ضاع الوطن وضاع شبابه وزاد خرابه

من طرف سفانة الخميس 14 مارس - 10:16

تعذيب وقانون الغابة.،،ضاع الوطن.
ضاع الوطن اليوم دموع،،عزيواته في كل مكان.
نبي نحكي عنا موضوع،،ومن جوا مليان احزان.
في تاورغاء ماتو من الجوع،،وعيلهم بايت صقعان.
أللي ف شرقه ديمة مفجوع،،جنازاته في كل مكان.
وف غربه ذلة وخنوع،،مصاريته زادو طغيان.
إلتم الفار علي الجربوع،،بعد خشو سيد الوديان.
وفي سبها الضي علي شموع،،وعيب علي أولاد سليمان.
الله غالب حاكم مصنوع،،مرخي جابوه امريكان.
... ان كان تكلم مش مسموع،،ولا واحد دايرله شان.
اللي معاه الطايح مرفوع،،مخانب ما ليهمش أمان.
تقسم وطني بين نجوع،،وبين افلان وبين افلان.
والباقي حبله مقطوع،،و ما يملي دلوه فرغان.
الي توا سهمه مرفوع،،الدنيا ما ليها تطمان.
اللي إديره حقه مدفوع،،سوا تبي ولا زعلان.
وما ينفع بعدين ارجوع،،تخلّص حقه عشرة أثمان.
متريح من عاش قنوع،،وراضي ما يظلمش إنسان.
ولابده للشمس طلوع.،إن طال الليل عليه تبان.
والظالم يقعد مليوع،،يضوق عذابه،،اللي داره يلقاه حسابه.
ضاع الوطن وضاع شبابة،،زاد خرابة،،تعذيب وقانون الغابة. ___

اعجبتني واتمنى الا تكون مكررة

الله غالب حاكم مصنوع،،مرخي جابوه امريكان.
... ان كان تكلم مش مسموع،،ولا واحد دايرله شان.
اللي معاه الطايح مرفوع،،مخانب ما ليهمش أمان.
تقسم وطني بين نجوع،،وبين افلان وبين افلان.
والباقي حبله مقطوع،،و ما يملي دلوه فرغان.
الي توا سهمه مرفوع،،الدنيا ما ليها تطمان.
اللي إديره حقه مدفوع،،سوا تبي ولا زعلان.
وما ينفع بعدين ارجوع،،تخلّص حقه عشرة أثمان.
متريح من عاش قنوع،،وراضي ما يظلمش إنسان.
سلمتي اختنا سفانه,,,ابيات معبره وكلها شجون.
Thump up