انذار من احد مشائخ العصر العلماء...,,,

من طرف larbi السبت 16 يونيو - 9:46

انذار من احد مشائخ العصر العلماء...,,,
في هذه الليلة جلسة مع احد المشائخ حفاظ القران , له من الكرامات مايسكت
اللسان عنها , وله من يشهد له بخير وصدق مايأن الانسان على تعدادهم , حوار
خطير ولاكنه مدهش ورائع , يحرك المشاعر وتصحوا به الروح , سال...ته
فاجاب وحاورني فعجزت على الرد , يسكن في مدينة اشتهرت بامثاله , لايغادر
المساجد يتنقل بين مدن الجماهيرية الليبية وله في كل مدينه اصحاب ومعارف ,
ليس له في الشعودة ولا السحر ورمي الاسهم وماشابه , له قصص معروفه , يشهد
له الكثيرين بان الله لنظره فاتح , اطال الله في عمره ومتعه بالعفو
والعافيه بادنه ...,,,
سألته شيخ انا قريب نهبل ,, قال لي لانك مؤيد ,,
ابتسمت وانتابني شي من الراحه , كررت له السؤال .. قريب نهبل حق ياشيخ مش
ابصاره ,, قال لي اهبل من شادك ,, ابتسمت وابتسم ,, قال شن تبي انت قت ليه
بودي ترجع الحكايه زي قبل قال وهي ابترجع قتله صعبه الحكاية تبعدت زين
والخيوط راحن , قال لي اخيوط شني راحن كانش اخيوطك , قلت له انا رايحات من
زمان , ابتسم قليلا وقال الرجال مزال فيها رجال ومن يوم(.......بإذن الله
)تشبح كيف بيتركبوا في بعضهم هدوم وتفرج بس ,, تهو اكيد من تفرج مدامها في
بعضهم , قال انت تفرج بس الرجال في كل مكان وبيتحركوا بغطاء لين تلاقاهم
قدامك وراك وين تشبحهم تقعد دونهم اقل حاجة بالقلب وبالدعاء ,, قتله غر كان
يطلعو مانبخلو بشي بجهدنا كله قالي ايوه راك اتوخر ,, قتله الرجال لاكن
راهو لعب فيهم الناتو 8 شهور وماظني كان جماعه اشوية هكي قال ليا مامات
واحد الا باجله مش ناقص عمر قتله صح لاكن انحس فيها خلاص قالي بالحرف
الواحد الصحراء من يوم يومها ماتجيب كان في الرجال واما النصاف اشويه فيها
؛؛النصاف يقصد نصف راجل ؛؛ به قصدك الساحل مافيه رجال ياشيخ او كيف قصدك ,
قال الصحراء انت ايتهيالك في الساحل مافيش تهي عاصمتك تلات اربعها صحراء غر
المباني تحسابها انت حاجة تانيه قلت له تكيف طرابلس ارضها مش صحراويه قالي
بس هلها مخلطين الاصل من كل ليبيا قلت له صح وبعدين انزيدك الريف راهي مش
مدينة الريف صحراء وطرابلس من غير المدينة القديمة مافيها مدينة وتوا تخلطت
حتى هي , قلت ياشيخ توا قصدك من يسكن في المدينة كلهم انصاف قال لا لا وين
مشيت انت المدينة مهما كانوا سكانها اصلهم بدو يبو باهي مايبو باهي زي
مايبو ,, قتله شيخ بس راهي الحكاية ساكته وبلهون زين زين قلي ايتهيالك
ابتربخ ربخه الله العليم بيها والدم دم واشويه اشويه قتله كيف هذه قال ليا
في مناطق فيها الدم لله العجب وفي مناطق مافيه بك , قتله المناطق الدم واجد
واكيد بيحاربو توارها قالي انت اتقول توار قتله مش مني لابد انعود لساني
عليها لاني في العمل دايرين علين العين قالي احفظهم زين لانك ابتدير عليهم
العين قريب زين , آه ياشيخ انت قلت ان مناطق مافيها دم بك كيف ,, قال لانها
هي ليها ايام تحت الاولين قتله تكيف تهي حتى قياده خلاص معاش في من مات
مات ومن ربي طول في عمره ياقاعد في السجن عندهم يا محصل ناس باهيه داسينه
ياطلع برا من البلاد ,, قال انت دايخ تحساب معمر ابروحه كان حاكم امعاه
رجال ومش رجال اقطاب مش هدرزه ,, قتله لا اله الاالله محمد رسول الله قال
عليه الصلاة والسلام ,, مش عارف شن انقولك بس يارب ايصير وترجع ,, قالي
صاير وفايت فيها خلاص هذا امر الله وراك تقلب مهما صار قتله شنو منقلب توا
قالي اسال الله التبات وماتعبى على روحك وتنغر ,, قتله سرت كيف فيها قالي
غبارها شن صار فيها تعمر وترد لدارها , قتله كيف كيف قال ما اسمعت ,, يارب
خير قال يارب بس انت مخزن بنزينه قتله اشويه قالي سادة المهم باك يمرض عيل
او شيباني اتحصلو كيف باك مستشفى او طبيب تمشو ليه في حوشه ,, يارب خير لا
لا خير .. في ناس زعماء عبين بعباهم قالي ناس ورجال كبار مش ساهلين ايجيبو
الصيد من ودنه وشباب معاهم من كل البلاد يركبو حتى على الخيل ومايهابو
الموت جاين وغيرهم نايضين بيش ايسهلوا عليهم الخشوش للباقي البلاد
مايتلاقهم حد كان من زايده عليه روحه ,, قتله الله اكبر قال وبحمده ,,
ياولدي دير بالك من صلاتك وخليك مع ناسك وعربك راك تفرح بدنيا مهما صار
والغرب كفار يوصلوا بعلمهم لوين يوصلوا راك تنبهر بيهم كان انبهرت بيهم
ودرتهم حاجة كبيرة راك رحت , يارب التبات قال ايوا هكي نبيك ,, وانتقل بنا
الحديت لامر اراده الشيخ وختم بالدعاء ,,,, والحمد لله رب العالمين وما
النصر الا بادن الله ومن عنده وحده والحمد لله رب العالمين وهذه من بشائر
النصر القريب بادن الله اردت ان تشاكوني فيها,, ولنا ان نحكم على هذا
الكلام من اليوم وصاعدا

