حاله يا الاخ القائد

درنه فيها القاعده ,, و بنغازي فيها ازلام ,, و بني وليد مش متحرره ,, و براك الشاطي فيها اللواء 32 ,, و مصراته دوله بروحها ,, و طرابلس مش عارف من حاكم فيها ,, و الزنتان كوكب اخر ,, و القنوات و حده طوارئ و وحده اغاني و الاخرى مسجات يا حبيبي ,, ووحده اتلمع في واحد كلب و عميل ,, و كتايب من غير قاده و قادة من غير كتايب ,, و نظام و شرعيات و قانون طوارئ في بلاد من غير قانون ,, الاخوان مع قطر و محمود جبريل ميحبش قطر ,,, و قطر مع امريكا و مصر و تونس مع الاخوان ,, و الازلام في مصر و تونس و الجزاير و النيجر ,, و قناة ليبيا الاحرار علمانيه و هي قاعده في قطر الاخوانية و المقريف يبي يحرر فلسطين من الاسرائيليين و هو مع امريكا و امريكا صاحبة اسرائيل ,, و السعوديه مع الفيدراليين و الفيدراليين ماهم مع حد ,, و هذا كله الله يعلم بيه و ما خفي كان اعظم ,؟ و كلهم ايقولو (( دم الشهداء ما يمشيش هباء )) و كلهم مصورين مع القائد و كانو ايلقوووو و ايمصو في دم الشعب الليبي و توا طلعو علي اساس ما ايحبوش معمر و امريكا هيا امريكا و دقي يا مزيكا و مفيش حد فاهم حاجه من هالزيطه و حاله يا الاخ القائد .

ههههه اضحك الله سنك اخي الشاهين

تســـــــــــــلم خوي شاهيـــــــــــــــــنــ

والله فعـــــــــــــلا حالـــ يا أخ القايد ــــــــة ...

حاله يا الاخ القائد %20%20

وتحيا دولة الحقراء

صدقت

فعلا حالة يا أخ القائد .... ومزاريط الخاين يبوووه فارس والحلااال داروووووه حراااااام والتاريخ زوروووه والدبح للبشر مش للحيوناااااات والتقطيع حتى هو والدين قلبوووه هذا كانوا من نفس الملة او برا خودلك هي .... مش غير حالة وبس ....

من طرف ???? الخميس 25 أكتوبر - 21:52

الله المستعان

حااااااااله يالاخ القائد

وشيوخ دين معندهم دين ومنبر الرسول استعمل للفتنة بين المسلمين واعلام لقتل الحقيقة والاشراف اصبحوا طابور خامس والطابور الخامس اللي ساعد الناتو اصبحوا ابطال ويحكوا على الوطنية والمخانب اصبحوا نواب والرعاع صفوة المجتمع والعهر السياسي صار منهاج والعصابات جيش وطني والجيش الوطني مطارد والتدمير صار اعمار والاعمار مش وقته والسراق هو العسساس والامن صار رعب والبوبات معتقلات والجمعيات الانسانية بيوت للدعارة السفوربدل الحشمة ومنحطات المجتمع صارن سيدات الطهر لان الاجانب مفيش باس (في طار الكرم للغريب) والاشرار احرار والشعب (المغفل منهم) ياناري عليه يرجى في بكرة بيش يمشية على الذهب وبقايا الاتراك والانكشارية Sleep