امثال ليبية....

اللي يربط يلقى ما يحل


. اللي يدير الخير ما يشاورش


اللي فيها خير يديرها الله


. صقع الربيع يشيب الرضيع
- اللي ماهي فرس بوك اتوقعك.
- اللى مالك مايبقالك.
- بيت رجال ولا بيت مال .
- هل السعد تحطبلهم الريح.
- الرجال محاضر مش مناظر.
- اللي مايقدر على الحمار يقدر على البردعة.
- اطلق الطير والحقة.
- لاقيني ولا اتغديني .
- اللى ما ياكل بيدة مايشبع .
- إن طابت النية البيت يسع مية.
- إن كان حوشك من قزاز ما اتحدفش الناس بالطوب .
- اللى ضرب شيء صاده.
- المال السايب يعلم السرقة.
- المية تكذب الغطاس.
- عين الودود غلبت عين الحسود.


. الربيع من فم الدار يبان


. العين عليها حجاب


. العيب على زايد العقل


. علي قيس مرتعها اتدر حليب


. العمر يعارك دون صاحبه


. حتى الغزال فيه قولة


. بو البنات مرزوق


. جيعان وطاح في دشيشة


. بيت الضيف ما يجوعش مولاه


. دابين فيها زيت ما تطفى


. خذ كلامه وسيب افعاله


الخير خير من هله والشر ماله صاحب


. اللي ما يعرفك يخسرك


اللي في قلبك على وجهك


. اللي يدعي بالطب يموت بالعلة


. ازها للدنيا تزهي لك


. اطول من ليلة بلا عشاء


. الرجل تربطه كلمته


. كثرة الكلام تودر الثمرة


الفقر يعلمك الزقاطة والعري يعلمك الخياطة


. .العب مع الغشيم يغشمك


. .العتب مش عالسبخة ع اللي حرث فيها


. . الغضب يذهب الشيرة


. غسله خير من وكله


. . فقري بلا دين غني


. ما صحبه الا بعد عركة


. . ما عمي الا عمي القلب


. . اللي عضك وقضك لسنونك


. اللي تشكره يصعب عليه تذمه


. اكبر منك بليلة يغلبك بكل حيلة


. . اجعلك وين تشور تنور


. . من داري بيك يا غماز الليل


. . المكتف ما يحلش روحه


. . معادش سر بين اثنين


. . المتغطي بالايام عريان


. . اكثر زيت احلى زميتة


. ان رافقت رافق زين حتى ان غاب تبقي به علم


. . ما اتجوز الصدقة واهلها جياع


. مد كراعك علي قيس فراشك


. اللسان وقلة الاحسان


. لا تترك اللي فيدك ولا تندم علي اللي فات

. كل جرح يبرا الا جرحك يا لسان


. الكذب مشواره قصير


. اللي عقبه خوه ما ذل


. . اللي يكرمك بالطعام اكرمه بوكاله


. اللي ما يعرف الصقر يشويه


. . اللي تتبدد ما تجي مليانة


. اجعنك غابة والناس حطابة


. . قاطع الراس خالقه


. . قليل البخت يلقى العظم في الرية

إرفس معنا كتب:

. جيعان وطاح في دشيشة

حتى جعان وطاح في باسطي

عشتي يابنتي على الآمثال الرائعة .. وتم الحفظ في المفضلة ..

تسلم خوى على مرورك الرائع وعجبتنى الكلمه عشتى يا بنتى ههه منور

المال السايب يعلم السرقة.
- المية تكذب الغطاس.
تشابه
. العين عليها حاجب
بو البنات مرزوق
البنت بتنزل برزقها
ما صحبه الا بعد عركة
ما محبة الا بعدعداوة
اكبر منك بليلة يغلبك بكل حيلة
اكبر منك بيوم يعرف عنك بسنه

والحمار والبردعه عندنا برده

ram0000 كتب:المال السايب يعلم السرقة.
- المية تكذب الغطاس.
تشابه
. العين عليها حاجب
بو البنات مرزوق
البنت بتنزل برزقها
ما صحبه الا بعد عركة
ما محبة الا بعدعداوة
اكبر منك بليلة يغلبك بكل حيلة
اكبر منك بيوم يعرف عنك بسنه

والحمار والبردعه عندنا برده

ه هههههههههههههه منور خوى على مرورك الطيف

منورة عالموضوع الرائع بنت طرابلس وعندي ليك مثل يمشي مع الجزيرة وأخواتها
كذب حبلق الكوز طاح والزيت تعلق.

ريم سالم كتب:منورة عالموضوع الرائع بنت طرابلس وعندي ليك مثل يمشي مع الجزيرة وأخواتها
كذب حبلق الكوز طاح والزيت تعلق.

