انفضحت اللي كانت خفاء مخفيه -- و بان عار دوله تدعم الحرية

انفضحت اللي كانت خفاء مخفيه -- و بان عار دوله تدعم الحرية

بانت لنا الحقيقة
وكل حد عنده منهجة وطريقه
فيه منو منها خاف بالع ريقه
والآخر تحداها وقال ايش هيا ؟
شـ تكون دولة قاصرة ورقيقة
اتصدر في ايقونة الصهيونية
العقد انفرط منها وطار عقيقه
وبانت خفايا واضحه وجليه
تمشي علي قولت إيمان سحيقة !!
واني نزيدها فوق السحيقه ميه


هيض علي حواسي
وجلا غمامه حايطة بي راسي
في الظاهر عسل صافي اطرافه كاسي
والباطن تدس سموم كيف الحيه
وتمرر اجندتها بعزل سياسي
تنفذ بنودة هيئتة الوطنية
وتنبش رديم الشعب كاين ناسي
شرنقش غرنبش بينا منسيه
صراع ع الوجود وهدفها الكراسي
وتقسيم في خانة الفدرالية

مخطط اخترعاته وضيع وخاسي
تفتن قبائل عندها أهميه
اتحط العقوري في مكان الحاسي
وتفنا قبايلهم السبهاوية



نوض علي مشاعر
وجمله مشاعر بحت بيهن شاعر
دولة الحرية اتقيّد شاعر
وتكمم افواه الشرف والغيريه
اميرها من التزييف ما هو جاعر
و جميع وصف من التزييف فيه شويه
معتوه و امبلّد و دلوه قاعر
وخالي ضمير وما عليه عبيّه
ساهل علي اشناه ماهو واعر
مغير هدف عندي نبرزة ف قضيه

نجيب في فصول القصه
وساهل علي القول ما يتعصّا
شاعر وعندي في الحديث منصه
وجمهور كان حكيت يسمع فيا
والشاعر يقولو تعرفه من نصه
والشعر عند العارفين هويه
كمال لطريقة ما يوصل نصه
فتسجيل واقع من صميم النيه
يذكر اللي خاين وواخذ حصه
تراب وطن باعه لليهود هديه
خيره يبزعق للعقاب يمصه
كل يوم ميه يا خذوها فيه
في ايديه خاتم سمح يلصف فصه
و تيوتا جديدة من الدار طريه
عليها حمد موزة بروحه وصي
ودز له معاها في خطاب تحيه


والشعر جاي مواتي
محبوك ومقلفط وبيه انهاتي
من شئ باطل نشتكي يوماتي
زايد امكديني علي ما بيا
نوزن وننسج في حروف ابياتي
ونشعر انها في حق ناس شويه
في البرد والمطر يصعفقو ليلاتي
وانا في الدفا من تحت بطانيه
نكتب وما والي سمع آهاتي
علي ناس تمو عند ناس ضحيه
نين جار في ظلمه وطغا المصراتي
شرد وهجرهم التاورغيه
علي عين بو زعكوك و الحاراتي
ويده الطويله لجنته الامنية
ومزال يا سامع اطوال اوقاتي
ومزال عندي للحديث بقية



مازال عندي غايه
ومازال قولي ما وراه نهايه
كبدي وقلبي بالدراه ملايا
مغتاض تشعل نار في جوجيه
بناتنا وراء قلة المال سبايا
عارنا اشهر في قطر موش شويه
قصير لابسات وحاطات مرايا
ومعاهن طويل العمر واللي زيه
عقالاتهم تحلف الا قطايا
لطير طول عمره عاش فوق اميه
علي راس متكركب بدون خلايا
ولا قلب فيهم تحت جلابيه
واللي جنني وقاطعات الوايا
سكوتهم علي الواقع وذكر الكيه
مخصصين عدتهم لكل ولايه
و(سنوبي ) عليه مكلفين رعيه
طايعين قوله ويسمعو في رايه
عليه يغفرو خدام كل عشيه
اسراب تحت امره وللخليج حمايه
ارتال من قواعدهم الامريكيه
واخذين من الحلف اللعين وصايه
في الجفير والعيديد والسيليه

لعنة الله والناس أجمعين على هذا الخرتيت الخنزير

بارك الله فيك اخي الصقر الليبي

تسلم على القصيدة منور خونا الصقر