خلها ,,,, خلها

خلها خلها

لين اتحايا ونعرفوا من هلها ,, بين الحياة والموت

خلها خلها

خلاها الزمان واللي انكتب مالله تو ايبان

ما من اللي كاين أصبح كان

وما تندري عالوقت شن داسلها

قديش قعدوا الترك والطليان

وقديش ضاق الملك طعم عسلها

وأربعين عام امربخة فأمان

وحتى العدو شوب ايجي يدخلها

واليوم حايسة ما عاد ليها شأن

اللي موش رابط فاقدة عيلها

وما عاد فيها الحق له ميزان

ضل السفيه ايقود في عاقلها

وخترش بحرها حام في الوديان

واللي امحرمها الله حللها

قلب زرايبها وقل الضان

وحوش وما خله اللي بشملها

والمال يقعد مال مهما كان

وكل حي فينا قسمتة حصلها

لكن اللي يصعب على النسيان

ومهما ابتبكي العين مسموحلها

قديش فارس راح في الميدان

وقديش فارس ها الحبوس دخلها

الله لا اتسامح كل منهو خان

ويرحم اللي طاحوا نهار شكلها

منقووووووووول

صح لسان الكاتب .. وتسلم أيدك عالنقل يا أختى نتنفس من الأخضر :

لكن اللي يصعب على النسيان

ومهما ابتبكي العين مسموحلها

قديش فارس راح في الميدان

وقديش فارس ها الحبوس دخلها

الله لا اتسامح كل منهو خان

ويرحم اللي طاحوا نهار شكلها