رايكم يهمنا

هدا الخبر من مشاركة احد الاخوة في صفحة عيون المقاومة و ربي يحفظ حرايرنا..........
الحدق يفهم .... الشاطر يفهم .... القصة كبيرة وخطيرة

هيهات هيهات ياليبيين في كان ماشيين ....

اول امس كنت في مقهي نحتسي في المكياطه والارقيلة انا واصدقائي واصدقائى
من شريحة المثقفين المهتمين يلي ما فيش منهم هلبة من ناحية التاريخ
والمبدا...

اذا بخبر يقول ان
ليبيا ستنجز مشروع ضخم هدفه ايصال مياه البحر للجنوب "علي اساس انه ليبيا
بتفوت دبي" الموضوع انا قلت مايصير منه لانهم اصلا مش قادرين يسيروا امور
نفسهم فما بالك بمشروع بالمليارات كانش وراه خنبة احرف من يلي خنبوه من قبل
لكن عندي صديق مثقف للغاية قال كلام شديته في دماغي واهتميت بيه جدا وهذا محور هالمقال يلي كتبته ليكم ....
قال انه عنده صديق يخدم مع الدبيبة حكاله ان الامم المتحدة عرضت علي ليبيا
زمان فتح ترعة بمسافة 600 كيلوم من الشمال للجنوب تبدأ من جهة مصراته
تحديدا جهة البحر الى قدام تاورغاء والقيادة الحكيمة حينها رفضت العرض
جملةً وتفصيلاً ....
انا انتخصت وسالته باهي علاش رفضت القيادة قالي
ببساطة شديدة هي ليبيا اصلا تعانى من ملوحة المياه فما بالك تدخل المياه
للجنوب يعنى ليبيا بتولي مالغة صبخة اكثر من هكي ..... بعدين رجعت لمكان
المشروع فهمت اللعبة والخبث والمؤامرة الفبرارية علي الوطن بقيادة مصراته
.... هدا ليش تاورغاء هلها هجروا قصرا ممر الترعة البحرية .... وهدا ليش
بنى وليد ازلام .... بقصوها بترعة بيكمون متاع الامم المتحدة .... والمقريف
يصف في الحملة حملة الخير .... اتريتها يامقريف حملة الترعة طلعت ....
اناكتبت هالكلام عمدا بالك في ناس قاعد مغرغر بيهم ومجرجر بيهم وممكن تفيق

دوب يقتلن

لا حول ولا قوة الا بالله

يريدون سرقة اموال ليبيا بأي طريقة كانت وليس السرقة فقط وانما تدمير التربة الزراعية في ليبيا

ثم يا جرذان ها هو النهر الصناعي العظيم بمياهه النقية ياتيكم من الجنوب باتجاه الشمال وبتفرعاته الى الشرق والغرب وكان مخطط له ان يعم كل ربوع الجماهيرية

رأينا من رأي القيادة التي رفضت المشروع وهى أدرى بمصلحة الجماهيرية والقائد جابلنا المية الحلوة غصباً وقهراً من الجنوب ورورانا من العطش ولكن هالحتالة البرجوازية السمسارة مصاصين الدماء ما هامهم مصلحة البلاد وكمشة خنابيين ومحتاليين وكان يلقوا الناس تشرب من البحر على طول مش يا بال يصولوا ميته للجنوب باش حتى الحلوة تولي مالحة بفضل خبرتهم وهذا كله باش ايزيدوا يخنبوا ويلهطوا بس حسبنا الله ونعم الوكيل وربي إن شاء الله ما يطولهم ولا ينولهم لشئ يا حي يا قيوم

موضوع خطير بس ما هدفهم من جعل 600 كيلوا متر داخل ليبيا بحرا ميناء بحرى او قاعدة بحرية للناتوا ؟؟؟؟؟؟؟؟؟؟؟؟
الله المستعان