هههههههههه منورة وخيتى يعطيك الصحه

حمستيني يا بنت طرابلس ,,,

صاحب العلة ينخصوه مرافقه
اللى سواده في العظم ماينفعه المي السخون
منين حي مشتاق البسرة وين مات علقوله عرجون
زي من يربي الحنش في كمه
يوم خيطنا المعارق استالدوا الناس بلا رووس
ياتاجورة ماريتيش عمر
دكان مسكر ولا كرية مشومة
قبر مشيد ولا خيال مشوم
راجيني ياعلي بعشاك لين يجي الزيت من غريان

Zico كتب:تسلمي أختي الفاضلة على هذا الموضوع الشيق والمفيد والممتع

ونقولك ربي يجعنك غابة والناس حطابة

وانا جايب الفاس بنبداء في التحطيب

ربي يبارك لنا في كل الأعضاء والمشرفين الذين يزودون هذا المنتدى بكل ما هو مفيد

الله يسلمك خوىى وبارك الله فيك على مرورك الرااائع والطيف

خوذي مثل ثاني لثوار الخزي النيتووووووو
شراب اللبن مرجوعك للمية
طايح السعد ينبحن عليه الكلاب(حاشاكم) في السوق

ريم سالم كتب:خوذي مثل ثاني لثوار الخزي الخزي النيتووووووو
شراب اللبن مرجوعك للمية
طايح السعد ينبحن عليه الكلاب(حاشاكم) في السوق

ههههههههههههههههههه قويييه منورة

الدنيا ولت با المعكوس الفار يسطرب على القطوس

منورررررين كلكم
وانزيدكم عالشعر ....مش بيت ابيوت
عطي بنتك للزين أما الفلاحة اتعلمها جارتها(الفلاحة=النشاطه والفهلوة)
نية العميان في عكوزه
كذب رابح صدقه معبوصه(معبوص=ذيل)
كل شاه امعلقة مع عرقوبها
الجمل ما يشبح عوج رقبته
ماناقص الديك إلا السروال
جحا مش ضاري بمرا
المنحوس منحوس ولو حطوا علي راسه فانوس
انقول ثور إيقول أحلبه
كلمة ياريت ماتعمر بيت
كلمة لوكان ماتعمر دكان
اللي مايعبد روحه يتفترش

بشرى النصر كتب:منورررررين كلكم
وانزيدكم عالشعر ....مش بيت ابيوت
عطي بنتك للزين أما الفلاحة اتعلمها جارتها(الفلاحة=النشاطه والفهلوة)
نية العميان في عكوزه
كذب رابح صدقه معبوصه(معبوص=ذيل)
كل شاه امعلقة مع عرقوبها
الجمل ما يشبح عوج رقبته
ماناقص الديك إلا السروال
جحا مش ضاري بمرا
المنحوس منحوس ولو حطوا علي راسه فانوس
انقول ثور إيقول أحلبه
كلمة ياريت ماتعمر بيت
كلمة لوكان ماتعمر دكان
اللي مايعبد روحه يتفترش

مشكوووووووووووورة اختى على مرورك الرائع وعلى الابياات ههههههه

تسلمي ياوخيتي

بنت طرابلس كتب:الدنيا ولت با المعكوس الفار يسطرب على القطوس

هههههههههههههه أبدعتي بنت طرابلس
لسان حال ثوار الخزي العارانهم منتصرين وجو عايشين فيه نقوللهم مثل حاشاكم كله
عوا قبل مايكلب

ريم سالم كتب:

بنت طرابلس كتب:الدنيا ولت با المعكوس الفار يسطرب على القطوس

هههههههههههههه أبدعتي بنت طرابلس
لسان حال ثوار الخزي الخزي العارانهم منتصرين وجو عايشين فيه نقوللهم مثل حاشاكم كله
عوا قبل مايكلب

هههه..مشكووورة وخيتى على مرورك الرااائع

هلي يشوف الجزيرة نية شريرة ولي يشوف العربية ماعنداش بيتية وهلي يشوف الحرة حياته مرة وهلي يشوف bbc اخزيه عليه وشكرا

الخالد كتب:هلي يشوف الجزيرة نية شريرة ولي يشوف العربية ماعنداش بيتية وهلي يشوف الحرة حياته مرة وهلي يشوف bbc اخزيه عليه وشكرا

هههههههههههههههههه راائع مشكور على مرورك الطيف

اه نسيت هلي يشوف ليبيا الاحرار تولع فيه النار

الخالد كتب:اه نسيت هلي يشوف ليبيا الاحرار تولع فيه النار

صح لسااانك

شكرا على الأمثال الحلوه
نفس اللي عندنا بس اختلاف بسيط في اللهجه

شن خطر عليك طلعت الموضوع اليوم

انشاء الله ربي يحفظك تعرفي اني نحب الامثال الشعبية لكن مانقدرش نحفظ ....