لو تنفلق سطاش!

لو تنفلق سطاش يانكملوا يا يكملوا الاوباش دون بو عبا.... إحني هلك مش بشمرقة, نجوهم جهار نهار مش بالدرقة, و يظل بيننا حس المنحس يرقى, يصير قفع بالقادف و الاربعطاش, و ما يهمنا هاللي نبح في برقة, عميل باعها و حنا شرانا كاش , و حنا يد واحدة ان كان صارت شرقة حني النفر منا ينحسب بطناش, و لو تنفلق سطاش, يا نكملوا يا يكملوا الاوباش, دون بوعبا لو تنفلق سطاش
و نظاف نوايا , عزوة ضناك و عزوتك و حمايا, هاذيم هلك يا قايد نظاف نوايا...ان صار عناد معاك للعدو يا بوي بالمرصاد و من قبل هلها كان ناض زناد مشاكير في سوق البلي شراية وحني دونك ودون ترابها البلاد عاطيينهن بكري الروس هدايا ...
إنظاف النيه أجواد من رجال عندهم غيريه ... و يخشو على سامر النار الحيه ...ولآخر نفس معاك للنهايه ... ويحاموك لو دار الرصاص قليه ...وصوف هلك فرسان وسبيب ملايا ... فراسين كسر عندهم نغريه والموت لاجلك هي حد الغايه ... لاجلك ولاجل الوطن والحريه ... وسيف عزنا وإسلامنا والخوايا ...وكبرنا على مبداك والثوريه...وحني معاك ديما رافعين الرايه ...
إنضاف نوايا وعزوة ضناك وعزوتك وحمايه ... هذيم هلك ياقايد نضاف نوايا
حني حراسك و حني روسنا ديما فداء لراسك و حني ساسنا بكري ربط في ساسك من الواحد و خمسين من البداية...حني البندقة و زنادها و رصاصك و حني عالعدو طوفان مش سوقاية
نظاف نوايا, عزوة ضناك و عزوتك و حمايا, هذيم هلك يا قائد نظاف نوايا

ما سيبنا, دونك لآخر نفس بعد تطلبنا حني الأولين عماك ما سيبنا ما خلينا ,في عهد لا ميثاق لا ذلينا, من ليلة الثورة وراك مشينا و حاضرين لا ما روسنا كهبنا و لو نكملوا في سباك لا ولينا, الموت في سبيلك فخر من واجبنا من الصغر فيك عيوننا حلينا و من نبع فكرك يا زعيم شربنا و في الله كيفك عزمنا شدينا و آمال غيرك كلهم خيبنا , و ما سيبنا لآخر نفس دونك بعد تطلبنا من أول بيان عماك ما سيبنا ...من اول بيان زنادك و من اول بيان معاك كيف ولادك منصور منتصر مقدام ربي رادك الله يرحمك هذاك هو مطلبنا ...شامخ شموخ جبال في معتادك و للمجد يا قائد وراك ركبنا ..بدت عاصمة الأمجاد وسط بلادك.. الخيمة أفريقيا و عربنا ..و اللي كان ضدك ما قدرش عنادك ..جي يعتذر بالسيف بيطايبنا ..
و ما سيبنا لآخر نفس دونك بعد تطلبنا, من اول بيان عماك ما سيبنا

و قصة صعبة, غاب الزعيم و قعدوا ذوايح شعبه, تولايتك يا وطن قصة صعبة

من الصغر فيك عيوننا حلينا و من نبع فكرك يا زعيم شربنا و في الله كيفك عزمنا شدينا و آمال غيرك كلهم خيبنا

اي والله صدق خونا البطل اكرم معيقل ربي يحفظه

بوركتي اخت عايشة بنيران