الي طرابلس عروس البحر،،،+ غير ألحسي ظهرك خلاص كلاك *** المالح وراحوا بالبلاش ضناك

من غير ألحسي ظهرك خلاص كلاك ،،،المالح وراحوا بالبلاش ضناك ،،،

المالح كلاك وتشربي في المالح ،،،راح صاحبك لاوّل وجاك الطالح ،،،

زمان قالّك في الغرب مالك صالح ،،،عصيّة على دوس العدو خلّاك ،،،

طلع بعض منك دار روحه فالح ،،،وراهم مشيتي في طريق هلاك ،،،

تقسيم يا عروس البحر بين مصالح ،،،ولا عاد برقه تحسبه مدعاك ،،،

اتذوحي بلا راجل وريقك كالح ،،،انتى والنواحي لاربعة يالاك ،،،

من غير ألحسي ظهرك خلاص كلاك ،،،المالح وراحوا بالبلاش ضناك ،،،

راحوا ضناك بلاش ،،،واصحاب المصالح يغرفوا في الكاش ،،،

الميت ايظن الشعب بعده عاش ،،،والعايش ايلاجي موش عارف داك ،،،

الثاير طلع يا طرابلس غشّاش ،،،يا طول ما كذب واجد اوعود عطاك ،،،

حتى مجلسك سارق مع حشّاش ،،،ولا حد يجري في سبيل ارضاك ،،،

جوك مالجبل جهّال عيلة طاش ،،،حكموك زور منهم شر واجد جاك ،،،

لين من حديث الموت والرشّاش ،،،اتنادي اتريدي صاحبك هاذاك ،،،


من غير ألحسي ظهرك خلاص كلاك ،،،المــــالح وراحـــــــوا بالبلاش ضـــناك ،،،

الفيلم اقباله كذب فيه اخراج ،،،حتى لو كلامي مر فيه احراج ،،،

يا طرابلس قولي لسي بلحاج ،،،وللكيب بو قزازة ومصطفى الهرواك ،،،

وقولي لمن يحلم ايعود التاج ،،،واتعود القواعد جبر فوق ثراك ،،،

اقريّب ايغم الغافلين عجاج ،،،ويقفل المولي بالسحاب سماك ،،،

ويحين قطف روس الذل يا حجّاج ،،،ويطهر من الخونة هواك وماك ،،،

ويعود علم عزّك فوقهن لابراج ،،،وتنسي الجروح وحق من سوّاك ،،،

لاجل الكرامة وحاجة المحتاج ،،،ولاجل الشريف اللى بدم رواك ،،،

وانجيك باذن ربي حي نا والحاج ،،،وانقول لك يسعد الله مساك ،،،

للامانة منقول
تم ادماج المواضيع .............الاشراف

مشكورة أختي كلمات رائيعة

أخت سيف كتب:مشكورة أختي كلمات رائيعة

العفو اوخيتى للامانة منقول

و يقولولك ليبيا ما فيهاش بنية تحتية ... لابد هذه بانيها بو شنة .
أبيات رائعة ... أن شاء الله ما تتأخر العودة

طبيبة القلوب الخضراء كتب:و يقولولك ليبيا ما فيهاش بنية تحتية ... لابد هذه بانيها بو شنة .

ههههههههههههههه ضحكتينى والله بوشنه ايدمر بس حاجة فيها تدمير بدون ما اتوصى لعنة الله عليه

طرابلس ستعود عروسا للبحر بسواعد أبنائها الأبطال

ليبيا التحدى كتب:

طبيبة القلوب الخضراء كتب:و يقولولك ليبيا ما فيهاش بنية تحتية ... لابد هذه بانيها بو شنة .

ههههههههههههههه ضحكتينى والله بوشنه ايدمر بس حاجة فيها تدمير بدون ما اتوصى لعنة الله عليه

الطيور على اشكالها تقع ... معمرأكيد صقر؛ لكن هو شنو ؟؟؟

ما في رد خيركم راقدين

سباقة دائماً ليبيا التحدي بجد ما شفتها

نتنفس من الأخضر كتب:سباقة دائماً ليبيا التحدي بجد ما شفتها

هههههههههههههه ولاايهمك مثل بعض

شكـــــــــــــــــــــــــــراً على النقل الرائع