ناديتك يابنية جاري

ناديتيك يا بنية جاري..
ناديت بحبي واصراري..
ناديتك والله بصوت عالي..
حاولت نوضح أفكاري..
حبيتك ليلي ونهاري..
وسكنتي روحي ووجداني..
وياما طلبتي وكنت كريم..
وياما سالتي وكان الصدق شعاري..
دامت سنين محبتنا.. وتوجناها بخطوبتنا..
حلمت وحلمتِ باللي جاي نكون حبك وتصوني داري..
ووين تحدد يوم الفرحه..
وشريتي الفيلو والطرحة..
فرحوا هلنا اللي بيهم تكمل هالفرحه..
وقالوا نهايتها قصتنا سمحه..
وخش علينا شهر اتنين..
وجاب بلاوي يوم 13مع يومين..
وكشفت اني ماعرفتك زين..
يقول ربي تزوج للدين..
والدين يقول لالا مانخونوه وطننا..
فهًمتك حاولت معاك..
تقولي هات نقولك هاك..
مالقيتي عذر يقنعنك قبل يقنعني.لكن كان الحقد عماك..
تبعتي بوك اللي غراك..
مانقول بسهولة ننساك..
ولا ننسى أيامي اللي معاك..
بيحزن قلبي لأن بصدق هواك..
وضاق المر على سباك..
وياما تعذب في مرجاك..
ناديتك يا بنيت جاري..
تمنيت معاك نتمه مشواري..
وتزيني حياتي وتنوري داري..
لكن دام الصدق شعاري..
مقدارك عندي مقداري..
اللي تبيها قتلك فيها..
الا بلادنا لا تطلبيني نخونها لا تخونيها..
العار عليك وموش عليها..
أصريتي ومشيتي فيها..
فلحظتها كمل مشواري..
مانقول ضاعن كل أحلامي..
نقول عاشن أحلام جديدة في قصة حب معاها بلادي..
نفديها بروحي بالغالي..
اللي بوردة يرميها لازم ناخذ منه تاري..
ناديتك يابنية جاري..

صح لسان قيلة

زيدنا من القصائد يريم

جميل جدا مشكوره اختى ريم

راااائع بجد عجبتنى هلبببببببببببببببببببببا ....الا بلادنا لا تطلبيني نخونها لا تخونيها..بارك فيك وخيتى

والدين يقول لالا مانخونوه وطننا..
فهًمتك حاولت معاك..
تقولي هات نقولك هاك..
مالقيتي عذر يقنعنك قبل يقنعني.لكن كان الحقد عماك..


بجد كلمات عميقه
تسلمي للإنتقاء المميز

شكررررررررررررررررررررررررررا لمروركم اخوتي وتعليقاتكم المشجعه

تسلمي من ذوقك وأهلا بيك مجددا

الأخت ريم سالم تتمتع بحس أدبي مرهف لذا أقترح أن ننشيء لها ديوان وتثبت كل مواضيعها

Zico كتب:الأخت ريم سالم تتمتع بحس أدبي مرهف لذا أقترح أن ننشيء لها ديوان وتثبت كل مواضيعها

شكرا زيكو