الذي يحمل اسفاره حاشاكم الله

هدا اللى صار فى بداية الاحداث