ياعمي لو مش من باب صلة الرحم ..راهو لزيتك من حوشنا..

مبروك تثبيت موضوعك خوي الكريم ..
مزيدآآآ من التألق والاجتهاد والمواضيع الهادفة ..
ادارة المنتدى

تحية طيبة ياسادة ..

هو عمي الغالي .. ولكن هو مع ثوار العار.. ثوار الخزي الخزي الخزي الخزي الخزي النـاتو ..مع الجردان ..

قد ماحاولت نتكلم معاه .. مافيش فايدة .. وقالي مازال تقول عليهم جردان نقص لسانك ..

مانعرفش شن قصة معارضته.. لما يجي للحوش .. مايبيش قناة الليبية
ولاالشبابية والجماهيرية .. ويقول سكروه التلفزيون .. قتله إمالا تبي قناة
العبرية والا الجزيرة العميلة .. رد عليا وقالي إحترم نفسك ..

أخرها طلعت مش محترم .. عليك حالة وخلاص .. وأهو خوك .. إللي هو بوي ..
ديما القذافي في الدم.. ومفتخر بيه .. في موبايله صورته .. في الاب توب
صورته .. ومع هذا حتى شغله مايشتغلش في السياسة .. ولايشتغل في الدوله ..
ومع هذا العلم الآخضر يرفرف في الانتينه متع سيارته ..

أما انت ياعمي ياخاين .. تشتغل في الدوله .. وماشاء صغارك متزوجين .. ماشاء
الله وكلهم بسياراتهم .. وماشاء الله عندك مزرعه وأمورك مبحبحة ومش ناقصك
شيء .. وماشاء الله كل سنة تمشي للعمرة وتسافر .. ومع هذا مانعرفش شن قصتك
.. تخون وطنك وبلادك ..!!

وين طاعة ولي الآمر .. توصل لمرحلة تقول لي بوي العلم الآخضر نلقاه في حوشك
معاش بنجيك .. تي برا طريقك زينه معاش نبي نشوف خليقتك .. والمشكلة بوي
طيب هلبا ويحبه .. وخاصة إنه خوه .. وزيادة بوي أصغر منه .. يفترض عليه
إحترامه وإستقباله ..

نوصل لمرحلة إنروح الحوش فجأة نلقى العلم الاخضر مهناش .. شنو ياأمي وين العلم إللي كان فوق الطاولة .. ؟؟

قتلي عمك مايبيشي .. !!

قتلها صار هالجرد مايبيشي .. قتلي عيب عليك هذا عمك .. تي هذا واحد من
الجردان وخاين .. والله كان مش عمي بس .. راهو مش عارف شن درت فيه هالجرد
..

والله قداش حرقلي دمي .. لما يجي للحوش .. إنحس في روحي كأن أبليس جي لحوشنا ..

وخليكم من بناته .. هاذيكا الخراصات والسلاسل فيهم علم الخزي والعار ..

إستقبالي ليك ياعمي إنت وبناتك .. وإبتسامتي في وجهك .. من باب صلة الرحم فقط ..

وكان هذا لزيتك من زمان إنت وبناتك الأغبياء الجبناء ..

تبا لك ياعمي إنت وبناتك وأولادك الخونه ..

من طرف ???? الأحد 10 يوليو - 20:57

الله غالب كيفك متعارك مع خالى فى بنغازى كلمته هلبة فى بداية الاحداث ومافيش فايدة وكلمته قبل مدة بسيطة وماوصلتش معاه لحل وياريت معارض وبس اولاده الاربعة مقاتلين مع البهلول عبدالفتاح يونس ولكن يبقى خالى ومع ان امى زعلانة منه هلبة ولكن خوها وحتى انت يبقى عمك ولازم نصبرو وندعولهم ربى يهديهم وهذا واجبنا امام الله اولا وصلة الرحم وكبر سنهم ثانيا

من طرف ???? الأحد 10 يوليو - 21:03

لا حول ولا قوة الا با الله

من طرف فرح الأحد 10 يوليو - 21:11

ييييييييييييييي كلنا فى نفس القارب نسبح وربى يهديهم ولكن تلاحضو ان القصه عناد امسكرين روسهم
وتحكيله تناقشه على موضوع ايرديحكيلك ان معمر دز مرتزقه معمر يبى يقتلنا الاغتصاب وما يبوش يسمعوا
ومصدقين ارواحهم يحسابوها ديمقراطيه صحيح يعنى دمك ينحرق ويرتفع الضغط لما تحكى معاهم

