هام وعاجل حقيقة الوضع فى ليبيا

الى الخونه والعملاء من اسمو نفسهم بالمعارضين .فى الخارج ولكل من فى الخارج من ابناء ليبيا وللاسف سمحت لهم افكارهم ومبادئهم ان ينضمو الى ثورة العار الثورة العمياء عن الحق , وانتم من تتواجدون على الانترنت ليس كل ساعة بل كل دقيقة بل كل ثانية لكى تجدون خبر يثلج فؤذاكم بالنصر , بعد ان طبلتم وهللتم لليهود والنصارى , وتكتبونى وانتم بالخارج الى ابنائنا كى ينتفضوا على قائدهم , وان وان وكثير من المقالات ..... انتم تسميعونها لانفسكم لاغير فالشعب الليبي قلبا وقالبا مع القائد ولاجل الوطن , اتعلمون لما نقول الله ومعمروليبيا وبس نعم الله تم معمر تم الوطن , لان معمر اعطى واعطى لهذا الوطن 42 سنة فهو يستحق ان يكون قبل الوطن لانه كان ولا يزال يعمل كل الخير لاجل الوطن وطننا الغالى ليبيا.الم تقولوا ان القدافى اعطى واعطى واعطى ونسف النفط كيف ......ان مجلس العار وكدلك الدول الاروربية وغيرها جياع لاجل تروتنا والحمد لله القائد حافظ عليها طيلة 42 سنة , وبالنسبة للتعليم ازمة عالمية وواضحة للكل بريطانيا تعليمها بالرشوة ومعروف لان معظم الجامعات مديرها ياهندى ياصينية والا انجليزى يلعب من تحت لتحت شهادة بالفلوس ومصر وسعودية وغيرها يعنى الخراب فى كل مكان كان غار الواحد ايتبع الدين الاسلامى راهو مش هكى , بس فى ليبيا ولا احد ينكر كليات جمبع الجامعات حديتا جددت القاعات وكدلك صالات الكمبيوتر والمعامل غاروا قولو كلمة صدق والله على مااقوله شهيد وغيرها من التطور .ولكننا والحمد لله فى تطور ملحووووظ وجدا اصبح فى الاونة الاخيرة طلبتنا فى المرحلة الابتدائية يدرسون اللغة الانجليزية وكدلك بدأنا فى دورات لرفع من مستوى المدرسين وكدلك اخدنا مناهج من بلدان متطورة وكدلك منهج الثانوية حدث ولا حرج من تطور وتنوع وكذلك مساجدنا على طول مفتوحة لدراسة التفسير وحفظ القران وبدأت الدورات الخارجية بشكل ملحوظ .............الله كنا والحمد لله بخير ..غار من مجلس العار كمشة معارضين عاشو برى وتوا جاعو يبو يرجعوا ,شن مافادتكم جنسياتكم الانجليزية والامريكية وكندية مش بلاد الحرية , ابعدو عليا وكملو حياتك احنى عاجبنا التمر والحليب , وخليكم بعيد بتطوركم الزائف مش بلاد الحرية وحتوقف معاكم ومش راح تظلمكم شن جاينا تانى.اللطف ياربى. عاد فى الفترة الاخيرة وبسبب طيبة الشعب الليبيى وجدتم تغرات كثيرةباش اتخشو فى ارض ليبيا الحبيبة وشعبها خشتو فينا زى السوس ..............هذا واهم حاجة الامن والامان والراحة وين ماتمشى فى البلاد ال ماتنشرى بالفلوس يااخوتى ياليبين يااحرار .............وانتم يامعارضين مانبوها عيشة اروبا ولاامريكا وتطورهم ال انزع منكم حتى الايمان ليبية جنة والله ............والشعب حاس بالهجنة ال كان فيها ..................افهموا قالك تنتفض طرابلس وترهونة وبنى وليد والزاوية وغريان وسبها والعجيلات والقواليش والزوارة وكل ربوع بلادى كانش على روسكم ياخونة اكيد ,هذا الشعب ذاق نعم وفضل ثورة الفاتح فيقو يالى فى الخارج ... القائد مخلينا على راحتنا والا متعرفوش المثل ال اقول ال معاشش فى ليبيا فاته الجو يعنى معاشش ولا عمره حيعيش , بالله جهزو لروحكم من توا خدمة بالخارج , رانا بركان وحامى هلبة عليكم مانعرفوش امتى بينفجر ويدمركم ياخونة باعربية ساعة الصفر قربت.لااله الا الله سبحانك ربى انى كنت من الظالمين. وصلى الله على حبيبنا محمد صلى الله عليه وسلم , والحمد لله ربى العالمين, اللهم ادعوك متضرا وطالبا رحمتك ان تحفظ هذا البلد امنا يارب واستودعتك وطنى ومن فيه من الشرفاء وانت الذى لاتضيع وذائعك , سلاما وبردا من الرحمن عليكى ليبيا وطنا وشعبا.

