قصيدة لشخص عبيدى يحث قبيلته على الثأر من قتله ((( اللواء/عبد الفتاح يونس)))

خير يا ’’أعبيدات’’ ايش حال خاطركم في هاللي ...مات ....؟؟؟؟؟؟؟؟؟
قبـل كنتوا أرجــال... مشاهير في ’برقة’ أب صيت ومال,, وأصحاب حكمه موش قولت قـال,,,
لا عيب لا تجريح لا سيّــات ,,إيهـابكم كبير القـوم م الافعـال ولكم صيت ماش الله فالفزعات ,,واليوم تشحتوا في حقـكم بـأهبـال من مجلس تردي من زمان ومـات
ــــــــــــــــــ عل الخير يا أعــــــــــبيــــــــدات........؟؟؟؟
كنتوا تريـس عصـاره..... وأصحاب ال...مكانه ولامر بالاشاره ..واليوم فيكم باينـه نغثـاره عليكم حوَايا حطن الندبــات,, ولدكم خـذوه أبغدر وينه ثـاره؟؟ مطراكم إشيّـب والله يا ’اعبيدات’ ...
درتو أعتصام وما جنيتوا أثماره ..عليكم إشيلـن صوت بكـاّيـات
ــــــــــــــــــ عل الخير يا أعــــــــــبيــــــــدات........؟؟؟؟
راح’’لِوائكم’’ ... وحتى العزا ما والي أتعب عزّاكـم ,,والمجلس ترك موضوعكم خلاّكـم.. مابين حيص او بيص وإشاعـات ......وتميتوا وحدكم تفتلوا في ألحاكـم ’’خساره خبركم في الإذاعـات ...ضاع دمكم وحق الشهيد أفداكـم ,,؟وتمت القصه امغير دعايات,, ياللي اتطالبوا بالثار يا مشقاكـم كانكم اعبيتوا عالقضا هيهـات
ــــــــــــــــــ عل الخير يا أعــــــــــبيــــــــدات........؟؟؟؟
وين عيت ’’أمزيـن’’ .... كنهم كبايا أمواطيين العيـن و’’أرفاد’’ ,,,,كنه أمدنقـر أمغير أنيـن و’’منصور’’ منخزي م العار في اللمـات,,,, و’’غيث’’ يـدّارا م الحييـن لا عاد شوخا أيـريد لا قعـدات ,,إلاّ ’’أحمدي’’ ينشد قال نجفل ويـن من عار يبقي في الحيا وأممّـات
و’’العوكلي’’ متقنع من الشامتيـن نظراتهم تنزل كما صفعـات,, هضا حالنا في ’’أعبيد’’ يا ناشديـن أنهانت كرامتنا مع سيّـات
ــــــــــــــــــ عل الخير يا أعــــــــــبيــــــــدات........؟؟؟؟
مللاّ عــار...... ما ينتسي م البال ليل نهار عجزنا قبالا ما أنجيب الثار
بالك إجيبنّه الوسّادات ...دم الشهيد فوق الوظا جرّار ,,,,,والقتل علينا إيمّر كل أوقات ...
تمينا مضاحك تفرجه أكبار أصغار ...ألسانه إتقلّب في افواه تعبانات ...كل يوم نعتصم ونقول
يا حضّار.. كلام ما يطلع من الساحات ,,ما نستحي لا أنقول بالك عار ,,نعجز أنجيب الثار يا ’’أعبيدات’’
ــــــــــــــــــ عل الخير يا أعــــــــــبيــــــــدات........؟؟؟؟
باعنا ’’برعاص’’.... ورخانا ’’حمد’’ وكمّل وراه ’’أحواس’’.. و’’ادريس’’ يشّفع إقول يا ناس هذي كاينه تبيـّلها عامات ..راح سوكم مات الشهيد خلاص موش كل من يمسي إيلاقي أمبات نحنا معاكم في الرخا والباس وفي ليبيا الجديده إللي فات مات ,,,وكثرت فتاوي تدّعي الاخلاص وغابوا تريس اسماح في الرايـات
ــــــــــــــــــ عل الخير يا أعــــــــــبيــــــــدات........؟؟؟؟
أصحابكم باعوكم.... والخوت ’’السعادي’’ أبروحكم خلـّوكم ,,واللي عليهم عابييـن رخوكـم قابيتكم ما عندكم رايـات .....في كل ساحه أتطلقوا نـلقوكم ,,واتقولوا كلام خطير تهديدات هزْيَوا عليكم الذّيول هانـوكم,, عارفينكم ما تـاخذوا ثـارات ...لو كان تفعلوا راهم جرينه جوكم وراهم إيديروا حساب في حسابات.... وإشيلوا بعيد يجلوا ما يرجوكم وعليها البراءه يحلفوا إيمينات ..؟؟إللي يفعلوا ماتوا وما حضروكم زينك بصيره قالن العدّادات ..........
ــــــــــــــــــ عل الخير يا أعــــــــــبيــــــــدات........؟؟؟؟




................ منقــــــــــــــــــــــــــــــــــول .................

مشكور اخى على نقلك للقصيدة وياريت العبيدات يثاروا لولدهم

ليبيا التحدى كتب:مشكور اخى على نقلك للقصيدة وياريت العبيدات يثاروا لولدهم

واتقولوا كلام خطير تهديدات هزْيَوا عليكم الذّيول هانـوكم,, عارفينكم ما
تـاخذوا ثـارات ...لو كان تفعلوا راهم جرينه جوكم وراهم إيديروا حساب في
حسابات.... وإشيلوا بعيد يجلوا ما يرجوكم وعليها البراءه يحلفوا إيمينات
..؟؟إللي يفعلوا ماتوا وما حضروكم زينك بصيره قالن العدّادات ..........
ــــــــــــــــــ عل الخير يا أعــــــــــبيــــــــدات........؟؟؟؟