مفهوم المسيرة السلمية ؟؟؟

السلام عليكم ورحمه الله وبركاته
أريد ان انقل لكم مفهوم المسيرة السلمية لاني لقيتكم اختلفتوا فيها منكم من يؤيد المسيرة السلميه ومنكم من لايؤيدها وانا عن نفسي لا اعرف لكن انقوللكم وانتو قولو رأيكم ولو اني عارفه رد الاغلبيه بعد مانحكيلكم

اكيد الكل متذكر كويس المسيرة اللي كانت متجهه عند الشرق من فتره واللي لم تصل الى الشرق لانها قوبلت بالرفض لذلك انا نعطيكم الفكرا الواضحه واللي لازم تعرفوها

بالنسبه للشرق رافضين المسيرة السلميه انا نحكي عن عامه الناس انا نحكيلكم عن تفكيرهم مستحيل حيوافقوا بقدوم مسيرة سلميه لو انكم تريدو المسيره تمشي لعند الشرق ولو ان يكون حد يضن بان المسيره السلميه يريدها الشرق لانهم في الشرق رافضينها قبل ماتأتي المسيرة السلمية اللي كانو يفكروا مثلي الوحيدين اللي كانو يتمنو قدوم هذه المسيره وهذي الاقليه لكن الاغلبيه العظمى لا لا
نزيدكم ليش لا لان الشيوخ مابوش بيها المسيره هذي وقعدو ايحذروا منها في الاذاعه ويحذروا اي حد يسلم عليهم ودارو فيها فتوا 0 لايجوز حتى التسليم عليهم ) انا نقوللكم الاخبار الواقعيه وتداول بين الناس ان هذه ماهيش مسيره سلميه ومقتنعين بيها والتحاور معاهم بلا نتيجه لانهم قالوا انهم معاهم جنود بينهم وانهم يخططوا للهجوم واخرا لأن معش يبو الا حل واحد وبس وكلكم عارفينه لذلك انا نقوللكم ممكن المسيرة في منطقه الغرب ان شاء الله اسهل لكن الشرق لأن الناس رافضين اذا كان الشيوخ افتولهم واذا كان معش يبو هذا الحل
شن رايكم انا نقلتلكم واقع ولازم نتعاملو معاه انا مقلتش الكلام هذا للياس بالعكس لكن حقيقه لازم تعرفوها لاني عايشتها ونقلتها لكم

مشكورة اختي على التوضيح - سوف يتم ارسال مسيرة تأديبية وهذه هي المسيرة الوحيدة التي سوف تتجه لكل المدن

نعم اختى صدقتى والله ما ينفع الا التحرير بالجيش وبس

مشكورة اختى على التوضيح

مشكورة أختي على التوضيح..و ربي يهدي أهلنا في بنغازي إلى الطريق الصحيح

هذي مشكلتنا نحنا المسلمين...نخلو في كتاب ربي و نسمعو لشيوخ الدم...ربي خالق الدين يسر و الناس تعسر فيه. يعني لما ربي يقول : لا تتخذوا اليهود و النصارى أولياء...الكلام واضح. ما نجيب إنسان ناقص (الكمال لله وحده و ربي فقط معصوم عن الخطأ) و نخلي كلام ربي و نقول: لا عادي، الشيخ قال ما فيهاش باس كانك استعنت عسكريا باليهود و النصارى

لعنة الله على شيوخ الفتنه و تحليل سفك الدماء