الله المستعان
والله ياأخي ماعاد عرفنا هالناس كيف اتفكر
كل همهم الحرية !!!!!! أصلا انا مش عارفة شني هيا الحرية اللى يبوها ؟؟؟؟؟؟؟
احني والحمد لله ماناقصنا شئ ومن ناحية التعليم والصحة والنظام زي ماهما ايقولو اقصد (الجردان) اي جرد اتناقشه يقعد يتكلم فى كلام فارغ ويقول الصحة والتعليم والبنية التحتية والنظام وغيره وغيره مع اني فى نظري مش شرط نقلبوا البلاد واندمروها علشان نبو انصلح حاجات ، وحاجة ثانية التعليم عارفينه واكبر دليل الدولة تعطي فى الطلبة ايفادات وتضم فى المرافقين تبيهم ايزيدوا يتعلمو ويرفعو من مستوي الدراسي امتاعهم ويرجعو لبلادهم باش ايفيدوا بلادهم والشعب الليبي ، تلقاهم اللي يتعلم حرفين فى الخارج ايقعمز في بلاد الكفر وينسي بلاده وهذا كله غير صارفين عليه وايقولو الدولة متعطي فينا فى شئ ،و الصحة اينزلوا لكل مستشفي ميزانية لابأس بيها وماناقصهم شئ غير الاطباء مايقعدوش فى المستشفي والا يقعد للساعة 11 هذا داير روحه مواضب على عمله وبعدين البركة فى الناس اللى تخنب وقاطعه ايديها من ربي تلقي اغلب الادوية اللى فى الصيدليات مختوم عليها انها من المستشفي ، والفوضة والفساد كله من الشعب لان الشعب هو اللى عليه الكلام والله غالب هذا فيض من غيض راهو ياخوي كلامك جي على الجرح لان اللى اتكلمه يقعد يتكلم فى كلام فارغ وايقولى الدولة الدولة هما طالعين يقروا وعابيين عليهم وحشاكم جردان ماينفع فيهم شئ وحتي كان ناقصنا تغير ، كان كل واحد ايصلح من نفسه ويخاف ربي تلقي ليبيا زي الفل مش لازم يتمرودا وايدمروا على خاطرها البلاد ، الله ايدمرهم هالعملاء هالخونة فى الدنيا قبل الاخرة هم وهالناتو امتاعهم (حسبي الله ونعم الوكيل فيهم)
سامحوني كترت كلام لكن والله معاد عرفنا وين انفضفضو على اللي فى خاطرنا (مشكوور اخي على هالطرح الاكثر من رائع)

الإنسان الذي يستعين بالكافر الصليبي على أخيه المسلم لا ينتمي الى فصيلة الإنسان .فهذه النوعية من البشر تحاول في كل مرة خلق الدرائع و المبررات ،هل لإصلاح الوضع في ليبيا و هذا حق شرعي و منطقي نستدعي الحلف الصليبي لقتل أفراد شعبنا مدنيين و عسكريين و كأن هذا الحلف جمعية خيرية و نسأل أيضا لماذا هذا الحلف لم يقدم يد المساعدة لشعبنا في فلسطين ؟ بل العكس ما قام و يقوم به هذا الحلف هو القتل و التدمير اليومي لكل ماهو عربي و مسلم أفغانستان و العراق و الباكستان و فلسطين خير شاهد على ذلك . في الأخير تحية و اجلال و اكبار للشعب الليبي المجاهد و الخزي و العار و المذلة للخونة و المرتزقة