ان شالله ربي يهدي
انا بالذات بدون تعليق

من طرف الخالد الأحد 10 يوليو - 22:42

هابا ياما شايل عقلي غير وطيت عليه بثقلي

من طرف Zico الأحد 10 يوليو - 22:58

لا حول ولا قوة الإ بالله

عابر السبيل كتب:الله غالب كيفك متعارك مع خالى فى بنغازى كلمته هلبة فى بداية الاحداث ومافيش فايدة وكلمته قبل مدة بسيطة وماوصلتش معاه لحل وياريت معارض وبس اولاده الاربعة مقاتلين مع البهلول عبدالفتاح يونس ولكن يبقى خالى ومع ان امى زعلانة منه هلبة ولكن خوها وحتى انت يبقى عمك ولازم نصبرو وندعولهم ربى يهديهم وهذا واجبنا امام الله اولا وصلة الرحم وكبر سنهم ثانيا

كلامك قنين خوي عابر السبيل .. لكن لازم يحترم البيت ويحترم أهلي .. مش يخش يأخد الريموت ويسكر التلفزيون .. والعلم الآخضر يحطه في القمامة حاشاك .. هو ضيف ولازم يحترم صاحب البيت ..

لما يكون في حوشه إن شاء الله ينحرق ..

تحياتي ليك

بنت طرابلس كتب:لا حول ولا قوة الا با الله

بنت طرابلس .. شكراً على التواصل ..

تحياتي ..

فرح كتب:ييييييييييييييي كلنا فى نفس القارب نسبح وربى يهديهم ولكن تلاحضو ان القصه عناد امسكرين روسهم
وتحكيله تناقشه على موضوع ايرديحكيلك ان معمر دز مرتزقه معمر يبى يقتلنا الاغتصاب وما يبوش يسمعوا
ومصدقين ارواحهم يحسابوها ديمقراطيه صحيح يعنى دمك ينحرق ويرتفع الضغط لما تحكى معاهم

صحة ليك ياأختي فرح .. والله تسكير دماغ وخلاص .. ونفس الدسكة يعاودو فيها وخلاص ..

باهي حتى انقوله تعالى شوف الفيديوات وناقشني .. مايبيش .. ويبدأ يقول في كلام متع فروخ حاشاك ..

يلا شن بتتوقعي من الجردان ..

أسعدني مرورك ..

بنغازية حرة كتب:ان شالله ربي يهدي
انا بالذات بدون تعليق

لاتحرمينا من تعليقاتك أختي بنغازية حرة ..

تحياتي ..

والله شن بنقولك يا خوي خوتك هلبة في البلاد وأني خالي نفس الحالة بس مش متعصب لهالدرجه زي عمك مش عاجبه الحال وخلاص. بصراحه عجبني تعليق الخالد.
وأحسن حاجة قلتها(إستقبالي ليك ياعمي إنت وبناتك .. وإبتسامتي في وجهك .. من باب صلة الرحم فقط ..)

الخالد كتب:هابا ياما شايل عقلي غير وطيت عليه بثقلي

شكراً على تواصلك أخي خالد ..

Zico كتب:لا حول ولا قوة الإ بالله

شكراُ لمرورك أخي zico

ريم سالم كتب:والله شن بنقولك يا خوي خوتك هلبة في البلاد وأني خالي نفس الحالة بس مش متعصب لهالدرجه زي عمك مش عاجبه الحال وخلاص. بصراحه عجبني تعليق الخالد.
وأحسن حاجة قلتها(إستقبالي ليك ياعمي إنت وبناتك .. وإبتسامتي في وجهك .. من باب صلة الرحم فقط ..)

أهلا بيك أختي ريم .. في ناس راقيه تقدري تأخدي وتعطي معاه ..

وفي ناس زي عمي حاشاك .. حتى مش في حوشه يبدا في قلة ادب ..

تحياتي ليك وعشتي يابنتي

خوي ارفس معنا الله غالب توا يجي يوم يعرفوا شني قيمة العلم الاخضر وقيمة بابا معمر
في مثل ليبي يقول ياشرب اللبن مرجوعك للمايه
صلة الرحم واجب عليك يا وخيي الله يعينك وخلاص

أما انت ياعمي ياخاين .. تشتغل في الدوله .. وماشاء صغارك متزوجين .. ماشاء
الله وكلهم بسياراتهم .. وماشاء الله عندك مزرعه وأمورك مبحبحة ومش ناقصك
شيء .. وماشاء الله كل سنة تمشي للعمرة وتسافر .. ومع هذا مانعرفش شن قصتك
.. تخون وطنك وبلادك ..!!
باعوها الاغنياء وجابوها الفقراء
(اسفين خوي لو زاودنا التعليق شويه)