اللي خان ما خانش زعيم الثورة

البيت الذي قرأته واجج فيا عواصف القوافي فأجبته بما لدي من أبيات تروي قصة الخيانة والذنب في ليبيا

اللي خان ماخانش زعيم الثوره
خان شعب خلى شوكته مكسوره


ولكم القصيدة


خان إبلاده وخان روحه وخان كل أولاده
وباع ذمته بأرخص أثمان أزهاده
وباع العرب والشرف والقومية
وجاب الصليب ونصبه الرياده
وباع ليبيا في مزبله عربية
وأعتمدو كلامه وخط من خطاطه
في نصف ورقة من أوساخ النيه
وجرجر الناتو مفتخر يحسابه
حرر القدس من الصهيونية
حال العرب تعبان ياعقاله
لا شرف ينهى لا ضماير حيه
راح الحشم وراح من حسابه
وضاع الشرف وراحت البيتيه
واللي دار حاجه أمسجله ف اكتابه
يلقاها نهار الحشر والجمعية
وينادي المنادي يافلان تعالى
تعرض عليك أعمالكم جمليه
وتلاقي العزيز بعزته وجلاله
وينطق السانك يفضحك بالسيه
وتشهد عليك جوراحك باكملها
تستنجد الناتو بهاتف الثريا
وتثبت عليك خيانتك وأثامك
ويبقى مصيرك لي النار الحيه
وتندم أفساعه ما إيفيد ندامك
لا تقول طايش لا أمغرر بيا
راهي الامانة ياعرب ما أصعبها
على شانها تدخل النار الحيه
طريقها خطيره وصاعبه ماتعبها
تبي مبادي وشرف ورجولية
وكانك غشيم وما فهمت كلامي
طالع وحاضر في السيره الحيه
سيرة الصحابه والرسول نبينا
أصحاب الشرف والدين والغيرية
وخوذ المواقف كلها قدامك
سئلتك وما نريدك أترد عليا
اللي خان منهو وباع كل أوطانك
وزيف حقايق واضحه سطعية
باع العراق في مهزله ماكانت
وتحجج بحجة أسلحة ذرية
وباع ليبيا وفيها زعيم القاده
بكذبة طغي وأقبور جماعية
والعداد ياعرب ما وقف عن تعداده
والقطار يجري والنفوس عميه
يلطف الله ابحالكم وبحالي
ويغفر جميع أذنوبنا والسيه
ونختم كلامي بالصلاة عالهادي
خير العرب والخلق والبشريه
نسئل الله يجيب كل أسوالي
وأصحاب المرؤة اللي أنضاف النيه
يرزقنا الله بالشبوب قاوي جوره
ثلاثين يوم مافيهن أتفك أشويا
ويخضر الوطن ويبنهج بنوره
نور الحياة والعز والخضرية
وترجع العظمى والأمجاد أمعاها
بنور وجها خالق البشرية

واسلمتو تحياتي سالم عباد

بارك الله فيك خوي ســـــــــــالم عبــــــــــاد / صح لسانك

أسلمتو جميعا

ابدعت خوي سالم عباد على هالشعر

واللي خان خاين روحه والرحلة طويلة وشاقة ومفتوحة وبالجاي مرحب واللي مشا مربوحة

كلام فيه حكمة ما يفهم معناها إلا الأحرار.. سلمت أخي سالم وصح لسانك يا حر..

مشكوررررررر اخي سالم وماقصرت