فيه جرذان كبودهم درهت حتى هم

منقول من الفيس





سراكة ليبية

تعود االليبييون بعد كل خبر اغتيال او تفجير او انفلات امني على دسكة
امخبشة تبدأ بالقول انهم قبضوا على سيارة مسؤولة على الانفجار والسيارة هذه
لاوجود لها الا على بوستات الفيس بوك.. بعدها يقولك انهم تم العثور على
سيارات اخرات مفخخات قدام مكانات اخرى وتم تفكيكها.. طبعا هذه تتحشم حتى
تعاودها بينك وبين نفسك، وبعدها يقولك الدسكة المكررة البايخة بني وليد،
لدرجة انك تحس ان بني وليد تفوقت على الموساد، تغتال في بنغازي وتفجر قبر
في زليتن وسيارة في طرابلس وتختطف شخص من الكفرة، تي وين هذا كله ادير فيه
بني وليد حتى تل ابيب ماتقدر على هالكلام.

اللي صاير هو الهروب من
الواقع، الليبيين مايبوش يفكروا ولو للحظة ان التريس الغليظ متع القاعدة
لايبي ديمقراطية ولا حرية ولا معترف بدولة اصلا، هم يحسابوهم لما قاتلوا مع
الثوار ضد القذافي محبة في الحرية والديمقراطية، هاذم ناس تقاتل من اجل
القتال، حتى المكانات المستهدفة اليوم مرافق عسكرية، ومعروف من مايبيش
الجيش؟ هو نفسه اللي قتل اللواء عبدالفتاح ويغتال في الضباط في بنغازي.


الحقيقة هذه دايرة الغولة لليبيين، يبوا يهربوا منها، ومافيش احسن من
شماعة الازلام لكن اليوم بتقول ازلام وغدوة تفجير اخر بتقول ازلام وبعد
غدوة وبعدها لين خلاص نفس العراق اول مابدوا قالوا البعثيين والكفخ كل يوم
يزيد والحكومة تقول البعثيين لين خلاص معاش فيها كيف وصار منظرهم مضحك وهم
يكذبوا على ارواحهم.
الطريف في هذا كله.. ان انا وانت وهو وحتى وزير
الداخلية يعرف ان اللي يفجر في السيارات مش ازلام.. وكل ليبي عارف هالشي..
لكن صايرلهم زي الدجاجة اللي اتفطفط ماتبيش تصدق انها ماتقدرش اطير.