يازنقتنا جاى رمضان وكل عام وكل خوتى بالشرق والغرب بخير

يا زنقتنا يالى بالخير لكل العرب ولاهل البوادى وبالكرم جودتى ومازال اتجودى ,يازنقتنا يازنقة شارعنا فى كل مكان من ليبيا وطننا يازنقتنا فى المرج وطرابلس وبنغازى وبن وليد وسبها ومصراتة .............يازنقتنا استحشناك .......استحشنا فيك لمتنا .....وافراحنا وهنانا وتشهدى فى بسمتنا............ يازنقتنا ...............يازنقتنا وين راحو الاحباب من كل شرق وغرب ..........وين راحو الشباب ال تنكتب بدماهم اسماء زنقتنا ..........والله الدموع ماسكت عليهم .......... والدم ال نزفوه على خاطرك يازنقتنا فى كل انحاء ليبيا وطننا وطننا يازنقتنا فى المرج وطرابلس وبنغازى وبن وليد وسبها ومصراتة ...... يازنقتنا خوتى راحو ومانى عارف انجيبهم كيف ..........راحوا ومانعرف وين وين وين بالك تقدرى اتجاوبينى انتى ........يازنقتنا جاى رمضان وكل عام وكل خوتى بالشرق والغرب بخير .......... وزى العادة ان شاء الله تشهدى لمتنا يازنقتنا .........وتشهدى لمتنا لصلاة التراويح والتهجد لله يارب احفظ شبابنا ووطننا ليبيا بخير وقائدنا ولتغيب حبيب عن زنقتنا ........ورمضان مبارك ع الجميع وانشاء بالهدايا للجميع
وصلو وسلموعلى محمد حبيب الانبياء صلى الله عليه وسلم .ولااله الا الله سبحانك انى كنت من الظالمين.

إن شاء الله رمضان يجيب خيره وتزول الغمة وتصفى الخواطر ويقف نزيف الدم الليبي ..ويرفع الأعداء أيديهم النجسة عنا ....إن الله على كل شيء قدير .

عليه أشرف الصلاة و السلام

بارك الله فيك خوي على هالكلام السمح...و انشالله رمضان يجيب الفرج معاه و ربي يهدي خوتنا و يرجعهم و لعقلهم...و بصراحه، نتمنى أن حتى الجرذان الحقيقيين اللي يحرك فيهم الطمع و الجشع أن يضربهم الجبن و الخوف و يوقفو هالحرب...ياسرنا حرب و قتل..خلي الخونه يمشو ينتلفو لتركيا و اسبانيا و يخلو شبابنا و بلادنا و قائدنا في حالهم...شن هالكفر اللي ضاربهم؟؟؟ تي فاتو الكفر منه غادي

يا رب فرجها علينا بجاه حبيبك المصطفى و بجاه بركة رمضان اللي خاش علينا و احقن الدماء و هدي النفوس و رجع بلادنا زي الاول و احسن يا رب

ان شىء الله يحل عليكم بالبركة وانحب تشكر اخى العزيز على الموضوع وان شىء الله ربى يفرج علينا فى الشهر المبارك

اللهم صلي وسلم وبارك على سيدنا وحبيبنا محمد ونسأل الله أن يجعل هذا الشهر الفضيل وكل الشهور أمن وأمان وأن يرزق الله فيه ليبيا من الخيرات إنه ولي ذلك والقادر عليه

الهم صلى وسلم وبارك على سيدنا محمد...بارك فيك خوى كلماااااات رااائعه..ان شاء الله رمضاان مباارك على الجميع ربى بلغنا رمضااان وابشرنا بنصرك يا رحمن

اللهم صلي وسلم علي سيدنا محمد
الله يبارك فيك ان شالله ربي يبلغنا رمضان واحنا متريحين

اللهم صلى وسلم على سيدنا محمد الفاتح لما اغلق والخاتم لما سبق ناصر الحق بالحق والهادى لصراطك المستقيم , صلاه تفتح لنا بها ابواب الخير والتيسير وتغلق لنا بها ابواب الشر والتعسير وتاتى لنا بها واليا ونصيرا نعم المولى ونعم النصير, اللهم يسر ولا تعسر , اللهم يسر ولاتعسر,اللهم يسر كل عسير ان تيسير العسير عليك يسير
اللهم نسئلك النصر واللحمه الوطنيه من الشرق الى الغرب ومن الشمال الى الجنوب
وكل عام والجميع بخير

بلغنا رمضان يارب علي المودة والرحمة والنصر يارب اللهم يا ناصر المظلوم انصرنا علي اليهود والنصاري

اللة يهنيكم بشهر رمضان الكريم ويدوم عليكم بالمحبة والسلام

الهاجري كتب:اللة يهنيكم بشهر رمضان الكريم ويدوم عليكم بالمحبة والسلام