منقول ورائع

يــامن هربتـــو وتـــاركين بــــلادي * مــش قــبل قلـتو مانهابو الصادي
مش قبل قلتــــــــــو فحولـــــــــــه * احني فداك ياصقر العرب والدوله
قــدرك وراســـك روســنا نفــــدوله * إنهـــبو إليا جـانا غــريــب يعــادي
علي أعــداك نحنا إمدايرين الغوله * إحــني حصــن للفــاتح وللمبــادي
ويــاما رقصــتــو قبــل وهتـــفتـوله * بالــدم لاتهتــم نمـــحــو الــعـــادي
لــكــن تغــير هالــكــلام فـــصـــوله * طـلـع قـولـكـم للــفعل موش إمقادي
تركتـــوه كــل الوطــن عرض وطوله * يـــو
م المنـــحس في التـريس ينادي
النــاس البســيطه كــلــهم صبوله * اللي قـــبل عـــانو فقر ماهو عــادي
قـــداش دارو فــي المـداعـك جوله * ورثو طبــايع مــن تــريس اجــوادي
وانـــتم ضـــراريكم نــهار الهـــــوله * مشـــو فـــازعين إلســفرهم جرادي
لاهــمــهم هالــوطـــن لا فــزعــوله * البيــــوع ديــــما طبعــهم الأوغادي
علـي الناس هلي كاينه مسؤوله * عنـــهم كتبـــناها القـصـيـده هـادي
الامــــوال سرقو اعداد مش معقوله * وباي باي قــالو ياتـــراب اجـــدادي
سرقتو نصيـــــــــب فلـــــــــــــوس * بها ترقصو في الديســــكو ياتيوس
وانتم جـــعلتوه البــــلاد إيــحـوس * ومنــكم تلــخبط قــبل كاين هادي
انتم يهـــود ومــجرمه ولصــــــوص * خـــوف وخــيانه طـــبعكم م البــادي
الأجــــواد ضـحو عل وطن بنفوس * وإنتـــم هربــتو تســــهرو في نوادي
أغبـــر بــدي هالوقـت بيـنا يلـوص * وركّــب مضـايع عل تريــس إبادي
باهـــي ســرقتو ليـش ياماجوس * ماتصــــرفو علي شبابنا اللي غادي
اللي إمفلسين وحالهم معـكوس * مسـاكين هـجرو وفـارقو لكبادي
وليـش تجعلو فانوسهم مطموس * مادام درتــــو بالفــــلــوس زرادي
وآخـــر كــــلامي ندكـرو الــقـدوس * وندعـــــوه مــــولانا الكــــريم الهادي
يـــبدو المخـانب بختـهم منـحوس * ولا عــاد راحــه يشــبحو لا سعادي
ويجــعل عبـاده يسـكنو الفـردوس * اللي ع الوطــــن ضحو كما المعتادي