من طرف teto السبت 16 يونيو - 10:03

اللهم نسألك العفو والعافية والثبات

إن شاء الله خير يا خوي العربى ..

خلاصة القول...ان كان القائد قد استشهد فان الجماهير باقية...نحن نكتب في التاريخ وللتاريخ...وليس جرذان يقتنصون الفرصة المواتية فيهربون من اول خضة حقيقية..والجماهير هي من سيبني الجماهيرية الثانية ...مهما فعل الجرذان خونة الشعوب والاوطان فلن يكون لهم على الجماهير سلطان..ان معمر القذافي الشخص قضى الى الله شهيدا وما هو الا بشر...ولكن معمر القذافي المواقف والفكر..معمر القذافي الثائر الاممي ابن الصحراء ابن البادية ابن الخيمة التي انتصرت على القصر..والذي فرض على الاستعمار ان يعتذر...معمر القذافي الذي فجر الله على يديه منابع الفكر وبعصر الجماهير بشر هذا سيبقى ابد الدهر وسيعيد الناس اكتشافه من جديد وهذه مهمة كل ثوري حر كما اكتشف الناس انهم ظلموا جاليلو وكوبرنيك وغيرهم من العلماء والمفكرين والمجددين وحتى الانبياء الذين حوربوا في كل عصر والمعركة مع الجرذان هي معركة ضد كل شيطان ولن تنتهي في ساعة صفر بل انها كانت ولازالت وستسمر انها صراع بين الخير والشر ومهما علا شان الشر فاننا مومنون بان الخير هو الذي في النهاية سينتصر والمعركة بين الخير والشر صراع ابدي وازلي لاتحسم فقط بالعسكر..لاشيئ يعود كما كان مهما كان لانه لايستحم مرتين في ماء النهر ولكن لكل مقام مقال ولكل وضع ينبغي ايجاد الحلول المناسبة له وفق المستجدات ومراعاة كل المعطيات لبناء استراتيجيات وتكتيكات ليتحقق النصر

وقد حصل من هذا جانب عظيم للصحابة ، رضي الله عنهم ، في يوم الأحزاب ، كما قال الله تعالى : ( إذ جاءوكم من فوقكم ومن أسفل منكم وإذ زاغت الأبصار وبلغت القلوب الحناجر وتظنون بالله الظنونا هنالك ابتلي المؤمنون وزلزلوا زلزالا شديدا وإذ يقول المنافقون والذين في قلوبهم مرض ما وعدنا الله ورسوله إلا غرورا ) e]ص: 572 ] الآيات [ الأحزاب : 10 - 12 ] .

من طرف sarydrdb السبت 16 يونيو - 13:53

الدول والقري والمناطق وزنقه زنقه ودار دار ما بناها الا الرجال والشرفاء ويهدمها الخونه

الفرق واحد فقط الشرفاء ماهم حق والله فلان فعل وسوي الشرفاء يعتبرون انهم لم يفعلو شي وانهم مطلوبون باكثر وباقي ناقص شغلهم

اما الخونه في كل مليون عشره اشخاص بس ياكلون الجو بقيل وقال وفعلنا وتعبنا وناقصنا وزايدنا بالعربي حقين بهرجه وافتخار وتذمر

نسال الله الثبات لقلوبنا واقدامنا وينور بصيرتنا علي ما يحب ويرضي

حسبني الله ونعم الوكيل عدد موتانا وعدد ما خسرنا يارب يا عدل يا حق ياناصر الصابرين والمستضعفين ومحق الحق